انا بصراحة ماليش لا في البيع ولا الشرا ولا حتي الانترنت لاني تقريبا دي تالت مرة ابعت الموضوع ده وتقريبا مابيوصلش او انا اللي مش عارفة انا احوليت خلاااص.. المهم ممكن لو حد شاف مشاركتي دي يرد عليا ضروري..أنا سيارتي هافي لوبو صيني موديل 2005 انا جايباها 2006 أول ايد صيانة توكيل 1100 cc تكييف باور زجاج كهربا أمامي 20000 كم بحالة كويسة جدا فابريقة برة وجوة بس متخدشة بكام خبطة خفيفة انا حتي سايباها ماصلحتهاش ولا رشيتها عشان اللي يشوفها يتاكد انها مش مرشوشة ولا مخبية حاجة فيها الحاجة الوحيدة اللي اتغيرت فيها هي طقم الدبرياج لسة مغيراه بره من شهر ومركبة طقم دبرياج عربية جولف لان التوكيل كان عايزني استني كام يوم وانا كنت مستعجلة بس فعلا جبهولي بعدها ب3 ايام.. عايزة ابيعها عشان عايزة عربية اكبر اوتوماتيك تكييفها قوي بس مش عايزاها ماتزيدش عن 85000 لاني بادوب ححط تمن عربيتي مقدمة للجديدة وحقسط علي سنتين تلاتة بالكتير ممكن تفيدوني ابيع بكام وفين واشتري ايه pleeeeeez