الموضوع: الصين خربتها ولا صلحتها(البلد طبعا).......

100 100 كلامك صح

المشاركة الأصلية كتبت بواسطة shnory

بص يا باشا
بالنسبه لموضوع غزو الصين لينا فهو مش لينا احنا بس
وهو مش غزو
هما 1500 مليون واحد بيشتغلوا
وبيحبوا الشغل
ومفيهمش حد مش بيشتغل
بيتهيالي ان مفيش قهاوي عندهم علشان محدش حيقعد عليها
غير كده شاشات الكمبيوتر والخ الخ من الاجهزه ايا كان نوعها اللي بتتصنع في الصين
فهي كلها عباره عن توكيلات ومصانع للشركات الاساسيه واتعملت في الصين
زي مرسيدس في مصر
العامل اخره فيها يربط مسامير وخلاص وباقي الشغل بيكون بطريقه اليه عن طريق الماكينات والبرامج الاصليه الموجوده في الشركه الام
بالنسبه لجوده التصنيع فدي بتفرق من اللي بيروح يشتري من الصين او التاجر نفسه
فبيجيب ارخص مكونات للحاجه وطبعا دي كلنا عارفينها وعارفين مشاكلها وقرفها في ان العمر الافتراضي للسلعه بقي قصير
بس انا شايف ان الموضوع مش عمر افتراضي وبس
التكنولوجيا كل ما تطورت وحجمها صغر قوه تحملها بتبقي اضعف
علشان كده الكاميرا ام فيلم بتاعه زمان بتعيش 20 سنه لانك بتستعملها في المناسبات بس
انما الكاميرا الديجتال كل واحد معلقها تحت باطه او راميها في العربيه وكل شويه يطلعها ويصور بيها وطبعا بتتعرض لظروف قاسيه شويه هي مش مصممه ليها
لان زي ما قولنا تصغير الحجم وزياده التكنولوجيا بيكون علي حساب قوه التحمل
نيجي لموضوع التليفونات وواضح ان انا وحضرتك بنشتغل في مهنه واحده بس انا عندي مركز صيانه للسوفت وير فقط مش بشتغل اي حاجه في الهارد وير
الموبيلات الصيني جايز قصرت مع الناس في موضوع الابليكيشن بتاعها
علشان ملهاش برامج ودا اثر علي ناس كتير
بس ماهو برضه البلوتوث والريدر اللي بقم ببلاش وانا شاريهم في يوم من الايام البلوتوث ب300 جنيه والريدر الصغير ب90 والكبير 180 (6*1)
ما كل دول اثروا علي المهنه
وكل واحد بيقي بيعمل الكستميز بتاع تليفونه زي ما يعجبه في البيت
وبيدخل علي الانترنت يجيب اللي هو عاوزه
فبكده هو مبقاش محتاج للراجل بتاع النغمات زي الاول بس طبعا فيه ناس كتير لسه بتتجه للمووضوع ده
نيجي بقي لنوع المهنه نفسه
بعد ما كان اقل جهاز برمجه (بوكس) للنوكيا مثلا تمنه 2400 جنيه
ومعاه 35 كابل
دلوقتي بقي ب400 جنيه ومعاه 120 كابل
فبدا كل من هب ودب يشتغل سواء فاهم او مش فاهم واشك ان فيهم حد بيفهم بالقدر الكافي
يعني جهاز برمجه +120 كابل =تمن بلوتوث احنا اشتريناه زمان
فالعمليه بقت سهله بالنسباله ومش مهم الزبون حيديله كام لو 2 جنيه حيقول فضل وعدل لانه متعبش علشان يفهم
وطبعا غلطاته ونصبه وضعف خبرته بيصب علي المهنه نفسها
بس فيه نقطه مهمه
التطور عاوز حد يتابع واللي يتابع لازم يكون فاهم
والطفره الكبيره اللي حصلت في الاواخر في اجيال التليفونات صعبت الموضوع
كل ده كوم
وموضوع التليفون الصيني حنرجعله تاني
التليفون الصيني مغزاش الاسواق ولا حيغزوها ولا حيخلي الناس متشتغلش
الاجهزه الصيني كلها بتعتمد علي نوعين بروسيسور واكيد حضرتك عارفهم طالما شغال في الموضوع
mtk من اول ال 6225 لحد ال 6230 تقريبا والبروسيسور السيبريد اللي هو مع الاجهزه اللي فيها تليفزيون
ولو كان زبونه بطل يحط نغمات وتكنولوجيته النتنه سدت الطريق علي شغل الهارد وير لانه مفيهوش حاجه تتعمل غير التسخين عليه او رفع اي سي من مكانه
فهو برضه بيضرب سوفت وير اسرع من اي نوكيا واكيد فتح مجال شغل تاني للبرمجه متنساش انه كان بيتفرمت بس ب150 جنيه اول ما طلع
يعني فورماته جايبلك شغل اسبوع نغمات (اول ما طلع مش دلوقتي علشان محدش يحسد)
فهو زي ما اتقفل من ناحيه اتفتح علي البحري من ناحيه تانيه
معلش انا طولت شويه في موضوع التليفونات بس علشان دا يمكن اكتر حاجه في الموضوع انا ملم بيها

