الموضوع: لظروف متسوبيشي لانسر ـ مو 2008

خير يا جماعة؟

كتير السعر دة

السيارة موجودة في زهراء الحي العاشر المرحلة الأولي عند مسجد علي بن أبي طالب الجاري تجديده


وانا حاشرح لكم حالتها وكماليتها بالتفصيل الممل لأني لاحظت إن كثير من اللي بيتصل بيا مش عارفين الفروق في الكماليات بين الخليجي واللي بضمان الرواس
والسعر قابل للتفاوض بإذن الله في حدود المعقول والسيارة يا جماعة كسر زيرو وبحالة الزيرو تماما وعلي مسئولييتي واللي يحب يتأكد يشرفني وأنا جاهز وعلي فكرة العربية مضمونة من قبل الرواس الوكيل الرسمي لمتسوبيشي بمصر وليست خليجي بدون ضمان ولما جيت أشتريها كان سعر الخليجي عالزيرو ب 88000 جنيه وعربيتي سعرها ب 94000 جنيه ومعي فاتورة شرائها وكذلك كتيب الضمان بتاعها وشهادة الضمان المعتمدة لمدة 3سنوات أو 100000كيلومتر وصورة الإفراج الجمركي بتاعها وورق الشحن لميناء بورسعيد بإسم شركة مصرية وكذلك الكتالوج بتاعها الأصلي جديد نوفي وعلي فكرة كمالياتها أعلي من الخليجي شوية يعني فيها 4 أكر نيكل الأصلية بره وجوة وليست أسود كالخليجي ودي غالية جدا وكذلك فيها العتب الأصلي وده سعره بالتوكيل 2500 جنيه غير طبعا تكلفة تركيبه ورشه وكذلك خامة الفرش أعلي من الخليجي والكنبة الخلفية 2 قطعة وليست قطعة واحدة زي الخليجي وبها مخدع متحرك وبها كونسول بغطاء متحرك بين الكرسيين الأمامين وبها الأبانوس الأصلي لونه أسود رائع بالتابلوه وكذلك منطقة الكاسيت والتكييف بها وش بلاتينبوم مش موجود بالخليجي وبها 2 مفتاح ريموت بيفتح من بعيد مشفر (إيموليزر) بحيث لا يمكن تدوير السيارة بأي مفتاح مصطنع آخر وطبعا بها الكماليات العادية مثل سنتر لوك الأصلي وكذلك التكييف وعلي فكرة فيها حاجة مش موجودة في تكييف الخليجي وهو فلتر داخلي يتم تنظيفه من آن لآخر لأن جو مصر كله تراب وبكده يحافظ علي جودة التبريد دايما والباور ستيرينج وزجاج كهربائي أربع أبواب مع تحكم من السائق في تشغيلهم أو فصلهم لحماية الأطفال و2 مراية كهرباء والمرايات بلون السيارة وليست أسود كالخليجي ومقاس العجل 14 وطبعا بطاسات شيك جدا ومن الأساسيات اللي خلتني فضلتها علي الخليجي هو العفشة الأشد تحمل والمصممة للطرق المصرية الجميلة اللي غلبت كل المقاييس في الحفر والمطبات وبها مفتاح تحكم بدرجة إضاءة التابلوه وسخان زجاج وفتح الشنطة وتانك البنزين من الداخل ومخادع رأس متحركة .. كل دي حجات العربية الأصلية اللي جاية بيها من اليابان

أما ما ركبته أنا فيها فهو راديو سي دي رائع جدا ماركة كيينوود مزود بريموت كنترول لأنها بتنزل بدون كاسيت ولكنها مجهزة له بمعني بها جميع الوصلات الكهربائية + 4 سماعات أصلية وليس سماعتين خلفييتين بس كالخليجي يعني مجرد بس أركب فيشة الكاسيت وكله يشتغل وركبت أيضا فرش جلد فاخر جدا بكسوة شبيكة في منطقة الجلوس منعا للتعرق وكذلك جايب لها غطاء ووتر بروف فاخر أغطيها به طوال النهار لحماية اللون والصالون من تأثير الشمس وطقم دواسات فاخر لحماية الموكيت الأصلي من الأحذية

فئتها glx

الخليجي gl

تسلم ياباشا على الشرح ده
العربية واضح انها تستاهل

مشكور جدا علي المعلومة ودعواتكم ربنا ييسر لي البيع بسعر مرضي