التريوس 2WD معناها إيه دفع خلفى ولا أمامى....حد يفيدنى و خصوصا الاوتوماتيك
التريوس 2WD معناها إيه دفع خلفى ولا أمامى....حد يفيدنى و خصوصا الاوتوماتيك
خلفى
و يا ترى الوتوماتك معاها كويس و لا ايه عيوبه انا عايز اجيبها بس نصحونى ابعد عن الدفع الخلفى :shock:
التريوس يوجد منها اربع فئات ١- جر خلفى عادى ٢- جر خلفى اوتوماتيك ٣- جر رباعى أوتوماتك ٤- جر رباعى اتوماتيك + EPS & Air Bag
والاسعار بالترتيب كالاتى ١٠١٠٥٠٠- ١٢٠٥٠٠ - ١٣٠٥٠٠- ١٣٧٥٠٠
والاتوماتك عامتا مريح للسائق وهو كويس فى الفئات ١٥٠٠ فاعلى ولا يوجد عيوب فيه............. والله اعلم
والجر الرباعى هنا دائم الوقت لأعطاء ثبات عليا فى الملافات والسرعات العالية ويوجد زر لتصال الاربع عجلات بعضهم مباشرا وهو يعطى قوة واداء افضل فى الطرق الوعرة
وانا عند اسلام العربية طلعت على طريق العالمين الى مطروح ووصلت فى الى اقصي سرعة مع التكيف الى ١٥٥ كم والعربية ثابتة
ملاحظة خاصة العربية علشان عالية فالاحساس بالمطباط اعلى شوية من العربيات القريبة من الارض واعتقد ان هذا شئ طبيعى مع ان البعض بيعتبروا ان هذا عيب فى التريوس والكنه يعطى ميزة فارتفاع العربية عن المطبات وخصوصا فى مصر بيحمى اجزاء العربية من التلف وانا كان معايا تيوتا استارلت وكنت بعانى من المطبات وتلف اجزاء العربية السفلى
ولكن هناك ملاحظات يجب ان اقولها ولا اخفيه:
١- هى ليست مثل الجيب ولا النيسان ولا السوزوكى واعتقد ان فرق السعر بين هذة الفئات والتريوس بيكون اضعاف اضعاف سعر التريوس
ففى رأي انها عربية ممتازة بالنسبة للسعر مع الشكل الجميل الخارجى الذى يحبة كل الشباب
٢-اذا جلس ثلاث اشخاص فى الكنبة الخلفية تكون المساعدين الخلفية قربية جدا من المصدات يعنى فى المطبات العالية بتحس بدب فى المساعد الخلفى
بختصار المساعد الخلفى يكون مشواره قصير جدا.
٣- بعد التوقف وتكون العربية سخنة باسمع صوت طقطقة خفيفة من الشكمان اكنه صوت مكواه وبتبرد
فاذا كان هنلك تعليق على هذه الملاحظات من احد عنده خبرة فيقول لنا اى معلومات تفدنا كلنا
و هل الاوتوماتيك لازم تخليه على الوضع P أثناء الركن عشان تقدر تخرج المفتاح من الكونتاكت و لا مم كن تخرجه على الوضع N و تركن صف ثانى فى أمان من غير ما حد يزقهالك و يبوظلك الفتيسس اللى بالشىء الفلانى :x
يا جماااااااااعه
التريوس 2WD معناها إنها دفع أمامى
استاذ ragea اية رايك في صوت السيارة و كمان التكيف عامل اية؟؟؟؟
ردا على الاستاذ Kisho العربية التريوسي 2wd اكيد اكيد اكيد جر خافى والعربية معايا وقفة برة فى الشارع وانا متأكد ١٠٠٪
ردا علي الاستاذ semsem صوت السيارة عادى جدا والتكيف كويس وتأثيرة على العربية ضعيف ولكنه ملاحظ فى السرعات البطيئية لكن فى السريع اي فوق الــ ٧٠ ليس له تأثير
ا/ ragea Abdoo
ايه رأيك فى اللينك ده
http://www.globalautoindex.com/model.plt?no=5437&ass=
و ادخل على ال 1.5 16v aut او ال 1.5 16v
مكتوب فيه
Transmission & Drive
Drive front-wheel drive
فياريت تقولى عرفت منين ان عربيتك دفع خلفى
و شكرا
شكرا أ/ ragea بس انا عملي تست دريف علي مانوال 2w كان صوت السيارة عالي قوي مقارنة بالكورولا و السحب مكانش جامد قوي و بصراحة التكيف كان علي التاني بس كان ضعيف جدا مقارنة بالكورولا فممكن تقولنا رايك علي الملاحظات دية (و انت سيارتك اي فئة؟)
