قررت ياجماعة اشترى نيسان صنى بس عاوز اعرف الفروق الجوهرية بين ex salon -super salon وخصوصا فى العفشة -
قررت ياجماعة اشترى نيسان صنى بس عاوز اعرف الفروق الجوهرية بين ex salon -super salon وخصوصا فى العفشة -
فه فرق فعلا ياباشا بين السوبر صالون والصالون اانا معايا EX salon
الصالون بحس انها انعم واثبت بس مش عارف ايه الفرق بس اسمع انا لسوبر عفشه رياضيه
بالنسبة للموديل 2006-2008 كان الفرق بين الاى اكس والسوبرصالون بالنسبة للعفشة ان مساعدين السوبر صالون من ماركة كونى ومن النوعية ثنائية الفعالية(غاز +زيت) مقابل مساعين يابانية احادية الفعالية للاى اكس صالون، بالأضافة لوجود قضيب منع انقلاب(ميزان) امامى وميزان خلفى فى السوبر صالون
بالنسبة لشكل 2009 كل الموديلات مزودة بالمساعدين الكونى ثنائية الفعالية ، لكن يبقى الفرق فى وجود الميزانين فى السوبر صالون
باقى الفروق هى ان السوبر صالون مزودة بالكماليات الأضافية الآتية:جنوط سبور، ايرباج امام الراكب الأيمن،حليات بشكل الأبانوس فى الصالون، طارة وعصا فتيس وفرامل يد جلد طبيعى، مخدع فى الكنبة الخلفية، حامل نظارة شمس واضائة اضافية فوق مراية الصالون، اكر داخلية نيكل، طى المرايات كهربائيا، نبكل فى باكتات الأبواب،
كماليات موجودة فى الموديلين:4 زجاج كهربى، باور ستيرنج،عداد ار بى ام ، ضبط المرايات كهربيا،عداد Rpm، عداد كيلومتر ديجيتال مع عدادين رحلات، ساعة ديجيتال فى التابلوه،تكييف 4 سرعات،سنتر لوك مع انذار وريموت كونترول وفتح الشنطة بالريموت كونترول، فتح الشنطة وتنك البنزين من داخل السيارة، رفع وخفض احزمة الأمان وعجلة القيادة،كرسى السائق 3حركة،اماكن تخزين فى منتصف التابلوه من أعلى و وامام عصا الفتيس والمخدع الأوسط وامام السائق بالاضافة للدرج الأيمن، حامل اكواب
شكرا يا استاذ سبعاوى على المعلومات دية بس كنت عاوز اعرف اية فايدة الميزانين الزيادة فى السوبر صالون وهل فعلا الصنى عفشتها ناشفة؟
شكرا جداااااا
الميزان هو عبارة عن قضيب اسطوانى مصمت من الصلب الكربونى بيكون قطره حوالى 2-3 سنتى متر تقريبا وبيكون على شكل حرف U ، الفرعين بتوعه بيكونوا كل فرع منها متركب فى مقص من المقصين بجوار كل عجلة، وقاعدة حرف الU بتكون ماشية بعرض السيارة زى اللى فى الصورة دى كدة
http://www.b-moto.com/images/sway_bar.jpg
او زى دول كدة
http://mrt-direct.com/2005/images/H&...%20pic%201.JPG
وبيكون راكب فى العفشة بشكل زى ده كدة
http://www.autowarrantybroker.com/_i...ntiRollBar.gif
(هو اللى اسمه فى الصورة انتى رول او ساتبيلايزار)
