الموضوع: بخصوص الهندسة الخاصة

بص يا باشا .. او حاجة متيأسش من الدراسة .. انا جايب 99.7 في الثانوية العامة وكنت ببتدي مذاكرة في شهر 4 .. والله
انت علم رياضة.. من الخر قسم المواد بتاعتك علي ال30 يوم اللي فضلين بحيث تخلص اكبر قدر تقدر عليه
ناخد الموضوع بالراحة.. عندك خمس مواد .. و30 يوم
العربي مبدأبن انساه دلوقتي لأنه اول مادة ..
مبدأيا المفروض تعمل جدول .. شوف انت مذاكر ايه في المواد واكتر مادة انت كويس فيه ؟.
تاني حاجة .. جدول امتحناتك ايه والفترات اللي قبل كل مادة؟

1-بص بقي .. عندك الفيزياء خمس ابواب .. من (1:3) خدهم في 3 ايام .. والرابع 3 ايام .. والخامس يومين .. قشطة (منتا هتطحن نفسك بقي)

2-الانجليزي (4 ايام بكتيروا اوي) (كل يوم 4 unit و 2 chapters
3-والرياضة (خدلها 8 ايام كمان زي الفيزياء او عشرة وشيل ايام من المادة الادبي)
4-المادة الادبي (اكيد قبلها فترة كبيرة قبل الامتحان فيأما تاخدلها اربع ايام .. يأما خلص اكبر قدر منها في يومين والباقي خلصوا في الفترة اللي قبل الامتحان وتوفر اليومين دول للفيزياء او الرياضة او اي مادة صعبة )
5-العربي (ال8 ايام اللي قبل المتحان يا بوب وشكرا ولو حكمت نفض للأدب خالص انا عن نفسي العربي ممكن اخلصوا في 6 ايام بس بس خليك 8 عشان تضمنوا)


الرياضة والفيزياء بدون اي افتائات حل اسئلة المتاب ودليل التقويم بس .. الامتحان مش بيخرج خالص عنهم)
دا جدول كدا مبدأي لأن انا معرفش جدول امتحناتك ولا انت مذاكر ايه وايه لأ ولا قدرات استيعابك..
بس اللي لاوم تفهموا ان في امل طالما في وقت .. دا لأوم تقتنع في كدا ..
وعلي الجدول دا لو اخلصت فيه وشديت خامد علي نفسك بأذن الله مش هتقل عن 85 في اصعب الحالات .. مش هقللك 90 يا عم ..

بس اهم حاجة تكون راجل وعندك عزيمة واعرف انك بتحارب عشان مستقبلك..

ولو احتجت حاجة او جدول.. ابعتلي بس جدول امتحانك وايه اللي مذاكروا وايه اللي بتحبو وايه اللي منفضلوا ..
وربنا يعينك

بص يا فادي باشا .. بعد مشفت جدولك بجد جدولك حلو اوي يا رراجل عيب عليك دانت تجيب فوق التسعين مستريح كمان .. اومال لو قلتلك جدولي كان عامل ازاي هتعمل ايه .. بص بقي
معني كلامك ان من النهاردة انت فاضلك 33 يوم علي الامتحان .. قول هتبتدي من بكرا .. يبقي انت قدامك 32 يوم ..

بما ان الفيزياء قدامها 8 ايام يبقي حلو اوي دانت لو مذكرتهاش خالص هتذاكرها (للمعلومة فقط انا الفيزياء كان فضلي الكهربية والفصل الخامس بتاع الفيزياء الحديثة وفتحهم في الفترة اللي قبل الامتحان وكانت 5 ايام بس . وجبت 48 وتعبت اصلا في الجنة وجالي هبوط اليوم دا والحمد لله رغم كدا 48) فاياك تيأس

اسمع بقي:
نبتدي بالرياضة لأنها هي التقيل :
بما انك مذاكر تفاضل وجبر.. ابتدي فراغية وميكانيكا واستاتيكة .. خدلهم 5 ايام .. بعد كده راجع اللتفاضل والجبر في يوم مثلا لأنها رياضة مفهاش دش.. وخدلك يومين بتحل مسأل الكتاب بتاع المدرسة بالذات الامثلة المحلولة ... وحل دليل التقويم
طبعا مش لازم تمشي بالحرف علي الكلام دا . لأنك اكيد وانت بتذاكر الميكانيكا مثلا هتحل مسأل .. فحل من الكتب دي علي طول بدل متضيع وقت ..
كدا يبقي الرياضة كام يوم (8)

علم النفس:
4 ايام كفاية اوي علي المادة دي لأنها هيفا .. اعتقد ان اصعب حاجة الاجتماع ومش صعب اوي .. ولو احتجت فيها مراجعة راجعها في يوم بس راجع الحاجات الصعبة بس مش الكتاب كله عشان تركز علي اللي ناقصك بس..
كدا يبقي علم النفس (4 او5)

