ايهما افضل جين 2 ام كيا سيراتو
وما قصه مغالاه سعر التوكيل في بروتون
عرض للطباعة
ايهما افضل جين 2 ام كيا سيراتو
وما قصه مغالاه سعر التوكيل في بروتون
شوف يا باشا... بما اني كنت هجيب الجين 2 وكنت ولازلت معجب بيها جدا هقولك اللي أعرفه وبرده حضرتك لازم تاخد جولة برده في قسم بروتون وهتلاقي مواضيع مثبتة هتفيدك جدااقتباس:
المشاركة الأصلية كتبت بواسطة great_eagle
أولا الجين 2 عربية بسم الله ماشاء الله تمتاز بالثبات الخرافي .صاج قوي ,كماليات عالية مش هتلاقيها غير في عربيات تعدي 120 ألف زي مثلا
abs>ebd<parking sensors<fog lights,ده طبعا غير كمبيوتر للسائق بيحسب المعدل لاستهلاك البنزين وباقي أد ايه
طبعا شنطتها ما شاء الله شكلها الخارجي يوحي انها ضيقة بس هي واسعة جدا..
شكل طبعا رياضي لا يختلف عليه اتنين وعمري مالفت انتباهي أي عربية زيها لازم أبص عليها
انا فضلت فكرة اني أشتريها في دماغي لغاية ما أقنعت ابن عمي انه يشتريها واشتراها وماشاء الله عليها ربنا يباركله زي الفل ..
ده غير ان موديل 2009 نازل بموتور وفلتر هوا متغير بيحسن العزم على السرعات المنخفضة وفي كمان تغيير على المستوى الخارجي جيد جدا
ده طبعا المميزات وطبعا الجين 2 صفقة رابحة من ناحية الفلوس لو عاوز امكانيات وكماليات وثبات وعوامل أمان
نييجي للمشاكل اللي طبعا من مواكبتي لقسم البروتون لفترة ليست بالبسيطة ..
أولا عيوب التقفيل البسيطة والغير البسيطة من زرار بيعلق لتكتكة في الطبلون الكنبة بتكتك يعني بس الحمد لله مفيش عيوب لا في الماتور ولا العفشة كله تمام بس طبعا قبل ما تستلم لازم تشيك على العربية من أولها لأخرها لأنها مش زي أي زيرو مع اني اتعودت منها اني حتى لو هشتري زيرو حتى لو مرسيدس لازم أفتش فيها
عموما السيارة محنرمة جدا بس يعيبها عيوب التقفيل وأيضا ان توكيلها زفت .. مع اني سمعت ان توكيلها بدأ يهتم بعملاؤه من بروتون ويظبطهم بس من جهة أخرى بسمع ان في مشاكل كتييرة من نقص قطع الغيار لللامبالاة في المعاملة
بس بصراحة ده كلام الأخوة الأعضاء انا مجربتش بس انا ابن عمي لما راح قاللي النظام هناك ماشاء الله واستلمت العربية في 3 ساعات والمهندس كلمني وكان فرحان
عموما علشان مش أطول عليك
البروتون :ثبات +كماليات+شكل رياضي+صاج قوي+عيوب تقفيل وتوكيل يقال انه زفت
النيو سيراتو طبعا ما أقدرش اني أفتي فيها لأنه برده لسة ما انتشرتش زي الجين 2 بس حضرتك خد لفة في الكيا وشوف موضوع للمهندس غازي موضوع مصور وهتلاقي تقييمه وهوة بصراحة معجب بالعربية ربنا يباركله بس من الأخر
صعب تقارن الجين 2 بالسيراتو لأن الفئة السعرية مختلفة لأن لما تقارن هتقارن بأعلى فئة وهي اللي ب 126000
يعي فرق مش هين بس لو الماديات مش فارقة يبقى طبعا النيو سيراتو كماليات أعلى ركوبة أحلى ده غير شكل جديد والأهم انه ضمان 5 سنوات أو 100000 كيلو ومن كلام المهندس غازي ان تعاملهم محترم جدا
عموما ياريت اكو ن أفدتك لأني بصراحة شفت محدش رد فقلت أرد أنا وربنا يوفقك لما فيه الخير ان شاء الله
:w6266d:w6266d
واللهى الواحد استفاد من الكلام وانا عن نفسى افضل السياره الاكثر رفاهيه والاكثر
جمالا والاكثر ابوشن والاكثر كل حاجة حلوه
مع كامل احترامى للبرتون ولو حتى احسن بس افضل السيراتوا وهذا ليس لانوا كياوى
ولكن لانى بحب التجديد
اكيد طبعا افدتني ومتشكر جدا ليك
لا شكر على واجب ...طبعا نسيت أقول حاجة مهمة ان ماتور النيو سيراتو 124 حصان والجين2 110حصان وطبعا فرق كبير لصالح النيو سيراتو ده غير الكماليات اللي هي السمارت كي والفرش الجلد ...عموما انا رجعت تاني واتأملت في الجين 2 بتاع ابن عمي هي حلوة جدا بس برده على قدها كخامات وتقفيل من الأخر على قد فلوسهااقتباس:
المشاركة الأصلية كتبت بواسطة great_eagle
وربنا يوفقك لما فيه الخير