انا سمعت ان فيه تعديلات كبيرة فى ميدان الرماية
حد مشى هناك يقدر يوضحها
او يوصف لو عايز اروح من فيصل لطريق الفيوم امشى ازاى
عرض للطباعة
انا سمعت ان فيه تعديلات كبيرة فى ميدان الرماية
حد مشى هناك يقدر يوضحها
او يوصف لو عايز اروح من فيصل لطريق الفيوم امشى ازاى
عادي هتمشي من فيصل وتدخل يمين من اخر فيصل وهتقف فى إشارة إلكترونية لمدة دقيقة وبعدين تلاقى الطريق اتفتح أدامك على الفيوم على طول مافيش اى تعديلات على اتجاه فيصل الفيوم
امال ايه حكاية التعديلات دى يا باشا طيب
المرور بيوزع زي بروشورز كدا فيها تعديلات ميدان الرمايه كلها
لو ممكن حد يرفعها ب scanner هتبقى جميله
هو من فيصل الطريق زي ما هو .
مش هتلاقي الصينية وهتكمل على طول.
ودخلة الأسكندرية اتلغت وقدموها حوالي 150متر .
أما القادم من شارع الهرم عند مشعل اتجاه إجباري يمين ويدخل على فيصل ويكمل .
أصبح من مشعل لغاية الرماية من فيصل في إتجاه الفيوم وأكتوبر .
والعائد من الفيوم واكتوبر يتجه من الرماية في اتجاه شارع الهرم ومنه حتى مشعل إتجاه واحد .
مش عارف أنا أفدت حضرتك ولا توهتك .
الخلاصة لو إنت عارف طريق فيصل من البداية هو زي ما هو في الذهاب ويختلف في العودة .
بس هو منظم جداً وإشارة إلكترونية وحاجة حلوة .