الانجليزي:
يتاخد علي اربع ايام حلو اوي كل يوم (4 وحدات وفصلين قصة )
الاربع وحدات كل وحدة سعتين حلو اوي .. وتحل عليها اسئلة .. الوحدة اصلا حبيت كلمات علي grammar .. ومن اول الوحدة ال11 علي ماعتقد مفيش grammar>>
وبعد متخلص ال4 ايام ل محتاج يوم زيادة خد اوك .. ولو ان من رأيي خد يوم تحل فيه امتحنات عشان القطعة كمان والاختيارات..
كدا الانجليزي بقي (5 ايام)

الفيزياء:
دي هتتوقف علي انت مذاكر ايه فيها .. ومستواك في العربي عشان ممكن تاخد ايام من اي مادة وتحطها في الفيزياء
بص ممكن لو قلنا العربي هتديلوا عشر ايام يتبقي ليك من 32 يوم 4 ايام بس للفيزياء .. سعتها بقي هتذاكر كهربية والفصل الاول بس ..
وانت اصلا عندك قبل الامتحان 8 ايام هتاخد فيهم الخامس اول حاجة وبعدين الثالث والتاني.. هيخدو منك خمس ايام ويبقي عندك تلت ايام تراجع الكهربية والباب الاول .. ودا حلو اوي .. بس معني كدا انك هتفرم نفسك في الاربع ايام بتوع الفيزياء عشان تبقي مخلص الكهربية بضمير..

وممكن تشيل يومين من العربي وتخليهم في الفيزياء .. ويبقي عندك ست ايام .. وفي الحالة دي هتخلص الكهربية والباب الاول والتالت او الخامس .. اختار واحد وكدا كدا هتسيب التاني لأيام الامتحان .. ولو ان من رأيي خد الخامس لأن التاني والتالت مرتبطين نوعا ما ببعض ..

ملحوظة : مش معني كلامي انك في الفيزياء هترمي البيبان دي لأيان الامتحان .. لأ علي الاقل تقراها ولو مرة عشان يبقي عندك فكرة عنها .. متبقاش مسح فيها عشان متتفجئش بحاجة قبل الامتحان
كدا الفيزياء (4 او 6)

العربي:
زي مقلنا متوقف علي الفيزياء .. تنت هتبتدي كن يوم 3\6 او 5\6 علي حسب الفيزياء..
بص مبدأيا النصوص 3 ايام بكتيرها
القراءة 4 ايام
الادب نفضلوا لو مذكرتوش ولو اني مبحبش حد يدخل المتحان نقصوا حاجة .. عموما شوف لو تعرف تاخد فيه حاجة خد .. لو متعرفش نفض
النحو يوم كامل تراجع القواعد .. وتقعد تحل اصلا كل يوم من ايام العربي قطعة نحو كاملة .. يعني مفروض في 8 ايام بتمن قطع .. واليوم لخير دا لوحدو عايزلو 7 .. يعني مش اقل من 15 قطعة عشان تبقي حاكم نفسك ومتدرب علي كل حاجة ..

وتتوكل علي الله وتدخل اللجنة ورنا يعينك

حط الحاجات دي بقي في دماغك:
1- قبل متبتدي المذاكرة تتوضي ولو تصلي ركعتين عشان ربنا يباركلك ..(دا كل يوم قبل متبتدب) وتقول دعاء المذاكرة.
2- اوي تزعل والدك او ولدتك ..
3- اياك اياك من الاستهتار لأن دي اخر فرصة .. ولو ضاعت ...شكرا
4- اياك واليأس .. انت الحمد لله جدولك كويس لازم تقنع نفسك حتي بكدا لو هو وحش .. وانت قدراتك كويسة .. ومتسمعش كلام حد .. واسأل مجرب.. طول مفي وقت يعني في امل .. وزي مقلتلك افتكر انت ممكن تنفص كام درجة هتلاقي الموضوع سهل .. وشيل فكرة انك اتظلمت دي من دماغك.. السنادي حاجة تانية ..
5- لازم تعرف انك بتحارب عشان مستقبلك فابذل اقصي ماتستطيع.
6- خلي عندك ثقة في قدراتك .. ومفيش حاجة اسمها مادة صعبة .. حب المادة اللي بتذاكرها هتلاقيها سهلة .
ولو حاجة وقفت معاك فتتها وهدي نفسك وبعدين ذاكرها .. لو حسيت بالملل او اليأس او مادة رخمة انزل اتمشي شواية وصلي ركعتين وابتدي ذاكر تاني



وربنا يوفقك .. لعلمك انت قدها .. بس هل هتعرف تكون راجل مع نفسك .. انت اللي هتجواب علي السؤال دا .. !