يا جكاعه انا اخترررت خلاااص عايز اعدل ال128 ممكن تجاوبوني على الاسئلة دي

**midoehab2006** · 06-05-2009 04:40 PM

السلام عليكم ورحمة الله وبكاته

انا عايز اجيب عربية 128 ومتحاولوش تقنعوني اجيب غير ال 128 لاني من عشاقها بس شفت هنا مواضيع عنها زهقتني في حياتي بخصوص التسقيط وكده انا عايز كلام اكيد عن تجربة بجد في الاسئلة دي

أولا:تسقيط ماتور :
عايز ماتور 1600 لل 128 لانشيا او ريجاتا وهدفي للتسقيط مش عشان العربية بايزة لأ عشان انا عايز باور وعزم انا قريت ان الشاسية بيتفتح ومش عارف ده صح ولا لأ مع العلم ان في ناس كتيير معدلة ال 128 بتسقيط مواتير وماشية معاهم تمام التمام اكتر من سنتين والعربية مقالتش لا(هل فعلا التسقيط بيقلل عمر العربية يعني بيبوز الشاسيه)

ثانيا:هل في حاجه اسمها تدعيم الشاسية ولاكلام فاضي
ثالثا: بخصوص التنفيخات والبودي كيت ايه نظامها وبكام وليها تأثير على العربية ولا لأ
رابعا:تغيير الطابلوه لل 128 بطابلوه اوبل كروسا على ما سمعته بس سمعت انو بيديلك قراءة غلط للحرارة والبنزين
خامسا:هل في امكانية تركيب جنط 17 لل 128 وكوتشات عريضة؟؟
اخيرا ومعلش انا طولت عليكم:الدبرياج الرياضي فايدته ايه؟

في انتظاركم يا مهندسين ال 128

**mohd2** · 06-05-2009 04:54 PM

اولا: بالنسبة للتسقيط اللحامات بتفك شوية شوية مع الاستخدام خصوصا عند القاعدة بتاع الشداد وفي حتة تانية بس مش فاكر اسمها وده بسبب العزم الكبير للموتور السمكري قبل ما يسقط بيعيد علي اللحامات وده معناه رش الحوض
ثانيا : يدعم الشاسيه ده باللحامات وماسورة كده بتركب فوق مش عارف اسمها ايه بس بتمسك الشاسيه وانا عن نفسي معملتهاش لأنهم قالو ان الشاسيه لازم ياخد ويرد في مساحة معينة وديه بتلغيها
ان كان معايا 28 ومسقط فيها موتور تمبرا
نصيحة سيبك من العك ده واشتري حاجة متوسطة ومكيفة تريحك لأن بعد كل ده محدش هيقدرها وانت بتبيعها وهتبقى عيوبها كتير

**midoehab2006** · 06-05-2009 05:01 PM

امممم
طيب بس فيه ناس معدلين 128 وبصراحة والله جابت اللانوس قدام عيني وده الي مخليني ما اجيبش غير 128
عشان قطع غيارها رخيصة مقارنة باللانوس او الهيونداي وكمان بتقدر تعدل فيها حاجات حلوة
وبعدين انا لو عدلت العربية مش هبعها الا بعد مدة كبيرة

**Abdo_Eldesokey** · 06-05-2009 06:06 PM

لو بتدور على رخص قطع الغيار يبقى اللانوس على طول

وموتورها حلو بردوا من غير تسقيط وفرق كبير عن الـ 128

الـ 128 قطع غيارها رخيصة لكن خلاص العربية عفا عليها الزمن وكل شوية هتحتاج تغير حاجات كتير ، فبالتالي هتدفع كتير ، وهتلاقي التكاليف أكتر من تكاليف اللانوس

وبالنسبة للجنط الـ 17 صعب أوي ... ده الي مركبين 15 بيبقوا ماشيين بالعافية

**midoehab2006** · 06-05-2009 08:44 PM

طيب ده الاثبات ادي عربية 128 تسقيط ماتور لانشيا 1.6 وجنط 17 شوف
http://www.boys4cars.com/gallery/hassan2.html
رأيك اييييه؟؟

**Abdo_Eldesokey** · 06-05-2009 09:30 PM

يا باشا الشكل مش كل حاجة ... أهم حاجة الأداء

يعني مش أركب جنط 17 وأسقط موتور وأبقى ماشي ضهري مقطوم من المطبات ، وخايف إن العربية الشاسيه بتاعها يفتح

انت في غنى عن الكلام ده كله

ومعلش بردوا مهما صرفت عليها هتظل 128 ذات التصميم القديم جدا ً الي بقاله أكتر من 30 سنة

وعلى فكرة العربية الي انت حاطط لنكها جنطها 16 مش 17

**midoehab2006** · 06-05-2009 09:40 PM

والله صاحب العربية كاتب جنط 17
طيب معلش انا عارف اني زهقتك
حكاية فتح الشاسيه دي بيعملوا تدعيم للشاسية وتركيب مساعدين رياضي امامي وخلفي وكمان بيركبوا بار كده زي ما في اللينك
الي انا كتبته فوق
انا من الاخر كده ال128 هتصرف عليها بس هتخليها عربية صح ولا انتا رايك ايه؟؟
بخلاف مثلا الانوس فهي تعتبر في رخص قطع الغيار هيا بعد ال 128 على طول بس عشان تزبطها هتكلفك جامد صح ولا ايه.؟؟

**midoehab2006** · 06-05-2009 10:49 PM

طيب ماتور اونو ايه نظامه مع ال 128

**Abdo_Eldesokey** · 07-05-2009 08:15 AM

المشاركة الأصلية كتبت بواسطة midoehab2006

والله صاحب العربية كاتب جنط 17
طيب معلش انا عارف اني زهقتك
حكاية فتح الشاسيه دي بيعملوا تدعيم للشاسية وتركيب مساعدين رياضي امامي وخلفي وكمان بيركبوا بار كده زي ما في اللينك
الي انا كتبته فوق
انا من الاخر كده ال128 هتصرف عليها بس هتخليها عربية صح ولا انتا رايك ايه؟؟
بخلاف مثلا الانوس فهي تعتبر في رخص قطع الغيار هيا بعد ال 128 على طول بس عشان تزبطها هتكلفك جامد صح ولا ايه.؟؟

بص يا باشا شوف الموضوع ده
http://www.nilemotors.net/Nile/showthread.php?t=72915

والموضوع ده كمان
http://www.nilemotors.net/Nile/showthread.php?t=46779

أنا مازلت عند رأيي إن اللانوس أحسن كتيير ، اللانوس عربية حلوة من غير تعديل

لكن الـ 128 عشان تبقى حلوة عايزة شغل كتير ، وانت وحظك الشغل ممكن يطلع مظبوط أو لأ ... وفي الآخر هتفضل 128

مينفعش يا باشا تقارن عربية تصميمها قديم جدا ً زي الـ 128 بالدايو

وبالنسبة لموضوع قطع الغيار بتاع الدايو الموضوع ده هيفيدك
http://www.nilemotors.net/Nile/showthread.php?t=19945

**mohd2** · 07-05-2009 05:06 PM

بما انك مصمم تركب عربية بموتور اعلي منها
فممكن تشوف لانوس معاقين احيانا بتنزل بموتور نوبيرا1 وفراملها وبكده يبقي معاك لانوس بموتور نوبيرا من الشركة من غير لعب عند الميكانيكية والسمكرية
ونفس الوقت موديل اعلي ومكيفة
ويبقي فاضل عليك تظبيطات بسيطة وتفرجنا
حاول بجد تبعد عن موضوع 128 ده