الموضوع: ناوي اشتري gen2 و عاوز ماعده (مش فلوس)

السلام عليكو الموضوع باختصار اني اتوكلت علي الله و ناويت اشتري الجين 2 كنت قبل كده عملت موضوع عن انه لو رحنا مجموعه تلت عربيات او اكتر نشتري ممكن يعملو لنا تخفيض كويس و انتو بصراحة احبطوني

انا قررت اني اروح خصوصا و اني ممكن اشتري دلوقتي و كمان واحد صاحبي بيشاور عقله معايا و بنقنع واحده زميلتنا تالته و روحنا فرع مدينة نصر و قعدنا مع الناس و بدء الفصال علي السعر كاش و كان الرد كالاتي

بكام الاوتوماتيك
90900
و بعد الفصال
90000
و بعد الخناق
تنزل 500
و لو عربيتين
تنزل في حدود من 400 الي 500 كمان
و لو تلت عربيات (الراجل خدنا علي المكتب و قال بعد ما قفل الباب في الحالة دي او اكتر ممكن يتعمل خصم تجاري بس ده مع مدير الفرع )
يعني ممكن 400
ممكن انتو تحسبوها بالتقريب و اعتقد ان عمرنا ما حنقدر نوصل للسعر ده مع حد تاني بره انا رحت معرض اليسر اللي كاتب في الجرنان ان هي ب 88 و قالي ان ال 88 ده للقسط فقط لانه بياخد 1000 جنيه عموله من البنك و اقصي حاجة ممكن يوصل فيها للكاش 89 ل 88.5
الفكرة هنا ان لو رحنا باسم المنتدي 3 او 4 او 5 ممكن يتعمل لنا الخصم ده و يبقي الكل مستفيد احنا بنفكر نتحرك خلال الشهر ده عشان علي كلام عمو عز ان الدفعة اللي جاية اخر الشهر و ليا شوية اسئله يا ريت الاخوة الجنوية يردو عليا فيها من خبرتهم

1- بالنسبة لمثبت السرعة في الاوتوماتيك انا لقيت مكانه موجود ورا التارة و لما سالت بتوع المبيعات قالي ان هو ممكن يركب انا كنت سالت علي عربيات قبل كده زي الاسترا و الميجان ممكن يركب كان الرد اه مجرد بيوصل الدراع و يعمل اب دات للسوفت وير و كان بيتكلف مبلغ معقول جدا هل ده ممكن يكون موجود في الجين 2 خصوصا و ان انا حاموت عليه يا ريت حد يسال لي عليه و هو بيعمل صيانة و ياكد علي الناس لاني اعتقد انه سهل يركب ممكن يكون بعد فترة و لكن مش مهم

2- بالنسبة للاير باك بتفتح عند خبطات جامده و لا مع حاجات بسيطة ولما بتفتح تكلفة اصلاحها كام

3- بالنسبة للاكصدام هل وراه فوم يستحمل الترييح و الخبطات البسيطة من غير ما يتكسر زي الالنترا و اللنسر و الباركنج سنسور لو حد ريح عليك في اشارة او في ركنة ممكن يبوظ

ارجو الافادة كالعادة و استنوا التقييم ان شاء الله بعد الاستلام الشهر الجاي

منور ياباشا ....وان شاء الله تستلم الجينـــا على خير

وبخصوص التخفيض ليه ماسالتناش من الاول

حضرتك من غير وجع الدماغ دا كله ... ومن غير عربيتين وتلاته

حضرتك تروح لاستاذ/محسن صالح(الصحراوى) وهتاخد خصم 3000 على طول .... ولو ناوى فعلا ممكن احاول اخليه ينزلك شويه كمان (دا لو ناوى على 3 عربيات)


الاسئله بقى

1- سالت م/امر....وقالى ماينفعش لان التوكيل مايقدرش يزود حاجه على اللى بينزل استندرد فى العربيه ....قولتله بس العربيه مجهزه لكده .... فغير الموضوع ساعتها

بس استنى ممكن اسالك تانى ...ولو فعلا مو 2009 نازل مجهز بكده ...يبقى ان شاء الله ينفع ...وابقى اعملها معاك ان شاء الله:k49:

2-لا الاير باج بيفتح فى الخبطات الجامده وخصوصا لو من قدام ....والتكلفه معرفهاش الاخوه البروتوناويه هيفيدوك اكتر منى...