وظيفته ان لما عجلة من العجلتين تطلع لوحدها عن الأرض بسبب مطب، او لما العربية تميل عن الأرض هنا بتكون العجلة اللى فى الجهة اللى العربية مايلة عليها بتعصر القضيب ده لفوق ، والعجلة فى الجهة الاخرى بتعصر القضيب لتحت بفعل وزنها لأنها بتحاول تسيب الأرض مع العربية، ونتيجة للعصير العكسى ده من الناحيتن القضيب بيحاول يرجعا العربية لوضعها الطبيعى بفعل مرونته او ما يسمى spring action (علشان ابسطهالك كان فيه احد الأجهزة الرياضية عبارة عن سوستة ملفوفة لها يد يمين واخر شمال ونتى بتمسكها بايدييك الاتنين وبتحاول تعصرها بأنك تلف كل يد عكس اتجاه اليد الأخرى، والسوستة بتحاول بطبيعتها انها ترجع لوضعها الطبيعى فتعمل مقامة عالى ايديك، هى دى نفس فكرة الميزان، العربية لما بتميل فى اى من الاتجاهين بتعصره، فهو بيحاول يرجع لوضعه الطبيعى ويعدل العربية) وبالتالى فان فائدته هى دعم ثبات العربية فى الملفات وعلى السرعات العالية، لكن على حساب راحة العفشة لأن طبيعى وجود ميزان بينشف العفشة لأن حطيت سوستة اضافية(التى تنتج من عصر الميزان) الى جانب سوستة السيارة الأصلية
شكرا على المعلومات الرائعة دية انا مش بجرى كتير بالعربية وبالتالى الثبات ميهمنيش اوى زى راحة العفشة يبقى شكلى هجيب ال ex salon
بس فية سؤال تانى اجيبها فيها abs لا لا ؟ واية فايدتة بالضبط وهل العربية اللى مفهاش النظام دة برضة مفهاش EBD ولا مش شرط
شاكر جدا ليك
نظام منع غلق المكابحanti brakelock system ,التى تعرف اختصار ب ABS هو نظام فكرته بسيطة جدا تعتمد على منع الفرملة من انها تخلى العجلات تصفر فى الأرض، يعنى العجلة متوضلش ابدا لمرحله انها تكون بتحف فى الأرض ومش بتلف لأن عملية الحف دى بتفقد الفرملة فاعليتها، والفكرة ببساطة تعتمد على ان كل عجلة بيكون لها حساس بيحس بسرعتها مستقلة عن باقى العجلات ، لول عجلة من عجلات وصلت فى لحظة انها مش بتلف فى حين ان باقى العجلات بتلف يبقى معنى كدة انها بتحف، يقوم نظام الِلآٍ يفك الفرملة من عليها لحظيا علشان ترجع تلف ويرجع يمسك عليها تانى علشان تكلبش فى الأرض بدل ما تحف فيها
والنظام ده مفيد جدا فوق التراب وفى الأراضى الزلقة والمبتلة وكذلك مع الفرملة الفجائية
اما نظام التوزيع الألكترونى للكبحelectronic braking destribution والذى يعرف اختصارا ب EBD ففايدته توزيع حمل الفرملة على العجلات الأربع حتى تحدث الفرملة فى اقل مسافة ووقت ممكنين ، وفكرته تعتمد على الاحساس بميل السياراة لحظة الفرملة او فى حالة اختلاف سرعة عجلة عن عجلة فيما يعنى(حدفة الفرملة) فهنا يقوم النظام بزيادة الضغط على الجهة او العجلة التى تحتاج لذلك لتحقق توزيع متساوى لقوة الفرملة مما يساعد على فرملة السيارة فى اقل مسافة
النظامين متاحين كخيار اضافى فى كل موديلات الصنى الجدية اى اكس صالون وسوبر صالنو مانيوال واوتوماتيك ، بس بفلوس زيادة عن الموديل الاصلى
'طيب والميزان ده مش ممكن يتركب بره اصل انا شايف انه مفيش لعب في العربيه يعني مش متوصل بحاجه
ال abs و ebd و ba بيركبوا مع بعض و لا يتم تركيب واحد منهم منفصل عن الاخر و تكلفتهم 2000 جنيه و اعتقد انك يجب ان تطلب السيارة مزودة بهذه الكماليات و مش عارف بيتركبوا و لا لازم تكون العربيه مجهزة
الله اعلم