أرجوكوا ساعدونى بخصوص التامين ؟

**Amera** · 07-05-2009 03:21 PM

أنا قريت فى المنتدى كل مايخص التامين وبعد كل اللى قريتة ماوصلتش لشركة كويسة ممكن ءامن معاها ، انا كنت مأمنة السنة اللى فاتت مع الجمعية المصرية للتأمين التعاونى وطبعا الجمعية اثبتت فشلها :k17:فشلا زريعا و دلوقتى الوثيقة بتاعتى خلصت وعايزة ءأمن فى شركة تأمين كويسة لو لقدر الله حصل حاجة الاقيها فى خدمتى مش هى فى وادى وانا فى وادى بهاتى لوحدى وهى ولا هنا امال الفلوس اللى بدفعها دى لية عيائة ، ولما اصلح فى التوكيل انا اللى ادفع الفلوس وبعدين ابقى ادور فيـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــن على الفلوس وطبعا مش المبلغ كلة امال لزمة التأمين اية ؟ وبرضو انا لازم ءأمن علشان العربية بالتقسيط .

**Shehab_gomaa** · 07-05-2009 03:55 PM

أنا ممكن أقترح عليكى شركتين:
1 - شركة كونتكت ... كل الناس اللى عملت تأمين معاهم بتشكر فيهم جدا والخدمة ممتازة زائد إن هم اللى بيصلحوا والعربية ويجيبوهالك وعلشان كدة هم أغلى شوية من باقى الشركات وده طبعا إنت قريته على المنتدى من الناس اللى إتكلمت على كونتاكت.
2- بيت التأمين المصرى السعودى ... ودى أنا مأمن فيها وبصراحة فضلتها هى على كونتاكنت عشان تأمين إسلامى ... بس هو هنا إنت اللى بتصلح وتجيب فاتورة وهم يطلعولك شيك ... أنا جربتهم فعلا وكانت المرايا الشمال عندى طارت ... روحت إشتريتها وركبتها وروحتلهم ... فى الأول كان مغلس وقالى ركبتها ليه كنت تيجى الأول نعاين ... قولتله إزاى أنا مكنتش عارف أسوق من غيرها أصلا ... المهم فى الأخر نزل معايا وصور العرببية ويعد 20 يوم طلعلى شيك بتمن المرايا بعد خصم 10% عشان أنا جبتها من التوكيل

ده رأى وبرضه إسئلى وصلى إستخارة

**Amera** · 07-05-2009 04:22 PM

انا بشكرك على اقتراحاتك وبالنسبة لشركة كونتكت انا سمعت من الاعضاء انها شركة كتعامل كويس جدا بس فى الوثيقة بتكون نسبة تحمل التصليح لأول مرة 0% يعنى على الشركة كلة و بتدفع 15% من تاني خبطة و 25% من تالت خبطة ، ودة مش كويس وكمان ليهم الحق فى الغاء العضوية وعدم التجديد بدون ابداء اسباب .
اما بالنسبة لبيت التأمين المصرى السعودى هو من ناحية تأمين اسلامى كويس بس حكاية انى ادفع الفلوس دى بتبقى صعبة لان لو العربية حصل فيها حاجة لقدر الله بتبقى مش مترتبلها وقطع الغيار غالية يعنى مبتبقاش فى فلوس حاضرة ، وانا بدفع فلوس للتامين علشان لما اتزنق هما يدفعوا مش ابقى دافعة لهم فلوس وادفع تانى وبعدين ادور انا بقى عليهم علشان يعبرونى .

**hany79** · 07-05-2009 06:19 PM

سلام عليكم يا اميرة انا زيك بالضبط .كنت مامن مع الجمعية و السنة خلصت فجددت مع اليانز شركة عالمية و كبيرة و محترمة خدوا نسبة 3.2%
و بعدين خلصولي الورق علطول و جابولي الورق لغاية شغلي في 24 ساعة
و الله المستعان

**alaasaid** · 08-05-2009 06:29 PM

المشاركة الأصلية كتبت بواسطة hany79

سلام عليكم يا اميرة انا زيك بالضبط .كنت مامن مع الجمعية و السنة خلصت فجددت مع اليانز شركة عالمية و كبيرة و محترمة خدوا نسبة 3.2%
و بعدين خلصولي الورق علطول و جابولي الورق لغاية شغلي في 24 ساعة
و الله المستعان

السلام عليكم ,

ممكن حضرتك تكتب لنا العنوان و أرقام التليفون .

**hany79** · 08-05-2009 09:17 PM

المشاركة الأصلية كتبت بواسطة alaasaid

السلام عليكم ,

ممكن حضرتك تكتب لنا العنوان و أرقام التليفون .

بص يا استاذ علاء هم مكانهم برج ساريدار اللي في 92 شارع التحرير-الدقي
تليفون 19909
و اي خدمة

**Ayman_52** · 09-05-2009 04:26 PM

زى ماتفضلو الاعضاء وقالوا

احسن شركتين بسمع عنهم -اليانز & كونتاكت-

وانا مامن تبع -شركة بنوك مصر للتامين التكافلى- والصراحه مش ولابد اوى يعنى دفعونى من اول حادثه 10% واتاخروا شويه لحد ماخدت الشيك ...

والافضل من وجهة نظرى ... ان حضرتك تأمنى فى الشركه اللى تكونى عارفه حد فيها عشان يسعفك ويخلصلك كل حاجه لو لقدر الله حصل حاجه ..ويعملك المعاينات ويخرج الشيك بسرعه.

**Amera** · 09-05-2009 04:41 PM

المشاركة الأصلية كتبت بواسطة hany79

سلام عليكم يا اميرة انا زيك بالضبط .كنت مامن مع الجمعية و السنة خلصت فجددت مع اليانز شركة عالمية و كبيرة و محترمة خدوا نسبة 3.2%
و بعدين خلصولي الورق علطول و جابولي الورق لغاية شغلي في 24 ساعة
و الله المستعان

شكرا ليك يا hany على ردك .

**Amera** · 09-05-2009 04:53 PM

المشاركة الأصلية كتبت بواسطة alaasaid

السلام عليكم ,

ممكن حضرتك تكتب لنا العنوان و أرقام التليفون .

شكرا ليك يا alaa

**Amera** · 09-05-2009 04:55 PM

المشاركة الأصلية كتبت بواسطة alaasaid

السلام عليكم ,

ممكن حضرتك تكتب لنا العنوان و أرقام التليفون .

شكرا ليك يا alaa علشان سألت على عنوان وتليفون اليانز .

الموضوع: أرجوكوا ساعدونى بخصوص التامين ؟

LinkBack

أدوات الموضوع

عرض

أرجوكوا ساعدونى بخصوص التامين ؟ - انشر الموضوع فى :

-

-

-

-

-

المواضيع المتشابهه

نصيحة بخصوص التامين

افيدوني بخصوص التامين

هام جدا: بخصوص التامين علي اللوجان

بخصوص التامين علي الاكسنت

سوال بخصوص شركات التامين ؟؟

الكلمات الدلالية لهذا الموضوع

المفضلات

المفضلات

ضوابط المشاركة