الموضوع: Honda B20 vs B16 vs Mazda3

المشاركة الأصلية كتبت بواسطة ahmedzalita

السلام عليكم ..
أنا بصراحة من عشاق السيفيك ونفسي أجيب sir بس مش عارف إيه أخبار قطع الغيار وحكاية البنزين لزم ٩٥ ولا عشان10.5 ممكن ٩٢ ،،
وبتعمل كم فالصفيحة سواء ال-b20 or b16
ب B20 كل من يعرف حاجة عنو ياريت يئول ويشارك ولا انفض وركب mazda 3 وكفية بهدلة مع المكانينكية وخليني فالجديد..??
طب إلي عندو B16 اوريجنال أو يعرف حاجة عنها صيانة قطاع غير مؤرفة ولا لأ طب التوكيل يا شباب يعرف يعمل صيانة لل-b20 or b16 ولا أخروا VTI
B20 or B 16 بنزين قطع غيار أسعار ومدى التوافر

انا كان لي شرف إقتناء SiR موديل 96 أصلية و كانت سيارة جميلة و زي الفل و كنت باحط 95 لنها كانت بتكركر مع 92 لحد ال 95 ما غلي رحت بايع
بالنسبة للB20 ده على ما أعتقد مكنة CR-V مش سيفيك بس ممكن تعدل القواعد وتشتغلها
بالنسبة للمقارنة ما بين الزيرو ولا تسقيط مواتير فالموضوع ده بيرجع لحضرتك ...يعنى انت غاوي تروح للميكانيكية و تقضي عندهم و قت جميل و لا انت من النوع اللي بيحي يجيب من الأخر علشان مش فاضي و كده....
بالنسبة لصيانة ال B16 فهي مش مشكلة خالص لان الموتور وقطع غيارة متوفرة بكثرة عن طريق الإستيراد اللهم إلا بعض الحساسات ممكن تكون نادرة شويتين ....بالنسبة للتوكيل بيعمل الصيانة مفيش مشاكل و انا كنت أخذت عربيتي ورحتلهم و عندهم معظم الحاجه بتاعتها بس أسعار نار طبعا....

المشاركة الأصلية كتبت بواسطة khaled_rafea

السلام عليكم, أستاذ محمد شامى بعد أذنك كان ليا سوأل, انا قريت ان ال vti هوا B16A2 و B16A3 و ان ال SIR هوا B16A ده على هوندا موتورز فى ويكيبديا, الكلام دة صح ولا غلط, وازاى لما اجى اشترى اعرف الموتور ده اى نوع فيهم(مكتوب ان كل المواتير الb16a مبيتكتبش اى حرف بعد الa) ارجو الافادة يا استاذنا

وعليكم السلام و رحمة الله وبركاته

بداية أحب أوضح ان موديل السيفيك ال VTi الأوروبي يعادل ال SiR الخليجي و ان المسميات بتختلف من سوق لآخر على حسب هدف التسويق

بالنسبة للمواتير ال B16A1-6 تم ترتيبها بناء على التسويق في مختلف مناطق العالم يعنى السوق الياباني يأخذ كود معين وليكن بدون و الأوروبي كود أخر وليكن 1 و الأمريكي 2 و الشرق الأوسط وجنوب أفريقيا كان B16A6 وده كان فعلا كود موتور سيارتي ال SiR السابقة و كل محرك كان له مواصفاته الخاصة و قدرته الحصانية المختلفة عن الموديلات الأخرى

يعنى بالنسبة لسؤالك عن B16A بدون أرقام حتلاحظ انه نزل في كذا موديل وبقدرات مختلفة و الحل هنا انك تعرف رقم الشاسية الخاص بالسيارة علشان تعرف مواصفات المحرك بالظبط يعنى الموتور لازم يكون راكب في العربية ولسه مانزلش على الأرض غير كده يبقى لازم تشوف كود ناقل الحركة "الفتيس" اللي راكب عليه علشان تحدد نوع الموتور و مواصافاته لو من غير فيتس يبقى تبعد عن المكنة لانها حتكون مجهولة المصدر

لو عايز اي معلومات تانية تحت امرك

المشاركة الأصلية كتبت بواسطة khaled_rafea

لله الامر من قبل و من بعد, متشكر جدا يا باشا على الرد والمعلومة, يبقى كدة مفيش فرق بين الموتور ال sir و الvti , طب استأذنك سؤال تانى , انا موتور عربيتى D15b هيا ex اوتوماتيك, كاربراتير, عاوز موتور اكبر و اقوى بس اوتوماتيك و ميكنش لامله بنزين 95 , اية هو الموتور الانسب, لأنى بصراحة مش راضى عن اداء العربية خالص, بطيئة فى السحب واقصى سرعة 150 كم, على كاوتش 200/40-16 و المكنة اللى عندى ستاندرد استيراد ؟؟؟؟؟؟؟؟؟

خلي بالك ان ال VTi الخليجي غير الأوروبي المكنة بتكون 1600 كامة واحدة

لو عايز تغير المكنة اللي عندك :
عادة الناس بتشيل الموتور الي عندك لما بيضرب و بتسقط D16 و مواصفاته:

.D16Z6

* Found in
o 1992-1995 Honda Civic Si
o 1992-1995 Honda Civic EX, EX-V
o 1992-1995 Honda Civic ESi (European Market)
o 1993-1995 Honda Del Sol Si (US)
o 1993-1995 Honda Del Sol ESi (European)
+ Displacement : 1,590 cc (97 cu in)
+ Bore and Stroke : 75 mm × 90 mm (3.0 in × 3.5 in)
+ Rod Length : 137MM
+ Rod/Stroke : 1.52
+ Compression : 9.2:1
+ Power : 125 hp (93.2 kW, 127 ps) @ 6600 rpm
+ Torque : 106 ft·lb (14.7 kg/m, 144 Nm) @ 5200 rpm
+ Redline : 7200 rpm
+ Fuel Cut : 7411 rpm
+ VTEC Switchover : 5800 rpm
+ Fuel Control : OBD-1 MPFI
+ Head Code : P08
+ ECU Code : P28

وده بيعمل من 5-6 الاف بناقل الحركة و الكنترول و الظفيره و العفشة

المشاركة الأصلية كتبت بواسطة khaled_rafea

ربنا يكرمك يا باشا, طب دة بتاع ال si , بيشتغل كويس بال92 ولا لازم 95, وبالنسبة للجنوط ال16 اللى راكبة عندى , ممكن تكون دى السبب فى بطء العربية ؟ و شكرا جزيلا على ردك و اهتمامك

لا شكر على واجب

الموتور ده ياخد 90 و يبقى زي الفل معاه و 92 يبقى إستنضاف من حضرتك
الجنوط ليس لها علاقة مباشرة بموضوع بطئ السحب اللي في عربيتك غالبا ممكن تكون محتاج تنظف أو تغير فلاتر الهوا و البنزين و تغيير بوجيهات