نيجي للشاشات والاجهزه
افتح اي جهاز صيني في العالم جاي عن طريق توكيل حنقول انه شاشه كمبيوتر مثلا
وافتح نفس الجهاز جاي من بلد تانيه
حتلاقي ان 80% من ايسيهاته جايه من شركه سامسونج لانها اكبر شركه في العالم لتصنيع الايسيهات
ومفيش جهاز الكتروني في العالم مفيهوش اي سي سامسونج
العيوب بتكون عيوب تقفيل فقط لا غير ممكن التغاضي عنها مع حساب فرق السعر بين اللي جاي من الصين واللي جاي من المانيا مثلا

لو عاوز تسيب شغلك
منصحكش بالخطوه دي دلوقتي
الركود علي كل المجالات وانا كنت حضيف انشطه تانيه عندي في المحل وقولت مش دلوقتي لحد ما نشوف السوق حيوصلنا لفين
لان حتي الصين حاليا فيها ركود اقتصادي والمعامل بدات تقفل فيها ولو استمر الركود فالمصانع كمان حتقفل
سامحني لو قولتلك ان اللي بيسيب مهنتنا دلوقتي هو الضعيف فيها لانه مش قادر يكمل
او بمعني اصح مش قادر يستوعب الانظمه الجديده والتطور اللي حاصل
فحتروح عليه
كمل في مكانك وكافح وربنا حيجازيك خير
ولو محتاج تطوير لنفسك طور ومتبخلش
لان حييجي يوم وكل المدعيين حيظهروا علي حقيقتهم
وحيبقي البقاء للاصلح
وربنا يرزقك ويرزقنا اجمعين

محمد الشنوري

فعلا يا باشا عندك حق.....الموبايلات الصينى اغلب مشاكلها.......السماعة اللى بتضرب كل شوية .......والسيلك سكرين.....والسوكيت........
( متنساش انه كان بيتفرمت بس ب150 جنيه اول ما طلع ).........عنك حق وانا كنت بعملها ب100 على بوكس ال سبايدرمان.......وكنت بعدلة الكابلات بتاعتة كمان.........
بس الصين خربتها بردة ........

المشاركة الأصلية كتبت بواسطة rembrandt

ياريس سيبك من الصين والاقتصاد ووجع الدماغ دة احنا عايزيينك ترفع الحب التالت اية انت بطلت تحب ولا اية

مع تأييدى الكامل لكل كلامك
لأنى فى السوق وشايف ، لكن دا ما يمنعش إنى فى قراره نفسى بأحترمهم وأحترم إصرارهم على النجاح.
بس تعرف المشكلة الأكبر فين ؟؟؟؟
المشكلة الأكبر عندنا احنا ، عند المستوردين بالتحديد اللى بيختاروا أردأ الأصناف وأردأ الخامات مقابل أقل سعر ودا سبب تشوية سمعه البضائع الصينية فى مصر ، بدليل إنك هتلاقى بضائع صينية منتشرة جدا فى الخليج بس الجودة بتاعتها عالية جدا عن هنا وكمان بتنافس السلع اليابانية والأوروبية.

صين أيه بس اللي خربتها .
هو تصليح الموبايلات بقى مفيد للأقتصاد لهذه الدرجة علشان زعلان من أن الصين نزلت موبايلات رخيصة .
طيب ما ده إن كان مضر لألف واحد شغالين في الموضوع فهو مفيد لملايين بيشتروا السلعة بثمن أرخص .

أنت النفروض تبقى زعلان من الحكومة اللي ما وفرتش فرصة انتاج حقيقية و مفيدة للأقتصاد .
في أوروبا مفيش حاجة أسمها تصليح .
الموبايل يبوظ ........... مكانه هو الزبالة .

عندهم الشغل يعني إنتاج حقيقي و مفيد للأقتصاد .
يعني إنتاج زراعي الناس تقدر تأكل منه ..... إنتاج صناعي الناس تقدر تستخدم منتجاته في الحياة ... و الخدمات زي السياحة و البنوك و بعدين بييجي في المؤخرة موضوع الصيانة و دي بتكون لحاجات غالية الثمن و بيكون الأستبدال فيها هو المتبع .

يبقى المفروض أنت تكون زعلان علشان مفيش إنتاج حقيقي في بلدنا و أنا و أنت مش قادرين ننتج فعلا و نفيد المجتمع .

و طبعا أنا أتمنالك كل خير و لكل من يعمل في هذا المجال و ربنا يكون معاكم و في عونكم . و يرزقكم من حيث لا تعلمون و يرزقنا أيضا .

محدش يزعل مني ... بس ده رأيي