ماذا لو اصبحت السيارات ذاتيه التوجيه ؟؟؟
http://img136.imageshack.us/img136/6913/13ul9.gif
المكان : الكيلو 70 فى طريق الاسماعيليه الصحراوى ( فى عز الزحمه ووسط البلد )
الزمان : 2030 الصبح بدرى
انهى الاستاذ هيثم مدير الشركه الهندسيه لصناعه الروبوتس افطاره ثم ضغط على زر صغير لشريحه سوداء كانت بجيبه العلوى
وبدء فى تجهيز نفسه للرحيل ومن خلفه عماد 16 ( الانسان الالى الجديد ) يجهز له بيانات العمل على الكمبيوتر المركزى لمكتبه
ركب الاستاذ هيثم فى الاسانسير وفى لحظات قد وصل الى الشارع وسيارته جاهزه للانطلاق
ركب السياره
ونظر من حوله
ثم قال : الشغل
ومن هنا بصراحه مش عارف اكمل القصه ازاى ؟؟
طيب هو عم هيثم اللى عنده 50 سنه ده هيراجع ورق شغله على ما يوصل ولا هيبص على الطريق ويتابع العربيه وهى بتسوق
طيب هل الموضوع ده مريح نفسيا انك تسيب حياتك فى ايد قطعه حديد ؟؟
طيب هل ده مريح لكل الناس ولا هيسبب ازعاج لفئه منهم اللى على سبيل المثال بيحبو السواقه ؟
طيب مثلا ممكن عم هيثم يقول : تحول الى الوضع اليدوى
ويطلع له دراع اتارى يسوق بيه ؟؟ ولا هيكون دركسيون !!
وهل اصلا فى قياده يدوى وقتها ؟
اسئله كتير بتدور فى بالى اول ما افكر كمان 20 سنه هيكون العربيات بتمشى ازاى
من كام سنه كنا بنقول مستحيل فى يوم العربيه هى اللى تسوق وهيحصل ازاى وبلاش تخريف دى العربيات اتعملت علشان متعه السواقه وكدا
لكن دلوقتى الموضوع بقا موجود شئنا ام ابينا والشركات حاليا كلها بتتسابق فيه
على سبيل المثال مرسيدس قدمت فى ال S-Class الجديده نظام اسمه ال Cruise Control
بيسمح لك تختار مسافه ما بينك وبين العربيه اللى قصادك وليكن 10 متر
اذا هو زود السرعه عربيتك تزود السرعه معاه بحد اقصى السرعه اللى انت تحددها واذا ابطأ عربيتك تدوس فرامل لوحدها وتحافظ على ال 10 متر الفرق بينكم
طيب بلاش ده فى نظام تانى بيتابع معاك الخطوط البيضاء اللى بين الحارات ولو انت العربيه حدفت منك على الخط الابيض ورايح على حاره تانيه من غير ما تشغل الاشاره كرسى السواق يتهز والعربيه تديله انذار عالى لحسن يكون بينام
طيب ما ليكزس اخترعت نظام بيتابع عين السواق علشان لو بينام يتشغل له صوت مزعج وتهز الكرسى علشان يصحى
وكمان النظام اللى اخترعته فولفو انك لو مشغل اشاره على الطريق وهتاخد يمين او شمال وفى حد هيعدى من جنبك وانت مش واخد بالك تديلك نور من جنب المرايا فى وشك وتشغل لك انذار
غير طبعا انظمه الهوندا اكورد فى الامان اللى بتتيح لك الفرمله اوتوماتيكيا لو قربت قوى من حد قصادك وانت مش حاسس هى تقف بدالك
ده غير بقا ال Esp اللى بيعدل لك وضع العربيه وال Traction Control اللى بيساعدك فى السيطره على قوه السحب وكمان ال Auto Park اللى بيركن لك العربيه
وحاجات كتير قوى
أذا احنا فعلا على عتبه الباب لعربيه ذاتيه الحركه بدون اى تدخل منك
طيب الموضوع ده هيكون شكله ازاى وهيحصل فين وامتى وايه مميزاته وعيوبه ؟
الموضوع ده حصل فعلا وشكرات كتير نفذته واللى متابع توب جير اكيد شاف فى الحلقه الثامنه من الموسم ال 10 العربيه الفئه الثالثه اللى عملت لفه على تراك توب جير بدون اى تدخل من اى حد
فقط دخلو احداثيات التراك للعربيه وهى عملت كل حسابات الحركه على التراك
الادهى كان عربيه تانيه جولف فى برنامج فيفث جير فى الحلقه الاولى من الموسم ال 10
العربيه دى اتعلمت كورس من صنع البرنامج لوحدها وطبقت عليه وقت بفرق غلطه واحده فقط عن سائق البرنامج
ودى الفيديو الخاصه بالاختبارات دى
فيديو توب جير
http://www.youtube.com/watch?v=lR1NiV9Whk0
فيديو فيفث جير
http://www.youtube.com/watch?v=zB9suyHrXxA
طبعا كان فى فرق ثانيه فى زمن التراك بس ده يرجع لوزن الشخص الزياده فى العربيه مش من تحكم العربيه
المهم ان فعلا الفكره اتنفذت وبقا فى عربيات بتسوق نفسها
طيب ايه اللى ناقص ؟
من وجهه نظرى لازم يكون كل العربيات اللى فى الشارع بتسوق بنفس الاسلوب والتكنيك وبنظام واحد علشان نتفادى الحوادث
ولما بلد تبدا فى خطه لجعل كل العربيات بقياده ذاتيه يبقى لازم ميكونش فى حد بيسوق بنفسه خالص منعا للاخطاء الفرديه
طبعا لو واحد سايق ورمى على عربيه هى هتفرمل وهتحدف عكس وهيحصل لخبطه لأن البشر بيفكر انما العربيه ماشيه بما برمجت عليه
نهايه كلامى فى الموضوع
ايه رأيك فى فكره العربيات ذاتيه القياده
هتكون ازاى ؟ وامتى تفتكر هتبدا تحصل ؟
وهل تعتقد انها هتحصل فعلا ولا لا ؟
طيب الوضع هيكون ايه فى الشوارع واحسن ولا اسوء ؟
والناس اللى بتحب السواقه هتعمل ايه ؟ وهل هيكون فى اختيارات ليهم للقياده اليدوى ؟؟
طيب تخاف لما تتخيل الفكره دى وتحس ان متعه العربيات راحت ولا بتعتبرها تقدم علمى لابد منه
مستنى ارائكم وتخيلاتكم عن الموضوع كله بمميزاته وعيوبه
