##تنبيه هام قبل الذهاب لسوق السيارات بالحي العاشر##

**ms077** · 06-05-2009 12:56 PM

السلام عليكم
أنا ساكن جنب سوق السيارات ياجماعة ولي معه تجارب عديدة
إسمحوا لي أن أوضح لكم الوضع العام لسوق السيارات بالحي العاشر

أولا:- التجار الراغبون بالشراء يقفون بالشارع اللي قبل السوق بمحطة عند يو ترن جامع السلام وينتشروا حتي السوق بطول الشارع علي الجنبين
ويتصيدوا السيارات المارة جميعها سواء عاوز يبيع أم مجرد معدي صدفة ويصل الأمر إلا أن التجارة بيتخانقو علي السيارة الكويسة ويضربوا بعض أمام البائع وأحيانا بيركبوا بالعافية في السيارة ويضعوا 10000 جنيه عربون في التابلوه (زغللة لعين الزبون) قبل الكلام في أي حاجة علشان ما يدلوش فرصة يفكر وده حصل معايا شخصيا أكثر من مرة

ثانيا:- من ينجو من التجار خلال هذه المرحلة لا يسلم منهم أمام السوق وقبل البوابات وطبعا يريدون الوصول إلي أن صاحب السيارة لازم يوافق علي السعر اللي بيفرضوه علي المالك علشان يتنازلوا وياخدوها منه عشان يعرفوا ياكلوا لقمة عيش .......مساكين
ولو طالوا يقلعوا الواحد هدومه ما يتأخروش...

ثالثا:- واللي يدخل بقي جوة السوق يجد التجار الللي بيبيعوا ومتجمعين مع بعض في الأماكن المميزة (أول ما يقابل الباحثين عن سيارة من الغلابة اللي زيينا عند دخول السوق) وراكنين عربياتهم وبينهم فراغات كبيرة وفي الممرات بحيث محدش يعرف يركن جنبهم ويفرشوا جنب العربيات ويطلعوا الجوزة والشاي وشغالين ..... غلابة

رابعا: نسبة كبيرة جدا من العربيات اللي هي راشة وشبعانة سمكرة هي الغالبية اللي راكنة جوة السوق وتقريبا هي هي كل جمعة ما بتتغيرش والتجار الكبار بيسرحوا صبيانهم علي كل عربية ويحددوا لهم السعر الأدني اللي ما ينزلوش عليه وكله بتوكيلات

لذلك اللي بيدخل السوق علشان يشتري بيلاقي فرص الشراء ضعيفة جدا جدا جدا لأن اللي بيكون هناك اللي مش لاقي زباين أو طالب سعر عالي جدا ومحدش حيشتري منه او الحالات اللي سيئة للغاية وصاحبها عاوز يبيع بأي سعر

لذلك بعد تجارب عديدة أحسن شيء أقترحه هو شراء السيارات عن طريق الإعلانات بالجرائد والوسيط والنت لأن نسبة كبيرة منهم بتكون عربيات ملاك عاديين مش تجار وبيكون السعر قابل للتفاهم بحيث يكون متناسب مع حالة العربية وطبعا فيه نسبة تجار بس الغالبية عاديين وبيكون فيها عربيات نضيفة جدا وكسر زيرو كمان

وأنا شخصيا عملت كده ومعلن عن سيارتي اللانسر فالوسيط الجاي

مشكورين وأعتذر إن كنت أطلت وأرجو أن أكون قد أفدت

**kayson** · 06-05-2009 01:05 PM

الله يفتح عليك انت حكيت سيناريو كل اسبوع بالتفصيل

**toto5552008** · 06-05-2009 06:13 PM

شكرا على التوصيح

**أشرف فتحى** · 06-05-2009 07:34 PM

كلامك سليم وفعلا انا رحت السوق ده اكتر من مره ولا بعت ولا اشتريت!

**ms077** · 06-05-2009 09:08 PM

المشاركة الأصلية كتبت بواسطة kayson

الله يفتح عليك انت حكيت سيناريو كل اسبوع بالتفصيل

المشاركة الأصلية كتبت بواسطة toto5552008

شكرا على التوصيح

المشاركة الأصلية كتبت بواسطة أشرف فتحى

كلامك سليم وفعلا انا رحت السوق ده اكتر من مره ولا بعت ولا اشتريت!

مشكورين إخوتي علي مروركم الطيب

**A.Elsheikh.01** · 06-05-2009 09:44 PM

طب دا مره كنت جاى من توكيل الطيران الله يكحمه فا لقيتهم بيترمو ادام العربيه عايزينى اقف بالعافيه بس على مين فعصت رجل واحد
بس الى بيها انهم عالم مبترحمش

**zizophone** · 07-05-2009 03:18 AM

هههههههههه غلابة هههههههههههه والله انت عسل

**momo100010** · 07-05-2009 09:23 AM

والله انا معاك ف كل لكمة انت قلتها
السوق دا المفروض يال اما يخلوه مش للتجار ( ودا صعب )
يا اما يلغوه خالص
استغفر الله العظيم يارب
والله انا كل ما بنزل السوق
برجع محروق دمي جداااااااا

**ahmed2y** · 07-05-2009 10:40 AM

انا كنت هكتب فى الموضوع دة بس خلاص مش هكتب لانك كتبت الى النا عاوز اقولة عن ملاحظاتى فى السوق لانقصت حرف ولا زودت حرف فاشكرك جدا والله يباركلك ويفتح عاليك