الموضوع: مشكلة في الكاسيت بتاعي ومش عارف اعمل ايه

اولا عاوز اسيف اي محطة تانية اعمل ايه
وازاي

بص في كل الاجهزه اللي شفتها تخزين قنوات الراديو عن طريق تجيب القناه الاول مانيوال ثم ثضغط على الرقم المراد التخزين عليه ضغطه طويله ""اكتر من ثانيتين"" المفروض بتسمع زي رنه خفيفه كدا وبيتم التخزين وبيظهر الرقم على الشاشه مع التردد المختار.

ثاني حاجة ان الاسطوانات بتاخد وقت علي ما تشتغل
وفي اسطوانات احطها تشتغل علي طول
وواحدة تانية تقعد 10 دقايق علي ما تشتغل بلا مبالغة
وعلي فكرة
دا مش عيب من الاسطوانات
يعني جبت اسطوانات جديدة TDK انضف حاجة علي حسب ما سمعت
ونسختها وحطيتها في الكاسيت
اخدت حوالي دقيقة بالظبط واشتغلت وسعات تتأخر عن كده
فا مش عارف دي مشكلة ايه

يبقى السي دي درايف بتاعك عايز تنضيف للعدسه
ممكن لو بتعرف تفك الكاسيت تفكه وتعمله بسائل منظف عدسات السي دي والدي في دي
او بتجيب سي دي تنظيف جاهز وتتبع التعليمات الخاصه بالكيت بتاع التنضيف

وفي زراير مش عارف لازمتها ايه
زي الزرار الي جنب Fm , Am
مكتوب عليه
HEM
RPT

دا والله اعلم كدا بتاع الريبيتrepeat يعني لو مشغل اغنيه على الكاسيت بعد ما بتخلص ها تتكرر وما يشغلش اللي وراها

وزرار الي جنب play في الـ CD

دا repeat برضو بس بتاع السي دي

والزرارين الي تحت Fast برضه في الـ CD

مش فاكر بصراحه

ثالت حاجة
اني لازم كل ما ادور العربية الكاسيت يشتغل 10 دقايق بس وبعدين يطلب الكود
هو معاي وبدخله وبعديها يفضل شغال علي طول زي الفل
بس هو في حل ان مش كل ما ادور لازم احط الكود
لاني كده كل ما ادور المفتاح لازم احطه تاني

ممكن حد تاني من الاعضاء يفيدك في الموضوع دا

معلش طولت عليكم يا جماعة
أهلا بيك

بالنسبة لسرعة دوران السى دى غير ان العدسة مش نظيفة برضة بيتوقف عليها عدة عوامل تانية منها مثلا ان العربية تكون واقفة كتير فى الشمس او العربية شغالة بقالها كتير والكاسيت الو السى دى نفسى سخن
تانى حاجة ودى برضة مهمة اوى نوع السى دى وانا اقصد الاوريجنال مش النسخ لانى لاحظت انك بتجيب انضف نوع حسب تعليقك اسمحلى انضف نوع ازاى وهى منسوخة؟......جرب سى دى اوريجنال بعد ما تقوم بعمل الاختبارات دى
1 تتأكد ان اعدسة نظيفة او السى دى نفسة مافيهوش مشكلة
2 العربية ماتكونش سخنة او فى مكان شمس ويفضل تجرب اول ما تركب العربية يعنى ما تكونش مشيت مشوار قبل
3 حط سى دى اوريجنال وجرب

اما بالنسبة للكود ف هى خاصية فى الضبط بتاع الجهاز نفسة لحمايتة من السرقة او اللعب من اى شخص راكب العربية معاك ودى ميزة مش عيب