3-الاكصدام جميل جدا وانا كذا مره حد يخبطنى مش يريح عليا والحمد لله مش بيحصل حاجه...والسينسور مش بيحصله حاجه كمان.


ربنا يوفقك للخير ان شاء الله ...وتستلم الجميله على خير بإذن الله

ولو عندك اى استفسار .... انا تحت امرك

تحيــــاتـــى

انا متشكر جدا علي سرعة الرد دي
و بالنسبة للمثبت انا اعتقد ان لو كنا مجموعة و روحنا للتوكيل حنقدر نعملها............

الوسائد الهوائية ....... تكلفتها عالية و سمعت أن ممكن التكلفة توصل ل 20 ألف و الله أعلم .
و هي بتفتح من خبطة جامدة و أعتقد أن الخبطة لازم تعدي الأكصدام علشان الوسائد تفتح .

و زي ما قال الأخ الجميل ... أيمن
أتصل بفرع الصحراوي و شوف أيه النظام و إن شاء الله تأخد تخفيض كويس .

بالنسبة للأكصدام . و صاج العربية عموما
الحتة دي متقلقش منها أبدا إن شاء الله .
أنا عربية نوبيرا دخلت في عربيتي من ورا و من شدة الخبطة قلت ده أنا هانزل ألاقي الأكصدام في الباي باي .
نزلت و لقت الأكصدام الحمد لله و بفضل الله .سليم تماما و حتى ما تخربش ....
و النوبيرا حصل فيها شرخ بسيط .

بالنسبة لمثبت السرعة .
أدام ضفيرة الكهرباء مُجهزة لذلك .
فلا يوجد أدني مشكلة من تركيبه بس المهم أن التوكيل يوافق علشان الضمان .
لأنك لو ركبته خارج التوكيل ....... و التوكيل مش موافق ....... هايخرج الضفيرة من الضمان .
و بيني و بينك هو المثبت مفيد في السفر بس .
غير كدا ملوش أي لزمة .

المشاركة الأصلية كتبت بواسطة tutankhamoun

الوسائد الهوائية ....... تكلفتها عالية و سمعت أن ممكن التكلفة توصل ل 20 ألف و الله أعلم .
و هي بتفتح من خبطة جامدة و أعتقد أن الخبطة لازم تعدي الأكصدام علشان الوسائد تفتح .

و زي ما قال الأخ الجميل ... أيمن
أتصل بفرع الصحراوي و شوف أيه النظام و إن شاء الله تأخد تخفيض كويس .

بالنسبة للأكصدام . و صاج العربية عموما
الحتة دي متقلقش منها أبدا إن شاء الله .
أنا عربية نوبيرا دخلت في عربيتي من ورا و من شدة الخبطة قلت ده أنا هانزل ألاقي الأكصدام في الباي باي .
نزلت و لقت الأكصدام الحمد لله و بفضل الله .سليم تماما و حتى ما تخربش ....
و النوبيرا حصل فيها شرخ بسيط .

بالنسبة لمثبت السرعة .
أدام ضفيرة الكهرباء مُجهزة لذلك .
فلا يوجد أدني مشكلة من تركيبه بس المهم أن التوكيل يوافق علشان الضمان .
لأنك لو ركبته خارج التوكيل ....... و التوكيل مش موافق ....... هايخرج الضفيرة من الضمان .
و بيني و بينك هو المثبت مفيد في السفر بس .
غير كدا ملوش أي لزمة .

