-
استشارة للشراء أم لا
إخوانى الأفاضل
حاليا عندى سيارة جولف 3 - 1800 موديل 1994
تنصحونى أركب أوبل فيكترا 2001 موتور 1600 أوتو و لا لأ
و بعدين هو مافيش 2001 موتور 2000 و لا إيه لأن صاحبها قالى كدة أوبل 2001 ما فيش 2000 سى سى
حالة العربية هايلة كاملة أتوماتيك بس طالب 65000 ده معقول و لا غالى شوية
موتور إيكوتيك
برجاء الإفادة سريعا قبل ما أدفع
-
بص الفيكترا 1600 فى الاوتو وحشة علشان تقيلة جدا جدا
-
والله هي الغربيه معايا 1600 اوتو طلعتها صوتها علي بس شويه تقيلع يعني بس بعد 20كم/س
عادي انا بحس كده مش عارف ده صح ولا ايه
انا مش خبره برضه
بس انا حاسسها حلوه
مجربتش صراحه ال 2000 سسي
بس جربت ال 1600 مانيوال
بفضل الاوتو حتي لو المانيوال سحبها احسن مع اني مشش شايف كده
الاوتو اريح و مزاج و الصيف داخل و زحمه
و حاجه كمان تافه كده بس عجباني الي هي شكل المتور اليكوتيك ده
نيجي بقي للسعر انا كنت شاري عربيتي ب 63 بس عششان رشه من بره بس كانت نضيفه اوي و كانت ماششيه 90 الف بس و من جوه نضيفه اوي
بس السعر ده في راي حلو اوي و بجد العربيه جميله انا فعلا بحبها اوي
و الوتو كمان في الكيك داون لمل تعمله و انت بتاخد غرزه تحس حاجه جامده كده من الثبات و في نفس الوقت الصوت الجميل بتاعها و سحبت الكيك انا عن نفسي بحبها اوييييييييييييييييييييييي يييي
-
في منها 2000 سي سي ايكوتك طبعا من اول سنة 2000 لحد 2003.. و موتور ما شاء الله عفي جدا و قوي جدا و اعلي من ال1600 الايكوتك بحوالي 30 حصان..
ال1600 الايكوتك 105 حصان و ال2000 136 تقريبا..
العربية ال1600 الاوتو في منها بتضرب كونترول يونيت.. و بيعمل مشاكل و بتلخبط العربية كلها.. بس انت و نصيبك.. في ناس بتعمل معاهم كده و ناس تانية مش بتعمل اي حاجة.. بس لو هتجيبها اعمل حسابك انها ممكن تعمل معاك كده.. و اكشف علي الكونترول يونيت طبعا الاول.. و علي العربية كلها ف التوكيل.. و انها تكون عربية نضيفة جدا..
لو عايز العربية دي.. كشف كامل ف التوكيل.. و يكون الكونترول يونيت تمام.. و كلها نضيفة و مش مبهدلة.. عشان تدفع فيها السعر ده..
السعر لا يعتبر لقطة قوي الايام دي.. هو طبيعي..
-
-
-
السعر حلو
بس خليك 1600 مانيوال
لو عايز أوتوماتك هات 2000
و فى 2001 2000 سى سى
-
إخونى أشككركم جميعا على الإهتمام و المعلومات القيمة جدا أنا بكرة بإذن الله عندى ميعاد مع صاحبها و ربنا يسهل إدعو لى ربنا يوفقنى
-
السعر فى الوقت الحالى يعتبر عالى شوية يعنى هى بتعمل ما بين 58 الى 62 لا اكثر وهنا الحالة بتفرق كتير لو حالتها كويسة خدها نزل كام الف وخدها بس الفيصل بعيدن عن الفلوس هات حالة اسبشيل عشان تستمتع بالعربية الاوبل يبقا المقياس الكشف الكامل للحالة وفى منها 2000 سىسى ازاى مفيش اة التخريف دةة
ومبروك مقدما وخلى بالك اوى متتغرش بالشكل الخارجى المظهر يعنى شوف الفتيس كويس اوى والتكيف يقلك عايز فريون قلة شغلة وانا ادفع لونى منصحكش بيها عشان الاسباب التالية فيها عيب فى الكونترول يونت وهو ان الكونترول يونت جنب الحرارة الشكمان فلما بترتفع الحرارة الكونترول يونت باىباى وكدة المتور بالسلامة
هات المتور القديم منوال افضل سواء فى قطع الغيار او فى صيانتة وربنا معاك ولو عزت تسال على اى حاجة انا حافظ العربية دية عن ظهر قلب اخوك تامر
-
الافضل اوتو 2000 سى سى
والاسعار دلوقتى اقل من كده
بالتوفيق
Content Relevant URLs by
vBSEO 3.6.0 PL2