السلام عليكم انا كنت في مركز الصيانه وقطع الغيار للاسبرانزا امس واكدوا لي ان قريب جدا حتنزل التيجو 1600 والسعر حيكون مفاجأة مش عارف كلامهم صحيح ولا ايه
عرض للطباعة
السلام عليكم انا كنت في مركز الصيانه وقطع الغيار للاسبرانزا امس واكدوا لي ان قريب جدا حتنزل التيجو 1600 والسعر حيكون مفاجأة مش عارف كلامهم صحيح ولا ايه
عزيزى الفاضل
الكلام صحيح
انا متابعها من 4 شهور
هتكون من 80 الف حتى 85 الف
العربية نازلة شعر 7 الجاى
ربنا يستر وميكونش فى مفاجات
شهر سبعه بعيد قوي نازله شهر 6 و مانيوال بس مفيش اتوماتيك
غاده ابو الفتوح تاكد الكلام في الاهرام للسيارات اليوم الجمعه التيجو 1600 نازله الشهر القادم ومانيوال بس مش اتوماتيك
انا بكره العربيات الصينى يارب ماتنزل":T_thum1[1]:
لية بس حنرجع لمشكلة العربيات الصينى.... العالم كلة غرقان منتجات صينية ودى مشكلة عرض وطلب
وبالمناسبة لجوء اغلب الشعب المصرى للمنتجات الصينى مش حبا فيها ولكن علشان جشع تجار السيارات الكورى واليابانى وشوفو توكيل زى ديهاتسوا منزلش جنية فى تمن اى عربية رغم المشاكل العالمية؟؟؟؟
وبالتالى لازم اروح لعربية رخيصة بالرغم من مشاكلها
تيجو ايه اللى انت جايه تقول عليه
انت عارف قبلا معنى التيجو ايه؟
ايييييه
كان يامكان فى سالف العصر والزمان
شركة صينيه اسمها شيرى
نزلت عربيات هنا فى مصر وطبعا من العربيات الفاشله على المدى البعيد ولم تحقق اى نجاح
وبعدين لما دايو العالميه اتباعت اصبح مصنع دايو هنا فى مصر مش لاقى حاجة يصنعها
فقرروا يعملوا العربيه الشيرى وعشان سمعتها السيئه غيروا اسمها من شيرى الى اسبرانزا
و اعتقد ان اسبرانزا مش ناجحه قوى عشان تقارنها باوبترا
واسأل اى حد ركب عربيه اسبرانزا وبعدين ركب عربيه تانيه
هيقولك انه ماكانش راكب عربيه اصلا
بالرغم مميزات التيجو طبعا ماقدرش اقول عليها حاجة
بس ممكن تجيب ماتريكس مثلا وتبقى مسكت العصايا من النص
عريبه واسعه وعائليه وعاليه عن الارض
واسمها برضوا هيونداى
محدش مجبر ان يشترى عربية سعرها بيقل 10 الاف عند اعادة البيع
ومحدش مجبر ان يركب عربية مشاكلها كتيرة علشان سعرها القليل
اللى هوفروا هدفعوا صيانة
ممكن حد من اللى بيهاجموا الاسبرنزا يشرح لى جربها ازاى وامتى وهل امتلك واحده منها علشان يحكم عليها ولا لأ
واللى بيشرك فى اى عربية تانية برضو نفس الاساله من فضلكم يجاوبنى عليها
فى الاول بس احب اقولك انى مش بهاجم انا بقول وجهة نظر وبعقب على احد الزملاء
ثانيا انا شوفت ال 516 مع واحد صحبى حوت جرى بس انا مش مع ان العربية اخسر فيها 10 الاف بعدها بسنة - وانا مش متخصص عشان اتناقش فى عيوب او مشاكل لان فى ناس اكثر كفاءة منى مليون مرة
وفى الاخر دى اراء واذواق
يا جماعة بس بالراحة
إنتم حتعيدوا الجدل من جديد في موضوع معاد ومكرر
والأهم إنه واضح وضوح الشمس بس أحيانا البعض بيحب يوضح إنه خبير أوي في بعض الأمور إن لم يكن كلها
ألا وهو الإنتاج الصيني
وعلي فكرة بقي لو سمحتم المنتج الصيني من أذكي المنتجات بمعني انه بيتكيف تماما مع كل سوق بينزل فيه حسب رغبتة السوق وده مش متوفر إطلااقا في أي منتج آخر وده مش عيب زي مالبعض يظن يعني في أمريكا مثلا المنتج الصيني ينافس الأمريكي في جودته وأرخص منه وفي الشرق الأوسط ينافس الياباني وأرخص منه وإن قلت جودته قل سعره قدر جودته والعكس صحيح فكم من منتجات صينية إليكترونية أكثر من رائعة وأرخص من الياباني بكثير المهم ان كلٌ له زبونه
السؤال هنا إحنا عمالين نتفنن في تحليل منتجات البلد الفلاني والدولة الفلانية ودي خاماتها كويسة ودي رديئة... إلخ طب لما إحنا كده وصلنا لهذه المرحلة من الخبرة العالية التي جعلتنا نتخطي كافة المقاييس لنصل لأعلي مقياس وهو التقييم
فين بقي إنتاجنا إحنا اللي مفروض يتسم بعصارة الخبرات دي كلها والمفروض طبعا إنه يكون أعلي جودة !!!؟؟؟
للأسف الإجابة مخجلة جدا
لاشيء
هل حد يعرف لماذا؟؟
لأننا لا نعرف شيء سوي الإستهلاك ثم الإستهلاك ثم اٍلإستهلاك فقط لاغير ولم نربي فينا ملكة الإبتكار
