نموذج الإهمال المصري - كارثة بكل المقاييس

التوقيت.. الواحدة ظهر الأربعاء ..
المكان.. طريق الأوتوستراد وتحديدا فى المنطقة الواقعة ما بين مجزر البساتين الآلى ومدفن القطامية الصحى..
الحدث الجلل.. وجود جثث خنازير ملقاة على الطريق وسط الأهالى الذين يعبرون الطريق، والسيارات التى تسير بأعداد كبيرة.
هذه الجريمة التى رصدها اليوم السابع بالصور تؤكد أن ما تتحدث عنه الحكومة من اتخاذ التدابير الكبيرة لمنع انتشار فيروس أنفلونزا الخنازير ما هو إلا هراء..

اليوم السابع رصد سيارة نقل تحمل لوحات أرقام 9326 نقل القاهرة وحمراء اللون تقل خنازير تم إعدامها ومتوجهة إلى مدفن القطامية الصحى، وبدلا من دفنها ألقت بها فى الطريق.

هذه الجريمة نهديها إلى كل من يهمه الأمر، وزراء الصحة والبيئة والزراعة والتنمية المحلية ومحافظ القاهرة، ليشاهدوا ويروا ويقرروا، لأن التهاون المريع فى مواجهة الأزمة، يعد ضربة قوية للأمن القومى المصرى



http://www.youm7.com/images/NewsPics...2009617524.jpg
http://www.youm7.com/images/issuehtm...khanazer/1.jpg

http://www.youm7.com/images/issuehtm...khanazer/2.jpg

http://www.youm7.com/images/issuehtm...khanazer/3.jpg

http://www.youm7.com/images/issuehtm...khanazer/4.jpg

http://www.youm7.com/images/issuehtm...khanazer/6.jpg

http://www.youm7.com/images/issuehtm...khanazer/7.jpg


منقول من اليوم السابع
http://www.youm7.com/News.asp?NewsID=96358

سلملي علي الامن القومي المصرى وصباح الخير يا مصر

شىء يقرف

حسبنا الله ونعم الوكيل ..عاوزين يخلصوا منا :H_angry[1]:
ربنا يرحمنا

إن الله لا يغير ما بقوم حتى يغيروا ما بأنفسهم .

حسبنا الله ونعم الوكيل في كل راعي يقصر في حق رعيته.

ربنا يستر علينا

ربنا يستر علينا
بس حد متاكد ان دي خنازير مش باين بصراحه في الصور

يبقى
انت
اكيد..
اكيد..
اكيد..
في :36_1_31::36_1_31::36_1_31:
مـــــــــــصـــــــــــر

حسبنا الله....... مفيش ضمير حتى فى مسائل الحياة و الموت لهذا الشعب...... الرحمة من عندك يارب
بس برضه اعتقد انه لو كان اللى السواق اللى سايق العربية يعرف خطورة الحمولة بتاعته و ان اللى هو بيعمله ده جزء من خطة لحماية البلد من وباء عالمى ماكانش عمل كده.....

خنازير يا باشا

و القصة دي جت في برنامج الحياة اليوم امبارح

مافيش فايدة

انا عندي اقتراح
و هو ان احنا نجيب السواق ده و نحقنة بالفيروس بتاع انفلونزا الخنازير و نحبسه في اوضة و نصورة فيديو لغاية لما يموت ... قصدي ينفق (عشان ده مش بشر) و نعرض الفيديو ده كل يوم بعد اخبار الساعة 9 عشان يكون عبرة لمن لا يعتبر

اقتباس:

---

المشاركة الأصلية كتبت بواسطة horas3000

انا عندي اقتراح
و هو ان احنا نجيب السواق ده و نحقنة بالفيروس بتاع انفلونزا الخنازير و نحبسه في اوضة و نصورة فيديو لغاية لما يموت ... قصدي ينفق (عشان ده مش بشر) و نعرض الفيديو ده كل يوم بعد اخبار الساعة 9 عشان يكون عبرة لمن لا يعتبر

---

+++++++1111111111111111111
:049:

سؤال بيدحرج نفسة

كمية الخنازير المدبوحة دى هل هتكون مطمع لسماسرة اللحمة و تتضرب فى لحمة مفرومة و كدة ولا هتعدى من تحت اديهم بالسهولة دى و تتدفن عادى كدة

يا جماعة الوباء دا لو وصل مصر يبقى خلاص ... نهاية المصريين عارفين لية ؟

لأن مفيش اي خطط و لا ثقافة في مواجهة الأزمات و اديكوا شايفين... في وسط الشارع ميت !!!!