استاذ توت ازيك
يارب تكون بخير
انا كنت عايز اسائلك فى موضوع تزييق او تقطقة العفشة عندى
فى البيرسونا ممكن تدلنى اعمل ايه بما انك خبرة ماشاء الله
أسامة شحاتة

المشاركة الأصلية كتبت بواسطة amecath

استاذ توت ازيك
يارب تكون بخير
انا كنت عايز اسائلك فى موضوع تزييق او تقطقة العفشة عندى
فى البيرسونا ممكن تدلنى اعمل ايه بما انك خبرة ماشاء الله
أسامة شحاتة

أخي الفاضل أسامة يارب دائما تكون بخير .
بُص يا باشا بالنسبة للصوت الصادر من العفشة ده لازم أسمعه أو حتى توصفه وصف أدق علشان اقدر أفيدك .

أنا عندي مفيش أصوات بسمعها غير لما أكون ماشي في حتة مكسرة .
ألاقي التابلوه بدأ يعمل صوت تزييق خفيف و هو صوت مش ظريف عامل زي ما يكون حاجات بلاستيك بتخبط في بعض .
إنما على أي طريق سليم ... مفيش أي مشكلة .و مفيش أي صوت .
أما العفشة ....... مش بسمع منها صوت لا في طرق مكسرة أو غيرها .
بس أنا هاحاول أركز أكتر مع الأصوات لو فيه حاجة ظهرت ....

و ممكن يكون حل مشكلتك هو تربيط عفشة مش أكتر . و الله أعلم .
و بالتوفيق يا أخي إن شاء الله

المشاركة الأصلية كتبت بواسطة tutankhamoun

أخي الفاضل أسامة يارب دائما تكون بخير .
بُص يا باشا بالنسبة للصوت الصادر من العفشة ده لازم أسمعه أو حتى توصفه وصف أدق علشان اقدر أفيدك .

أنا عندي مفيش أصوات بسمعها غير لما أكون ماشي في حتة مكسرة .
ألاقي التابلوه بدأ يعمل صوت تزييق خفيف و هو صوت مش ظريف عامل زي ما يكون حاجات بلاستيك بتخبط في بعض .
إنما على أي طريق سليم ... مفيش أي مشكلة .و مفيش أي صوت .
أما العفشة ....... مش بسمع منها صوت لا في طرق مكسرة أو غيرها .
بس أنا هاحاول أركز أكتر مع الأصوات لو فيه حاجة ظهرت ....

و ممكن يكون حل مشكلتك هو تربيط عفشة مش أكتر . و الله أعلم .
و بالتوفيق يا أخي إن شاء الله

السلام عليكم و رحمة الله و بركاته
أنا أكتشفت يا جماعة مكان ظهور الصوت الخاص بالتزييق اللي بيظهر في التابلوه عند السير على طرق مكسرة .

أمبارح كنت ماشي بالعربية على طريق مدشدش بجد و الصوت بدأ يظهر .....
مع التركيز .......
لقيت الصوت خارج من فتحة التكييف اللي في النص ....
مسكتها بأيدي .... الصوت أختفى .
عدلت وضعها و بعدين سيبتها .....
الصوت أختفى .......

جربوا كدا و شوفوا الوضع أيه معاكوا

المشاركة الأصلية كتبت بواسطة tutankhamoun

السلام عليكم و رحمة الله و بركاته
أنا أكتشفت يا جماعة مكان ظهور الصوت الخاص بالتزييق اللي بيظهر في التابلوه عند السير على طرق مكسرة .

أمبارح كنت ماشي بالعربية على طريق مدشدش بجد و الصوت بدأ يظهر .....
مع التركيز .......
لقيت الصوت خارج من فتحة التكييف اللي في النص ....
مسكتها بأيدي .... الصوت أختفى .
عدلت وضعها و بعدين سيبتها .....
الصوت أختفى .......

جربوا كدا و شوفوا الوضع أيه معاكوا

وعليكم السلام ...استاذنـــا/تـــوت:k49:

جزاك الله كل خير ...

والف شكر على جهدك فى مساعدة الناس .... وربنا يجعله فى ميزان حسناتك ان شاء الله

تحياتـنـا ياكبيـــر