و شكرا
الملحوظة الاولى للاستاذ كيشو
العربية فعلا جر خلفى و دا انا متاكد منه(عربيتى وعارفها ) لانه مكتوب كدا فى المانيوال+العربية بكرونة خلفى+العربية مرة غرزت فى رمل ولما قرصت عليها الكاوتش الورانى قعد يأمرك وطلع غبار
بالنسبة للاستاذ سمسم
فعلا العربية التريوس صوتها اعلى من الكورولا بس مش للدرجة المزعجة يعنى
بمعنى انى لما بسمع صوت الموتور بحس انه صوت مش مزعج بالعكس دا بيدى احساس بقوة الموتور+لما تركب التريوس عشان العربية عالية بتدى احساس بانها 4w عشان العربية عالية فاعتقد انه من المناسب ومش شىء غريب انه تكون العربية صوتها اعلى من عربية سيدان
لكن عشان الموضوع مياخدش اكتر من حجمه العربية مثلا صوتها وهيا واقفة واطى لدرجة انى ساعات بنسى انها دايرة وبكون فاكرها مطفية لكن بصراحة لما تشد صوتها بيعلى لكن لما تقفل القزاز مش بتحس ابدا ان صوت الموتور عالى يعنى عزلها كويس لكن ارجع واقول مش زى الكوروللا
بالنسبة للتكيف فعلا انا حاسس ان التكييف عندى مش كويس على 1 و 2
لكنه كويس على 3 وكويس جد على 4
بس مش بياثر على السحب خالص
دا انا لما بسافر واشغل التكييف او حتى جوة البلد لما بشغله يدوب بحس ال rpm اتهز هزة بسطة وبعدها يرجع زى الاول يعنى مثلا لو كان على 2.5 يترعش حاجة بسيطة اوى ممكن متاخدش بالك منها وبعدها يرجع 2.5 لكن الرعشة دى مش معناها انه يوصل ل 3 rpm
قبل اخيرا التكيف مش بياثر على السحب نهائى
اخيرا عربيتى اللى بتكلم عنها 2w manual
وشكرا للى عنده صبر يستحمل كلامى ويقراه
شكرا أ/ ابو حميد علي الرد و التوضيح
معلش تسيت اسال علي الاضافات الي ممكن تركب علي السيارة و اسعارها (زي الديفندر: عتب:.....)
عندك معلومات عنها؟؟؟؟
لا والله يا سمسم بيه معنديش معلومات عنها
بس انا سالت فى التوكيل الدفندر تمنه كام قالولى حوالى 3 الاف جنيه بس مش متاكد لانى سالت الراجل اللى فى المعرض وهوا قاللى اتاكد من قسم قطع الغيار وكنت مستعجل فمقدرتش اتصل
ومعايا نمرة مركز خدمة العبور وهيا 0129122554
لو عندك معلمومات ابقى شاركنا بيها
عربيتى تريوس 2wd ناقل عادى
وبعد الاستلام ركبت الدفندر اماوى وخلفى وعتب بــ ٣٤٠٠ج وهو الحجم الوسط وهناك ثلاث اشكال والاختلاف بينهم فى الجزء الامامى فقط على حسب مساحة الحماية وركبت جنوط اسبور الجنط الواحد بــــ ٧٠٠ ج وانذار وسنتر لوك ٥ باب بـــ ٣٤٠ تقريبا وغطاء جلد للاستبن ١٢٥ج وفرش جلد داخلى اصلى ٤٤٠ج ودواسات ارضية بـــ١٧٠ ج والغريبة ان العربية بتأخذ ٣ لتر زيت فقط
ا/رجائى
هوا الاسعار اللى انت كاتبها دى فى التوكيل ولا برة؟
اصلى لما سالت عن الانذار والسنتر قالولى 700
والغطا الجلد قالولى 300
والدواسات دى ركبتها فى التوكيل ولا برة
لا في التوكيل يا ابو حميد
الأنذار فعلا انا فاكر انه بــ 330 جنيه تقريبا
اما السنتر فلا اعرف
اما الغطاء الجلد فلو لاقيته بالسعر ده وانا لا اظن ذلك اطلبه من توب كوفر ايجيبت WWW.topcoveregypt.com
والدواسات ممكن تشتريهم من الخارج احسن علشان في التوكيل هيتحسب عليك ضريبه غير ان سعرهم بيبقى زايد عن بره وخلي بالك ان ده اكسسوارات مش شرط تبقى اصلي لأن مفيش دواسات اصلي غير القماش وهيا عندهم فعلا اما الجلد فبتبقى زي الخارج
شكرا يا ابو عبدالله