الموضوع: لو الطريق قدامك فاضى و مفيش رادار هتجرى و لا تلتزم بالسرعة القانونية؟

حقول قدر الله و ماشاء
فعل انا معاكي ان الحذر واجب طبعا و السرعة العالية هي اكثر سبب للحوادث بس الحادثة ممكن تحصل و انتي سايقة براحة و انتي كمان و اقفة في مكانك
لا دة ممكن زي ما حصل علي كوبر 6 اكتوبر العربية طاشت و دة بسبب السرعة طبعا و راحت الناحية التانية
ف الجري بالعربية لازم يكون في طرق معينة تكون مستقيمة مافيهاش منحنيات زي الكباري وواسعو و مافيهاش شوارع جانبية زي الاوتوستراد انا بعشق انزل اجري فية بعربيتي قبل الفجر و طريق العين السخنة
وبس كفاية رغي كدة

للاسف حجري مش اقل من 120

100 دا بصراحة قليل اوي عالسريع

بس كلو الا الاوتوستراد و صلاح سالم

الطريق السريع فقط

انا بمشى 90 بكل ثقه
والحمد لله عارف امكانيات عربيتى
وبنفض للى بيجروا جنبى

المشاركة الأصلية كتبت بواسطة Dr_Smart

يعني سيادتك بتصف ال 48 واحد اللي صوتوا بعدم الاحترام وعدم التحضر ؟؟؟؟

يعني حضرتك ممكن توصل رسالتك بس بدون اساءه زي ماكل الاخوه الافاضل وصلو رايهم

بس ايه رايك بقى ان مفيش حد فينا متحضر فعلا ( على حسب تعريفك للتحضر ) ؟؟

هل فيه حد بيمشي في صلاح سالم او كوبري اكتوبر او الاوتوستراد اقل من 60 كم/س ؟

هل عمر حد مشي في نفق زي نفق الطيران ولا الازهر على 40 كم/س ؟؟؟؟؟

يبقى مانضحكش على نفسنا ... احنا بنمشي بالسرعه القانونيه لو فيه رادار او لو الطريق فعلا مايسمحش او لو عربيتي متهالكه وماشي من غير فرامل

انا ضد السرعه الزائده والتهور بالتأكيد ... ولكن كل شيء بالعقل والميزان ... الموضوع مش اني ما اصدق اجيب دواسة البنزين لآخرها ولا اني ابقى متحجر وراسي ناشفه وامشي زي السلحفاة وقال ايه بستمتع بالصحرا اللي عالجانبين ... لكن انت توزن الموضوع وتشوف مصلحتك فين

معلش يا محمود باشا بس والله عشان بعزك وبحترمك جدا صعب عليا الرد اللي انت قلته

طب خلينا ناخد بالنا من عدة نقط الأول يا أحمد باشا و انا كمان و الله بعزك و بحترمك جداَ .

1- السائق اللي بيسوق بسرعة بيوجهلك علي الطريق رسالة غير لفظية إنه لا يحترمك، لأنه لو بيحترمك كان خاف علي أعصابك و عربيتك و حياتك و ساق كويس .

2- ماهو التحضر ؟ إننا نلتزم فقط لأننا خايفين من مخالفة الرادار أم أن نلتزم تقديراَ لبعضنا البعض ؟ و انا مش بقولك إمشي 30 بس معروف إن السرعة في وسط المدينة 60 و علي الطرق المفتوحة 100 و بتوصل لبعض الطرق دلوقت ل 120 .. و انا عن نفسي ملتزم بالسرعات دي لأني عارف إنها مش معمولة إعتباطاَ و غتاتة و إنما لأن دي السرعات اللي تخلي عندك تحكم في السيارة حسب المكان اللي إنت فيه .. في وسط المدينة 60 لأن ممكن يحصل موقف يكون طرف فيه بني أدم و سرعة أكتر من كدة هتقضي عليه .. شوف الكراش تيست اللي بيتعمل علي سرعة 60 العربية الحديد بيجرالها إيه .. ما بالك لو خبطت بني أدم !؟ و الطرق السريعة لأن ممكن أي حاجة تحصل .. طوبة .. عجلة تفرقع .. أي حاجة تحصل ! و محدش يقولي انا بقالي 80 سنة بسوق و عارف انا بعمل إيه و الكلام ده .. حتي السائقين المحترفين المعتمدين من شركات السيارات بيموتوا في حوادث !

