الموضوع: علبة البيئة ممكن تعمل صوت خشونة للماتور ؟

انا عندى بيحصل خشونة مع التكييف ولما اجى الف الدركسيون...بس معتقدش دة من علبة البيئة..دى تبقى فعلا بيئة هههه

ههههههه هية من نحاية بيئة فهيا بيئة
طيب اية حل الحوار دة يا استاذ ممدوح

صوت التكتكة دا فعلا صوت الكوستبانات

بس الى اعرفة والله اعلم انهم مش بيتغيرو كلهم زى ما بيقول
هوا بيفك الكامة و يشوف كام واح بايظ و يغيرة

بس فى حاجة صوت التكتكة دا بتسمعة و العربية باردة بس ولا بتسمعة باستمرار؟
لو مستمر حتى مع سخنية العربية كدة الكستبان البايظ جاب اخرة
انما لو بيروح لما العربية تسخن يبقا مفيش مشكلة و انساة

الصوت بيروح لما العربية تسخن علشان لزوجة الزيت بتخف

بص يا باشا الصوت التكتكة دة كان عندى بس كان عالى ولما وديت العربية للميكانيكى كدة من شهر كان فية لمبة اتشيك منورة عشان كانت فيشة المروحة بايظة وكانت المروحة دايمة شغالة على اعلى سرعة الى المفروض تشتغل عن حالة الغليان للماتور وكان فية حساس بايظ واتحلت المشكلة بتاعت لمبة الشيك وغيرنا تاكية مكنش شغال ومع تغيير التكاكية تقدر تقول ان الصوت دة تقريبا راح بس مش نهائى بقى موجود بس خفيف يعنى لما تدقق اوى فى صوت الماتور انا الصراحة مبقتش عارف الصوت دة من اية بالظبت والعربية سحبها ومشيها طبيعى هو كل الى عندى فى العربية كلها علبة البيئة بايظة و رعشة خفيفة اوى اوى وصوت التكتكة دة بس بعد ما طبط العربية اخر مرة روحت للميكانيكى تانى يوم عشان الصوت قالى مفيش حاجة فى العربية كل حاجة تمام طيب ازاى تمام وانا مش سامع الصوت دة غير فى النوبيرا بتاعتى انا بس تنصحونى اعمل اية عشان انا زهقت بجد والميكانيكى دة ممتاز على فكرة يعنى مش كبر دماغة منى

انا بحط زيت موبيل 3000 او 5000 وبمناسبة السؤال دة انا حصل معايا حوار غلط بالنسبة للزيت كنت فى معاد تغيير الزيت وسافرت فى شغل وقولت لأخويا هخليك تغير الزيت بس لما اتصل بيك هو كان رايح يحط بنزين واحنا جنبنا بنزينة شل فقال اغير الزيت بالمرة ومعندوش خلفية بالزيوت فقال للعامل عايز اغير زيت والعامل حطلة زيت شل الاحمر والمفروض انة بتاع مواتير قديمة ومأخدش بالى من موضوع الزيت غير بعدها بفترة لقيت الجركن فى الشنطة فأستغربت سألت اخويا قالى دة الزيت الى انا غيرتة اتصدمت طبعا وروحت منزلة وحاطيت موبيل بدالة ممكن يكون الموضوع دة هو السبب الكلام دة المرة قبل الاخيرة فى غيار الزيت يعنى نزلت التانى وحطيت دة الى انا ماشى بية وعامل حوالى 1300 كيلو

انا قولت اوضح المعلومة دى بما انك سئلت عن نوع الزيت

وبالنسبة لعلبة البيئة دى الى اعرفة عنها انها ليها علاقة بالجكمان وهى موجود فى جزء منة وهى عبارة عن علبة جواها فحم بس بتعمل اية معرفش ولما الفحم بيتكسر بتعمل صوت شخللة اول لما بدوس بنزين وفى الراجع بتاع البنزين وحل العلبة لما تبوظ يا تتغير يا تفضى الفحم يا تعمل ماسورة مكان العلبة وممكن حد يصحح لو فية معلومة خطأ ويعرفنا اية فايدة علبة البيئة