حسبي الله ونعم الوكيل

بالمناسبه رأيت تعليق على الموقع الرسمى للخبر اعجبنى
و هو ان الصور دى كلها خنزير واحد فقط بس بأوضاع تصوير مختلفه
----------------------------------
لا اقول ان الموضوع حتى لو واحد بس لا يستاهل
و انما الموضوع واخد جانب الشو الاعلامى اكتررررررررر
---
اومال لو كان الخنزير ده مصاب فعلا كنتم عملتم ايه
----
لا انكر الاهمال بدايه من سواقين النقل اللى شايلين حصى السن و بيمشوا يرشوه على من يمشى ورائهم و هو و نصيبه
الى سائق الخنازير المش رابط الحموله كويس
-------------------------
سؤال برئ

حد شاف اللحمه اللى بناكلها بتتنقل ازاى من المدبح؟؟؟؟
اغششكم
اتفرجوا على فيلم بوحه لما المعلم رضى عنه و بقى يسوق موتوسيكل التوصيل

يبقى انت اكيد فى مصر

اقتباس:

---

المشاركة الأصلية كتبت بواسطة Sherif Khalifa

سؤال بيدحرج نفسة

كمية الخنازير المدبوحة دى هل هتكون مطمع لسماسرة اللحمة و تتضرب فى لحمة مفرومة و كدة ولا هتعدى من تحت اديهم بالسهولة دى و تتدفن عادى كدة

---

معنديش شك ان ده ممكن يحصل طبعا

لانشون ولحمة مفرومة وهمبورجر وكفتة وكله ماشي

لأن اللي بيبيع لحمة كلاب وحمير لما يبيع لحمة خنازير ممكن يبقى فاكر ان ده كدا في ميزان حسناته واهي الناس بتاكل ياعم وكله بيعدي :k31:

حسبي الله ونعم الوكيل

فاضل ايه فى رقعة الارض المنكوبة اللى عايشين عليها دى ما يقرفش ؟؟!!
انا خلاص جبت اخرى من كل حاجة

حسبنا الله ونعم الوكيل

حاجة بقت تقرف والله العظيم ..

لو شالوها من على الخريطة البلد دى مش هزعل ..:(

بلد مقرفه وناس مقرفه
ده مش اهمال يا استاذ ده هبل وعبط وجنون بجد جنوووووووون
اكيد ماحدش فيهم قرا عن الفايروس كويس ولا يعرف مخاطره
اللهم لا اسألك رد القضاء ولكن اسألك اللطف فى

حسبى الله ونعم الوكيل هى الناس دية مش فهمة خطورة الموضوع دة و اية اللى ممكن يحصل

حسبنا الله

للأسف بلدنا ماشيه بدون رقيب، أمن قومي ايه و بطيخ ايه!!!
من كتر ما انا مخنوق معدش فارق معايا أي حاجه بشوفها أو بسمعها لأنه أصبح شيء عادي اننا نصطبح كل كام يوم على بلوه جديده تقتل فينا اي انتماء لهذا البلد اللي أصبح خيره حكر على فئه معينه و باقي الشعب هو و نصيبه.
كل اللي الواحد يقدر يعمله انه يدعي ربنا يبعد عنه و عن أهله مصائب الدنيا.
حسبي الله و نعم الوكيل.

حسبنا الله ونعم الوكيل
اللهم أضرب الظالمين بالظالمين وأخرجنا منهم سالمين

الله اعلم اكوام اللحم دي مصيرها ايه ..
بس نصيحة حاولو تبعدو عن اللحم المجمد او المصنع ..و لو هاتقطع لحمة تبقى شايف الدبيحة كلها و هي متعلقة قدامك و مختومة بالاحمر..
الخنازير بتكون مختومة بالازرق ..
و ربنا يعديها على خير

ربنا يحفظنا
آمين

والله يا جماعه هي فعلا خنازير بس اللي واضح من الصور ان العربيه اللي رايحه توديهم مكان دفنهم وقع منها خنزير ولا خنزيرين وهي ماشيه زي حمولة اي عربيه نقل بتمشي في مصر وده طبعا مش صح بس مش للدرجة اللي الصحافه بتاعتنا بتوصلها انهم بدل ما يدفنوهم رموهم في الطريق والله اعلم

ارحمنا يارب