3- تفتكر لو كل واحد مشي علي سرعة تقديرها يرجع لمزاجه و حالة إستعجاله و في أي مكان الوضع هيكون عامل إزاي ؟ مش محتاج تتخيل لأن ده الوضع فعلاَ .. وسط البلد كلها و طرق مفتوحة كتير مفيهاش رادار و كله عايش حياته .. و نفتكر حادثة الدائري الأخيرة .

4- هل الوصول بدري أو السرعة لأنك زهقت من الطريق تساوي حياة بني أدم أو ثمن سيارة تكون سيارتك أو سيارة غيرك ؟ يا سيدي اللي مستعجل يسافر بطيارة! ولا إنه يروع الناس علي الطريق .

5- انا عن نفسي أي حد بيسوق بتهور و يعدي من جنبي بدعي عليه و بتمناله كل عدم الخير من كل قلبي .. لأن أمثاله هم اللي قتلوا -و أكرر .. قتلوا- العديد من أصدقائي علي الطريق و كانوا علي وشك إنهم يودوا بحياة أختي، مليش بقي دعوة هو مستعجل بيتهم إتحرق مراته بتولد دي مشكلته هو مش مشكلة الناس عالطريق .

6- الطريق مكان عام يخضع للقوانين العامة، مش للأمزجة الشخصية و القوانين اللي بيصنعها راكب السيارة من خياله و أصل العربية دي عفريت أسفلت و مش عارف إيه .

7- أظن إني غير مطالب بإحترام من لا يحترمني .. انا معرفش اللي صوتوا ولا أقصدهم بصفة شخصية و لكن أقصد فعل القيادة السريعة و التهور ذاته .. و هم كمان اما بيعدوا من جنبي عالطريق بيبقوا ميعرفونيش بصفة شخصية و عايزين يضايقوني انا بالذات .. لذلك فالوضع مشابه، كما إني اما أقول اللي بيسوق علي مزاجه غير متحضر فا أنا لا أعترض علي شخصه و لكن علي فكره في هذه المسألة .

8- اللي بيقول دعاء السفر و الطريق و يطلع يسوق 160 و 170 ده بصراحة قمة النفاق!

و أخيراَ أرجو إنك متزعلش من كلامي و كل ده كلام في الأخر لأن الوضع في الشارع كلنا عارفينه كويس .. و كلامي و كلامك غير مؤثر فيه و لكن دي وجهة نظري اللي لن أتنازل عنها، و أسلوب قيادة لن أغيره ما حييت، لأني عارف يعني إيه عربية و إيه الغرض منها .

المشاركة الأصلية كتبت بواسطة MoToRiZeR

طب خلينا ناخد بالنا من عدة نقط الأول يا أحمد باشا و انا كمان و الله بعزك و بحترمك جداَ .

1- السائق اللي بيسوق بسرعة بيوجهلك علي الطريق رسالة غير لفظية إنه لا يحترمك، لأنه لو بيحترمك كان خاف علي أعصابك و عربيتك و حياتك و ساق كويس .