دون الدخول في أسباب ذلك فالتجربة معروفة في السيارة رمسيس إن كان هناك من يسمع عنها
هل كان هناك من يهتم بها ويطورها إن كانت الإجابة نعم لصارت الآن من علامات الأمة العربية لكن إعتمدنا علي غيرنا ليفكروا لنا
فالذي يعيب علي السيارات الصيني أقول إن منها الرديء فعلا ولكن ليس لأنه صيني بالعكس فمنها من فاقت جودته الياباني وبشهادة الكثيرين ممن خاض التجربة
انا لا أحبط العزيمة لكني فعلا حزين حزين جدا علي أمتنا التي كانت مثال للحضارة والفكر الراقي أن تصبح سوق تصريف منتجات الأخرين ولا إنتاج لنا والأدهي اننا صرنا لا نستطيع الإستغناء عن منتجات الآخرين فلم لم نجرب انا نعتمد علي أنفسنا وحدنا؟؟
فيجب انا يبدأ كل منا بالمحاولة في تطوير طريقة التفكير أصلا لربما نخطوا خطوات في طريق الكرامة او علي الأقل نقلد فكر الصين في التنمية فهم لم يبداو الطريق من النهاية ومثال ذلك كوريا كانت ليس لها في الطور ولا الطحين والآن تنافس الياباني ومثال ذلك هيونداي التي كانت تقليد لهوندا
التيجو 1600 نازله الشهر القادم و مانيوال بس مفيش اتوماتيك انا كنت في التوكيل النهارده و اكدو المعلومه متهيألي الاتوماتيك احسن ولا ايه رايكم
اكيد هيعلنوا عليها في المعرض وهنعرف السعر اللي مش هتوقع انة يزيد عن 85000.
عيب الصيني عوامل الامان, مش موجودة, و اللي عايز يعرف يبحث على الانترنت و ايدور على اختبارات الامان
اعتقد اللى حاصل فى السوق دلوقتى بيقول ان رغم انف كل المشككين والمعترضين ارضية الصينى فى السوق بتزيد بمعدل سريع جدا
والكلام ده حصل فى السوق المصرية قبل كده مرتين لو تفتكروا
اول مرة فى منتصف السبعينات وهجوم اليابانى
وبعد كده فى اواخر الثمانينات فى هجوم الكورى
ونفس الكلام اتقال ويمكن اكتر والخوف والتشكيك
وبعدين فى الاخر حصل ايه
اليبانى وصل سعره للسما بل يمكن هو فى سوقنا دلوقتى اغلى عربية
والكورى لو تتزكروا اللانوس كانت جيدة ب 37 الف سنة 99 دلوقتى نفس الموديل بيتباع بعد ما طلع عينه حوادث ومشى وخلافة ب 40 وب 45 الف
يعنى الكلام عن الصينى كلام زى اى كلام المهم الواقع
ان خلال سنتين على الاكثر مش هتلاقوا غير الصينى بس بعد ما سعره ما يكون وصل السما
وبكره نشوف
طب هو التيجو 1600 هى هى شكل التيجو 2000 ولا فى اختلاف
نفس البودى والكمليات كلها ما عدا فتحة السقف فقط وما فيهاش سى دى تشانجر
بالمناسبة لسة امبارح الاخبار منزلة العرض الجديد للعربية وان منها اتوماتيك
بس عايز واحد ثقة ومعاة العربية ياكد او ينفى مشكلة العفشة لانى سمعت الموضوع من كذا واحد
انا معايا اسبيرانزا من سنة وحالتها زى ماهى مافيش مشاكل فى العفشة ولا الماتور والمشكلة الوحيدة الىقابلتنى كانت الترموستات واتغيرت فى نفس اليوم ز نفسى الى بيتكلم عن العربية يجربها الاول او يصمت
ياخوانا العربيه دى اثبتت وجودها فى السوق الكورى اول ما نزل كان كده وعلى ايدى ابو الفتوح برضو
على العموم يا جماعة ربنا يخلى جهاز حماية المستهلك
التيجو 1600 نزلت واستلام خلال شهر بس مانيوال فقط ولا يوجد اتوماتيك و السعر 79900
مستنين تقرير اول واحد يجرب العربية ويقولنا راية اية
وربنا يوفق الجميع...... بالمناسبة العربية بدات اشوفها كتير فى الشارع
شباب ممكن حد يأكد موضوع السعر لو تكرمتم ضرورى جدا لأنى خارج مصر
لأن الموزع المعتمد اللى متفق معاه بيقول 82000 مش 80000
اكون شاكر جدا لو حد افاد بخصوص هذا الموضوع
و لكم خالص تحياتى
فيه نقطتين أحب أعقب عليهم .
النقطة الأولى أن أي عربية في الدنيا لو أشتريتها النهاردة ب 100 ألف و قعدت سنة معايا هاخسر فيها 10 الاف جنيه و ده طبيعي .
ما أنا مش هاروح أشتري عربية بقالها سنة في الشارع و بأقل من كدا ؟؟
أيا كانت صيني أو كوري أو ياباني أو الماني أو أيطالي .
أي عربية بتسخر في اعادة البيع و 10 الاف دول أقل واجب اي عربية تخسرهم .
النقطة التانية
الهيونداي مش تقليد هوندا اطلاقا .
و هيونداي تم تأسيسها قبل هوندا