2- ماهو التحضر ؟ إننا نلتزم فقط لأننا خايفين من مخالفة الرادار أم أن نلتزم تقديراَ لبعضنا البعض ؟ و انا مش بقولك إمشي 30 بس معروف إن السرعة في وسط المدينة 60 و علي الطرق المفتوحة 100 و بتوصل لبعض الطرق دلوقت ل 120 .. و انا عن نفسي ملتزم بالسرعات دي لأني عارف إنها مش معمولة إعتباطاَ و غتاتة و إنما لأن دي السرعات اللي تخلي عندك تحكم في السيارة حسب المكان اللي إنت فيه .. في وسط المدينة 60 لأن ممكن يحصل موقف يكون طرف فيه بني أدم و سرعة أكتر من كدة هتقضي عليه .. شوف الكراش تيست اللي بيتعمل علي سرعة 60 العربية الحديد بيجرالها إيه .. ما بالك لو خبطت بني أدم !؟ و الطرق السريعة لأن ممكن أي حاجة تحصل .. طوبة .. عجلة تفرقع .. أي حاجة تحصل ! و محدش يقولي انا بقالي 80 سنة بسوق و عارف انا بعمل إيه و الكلام ده .. حتي السائقين المحترفين المعتمدين من شركات السيارات بيموتوا في حوادث !

3- تفتكر لو كل واحد مشي علي سرعة تقديرها يرجع لمزاجه و حالة إستعجاله و في أي مكان الوضع هيكون عامل إزاي ؟ مش محتاج تتخيل لأن ده الوضع فعلاَ .. وسط البلد كلها و طرق مفتوحة كتير مفيهاش رادار و كله عايش حياته .. و نفتكر حادثة الدائري الأخيرة .

4- هل الوصول بدري أو السرعة لأنك زهقت من الطريق تساوي حياة بني أدم أو ثمن سيارة تكون سيارتك أو سيارة غيرك ؟ يا سيدي اللي مستعجل يسافر بطيارة! ولا إنه يروع الناس علي الطريق .

5- انا عن نفسي أي حد بيسوق بتهور و يعدي من جنبي بدعي عليه و بتمناله كل عدم الخير من كل قلبي .. لأن أمثاله هم اللي قتلوا -و أكرر .. قتلوا- العديد من أصدقائي علي الطريق و كانوا علي وشك إنهم يودوا بحياة أختي، مليش بقي دعوة هو مستعجل بيتهم إتحرق مراته بتولد دي مشكلته هو مش مشكلة الناس عالطريق .

6- الطريق مكان عام يخضع للقوانين العامة، مش للأمزجة الشخصية و القوانين اللي بيصنعها راكب السيارة من خياله و أصل العربية دي عفريت أسفلت و مش عارف إيه .

7- أظن إني غير مطالب بإحترام من لا يحترمني .. انا معرفش اللي صوتوا ولا أقصدهم بصفة شخصية و لكن أقصد فعل القيادة السريعة و التهور ذاته .. و هم كمان اما بيعدوا من جنبي عالطريق بيبقوا ميعرفونيش بصفة شخصية و عايزين يضايقوني انا بالذات .. لذلك فالوضع مشابه، كما إني اما أقول اللي بيسوق علي مزاجه غير متحضر فا أنا لا أعترض علي شخصه و لكن علي فكره في هذه المسألة .

8- اللي بيقول دعاء السفر و الطريق و يطلع يسوق 160 و 170 ده بصراحة قمة النفاق!

و أخيراَ أرجو إنك متزعلش من كلامي و كل ده كلام في الأخر لأن الوضع في الشارع كلنا عارفينه كويس .. و كلامي و كلامك غير مؤثر فيه و لكن دي وجهة نظري اللي لن أتنازل عنها، و أسلوب قيادة لن أغيره ما حييت، لأني عارف يعني إيه عربية و إيه الغرض منها .

:k49: :k49:

على حسب نوع العربيه وديه حاجه مهمه

لو فيات من 80 الى 100
لو عربيتى من 120الى 130 او اقفل العداد بس هتلى طريق سليم وكويس وابن ناس
لو بى ام دبليو مش عايزه كلام طبعا هطير وانا مطمن يعنى من 220الى 250
لو مرسيدس هتبقى زى الى ام
لو بورشه من 250 الى 300
لو لمبورجينى ريفنتون من 0 الى 450