طريق الإسكندرية الأجزاء الجديدة منه زى الفل، أسفلت حرير والسرعة كام؟؟؟؟
تفتكر هل يتم وضع رادار مثل المحور ولا لو اتساب كده ايه الناس هاتمشي على كام؟
عرض للطباعة
طريق الإسكندرية الأجزاء الجديدة منه زى الفل، أسفلت حرير والسرعة كام؟؟؟؟
تفتكر هل يتم وضع رادار مثل المحور ولا لو اتساب كده ايه الناس هاتمشي على كام؟
لازم رادار والا كالعادة هتلاقى سباق سيارات عالطريق والحوادث حدث ولا حرج
انا كل الي اعرفه ان الحاره الشمال هتبقي من120 وانت نازل 140 يعني كل حاره لها سرعه محدده ماعدا اخر حاره من علي الشمال
ردار اية وزفت اية مرة مسكونى 105 !!! ولاد ال............
وبعدين اللى بيجرى بيجرى لا مستنى رادار ولا نيلة !
انت عارفين ان في طريق دولي في الكويت الحد الادني للسرعة علية 120 و الاعلي 160 في رايي هو ده الصح و تخيلوا بقي اللي يمشي عليه اقل من 120 يتخالف بيقولك استخدم الطرق الداخلية طالما هتمشي بسرعات منخفضة
بس بجد ياجماعه الطريق ده هيبقي حكايه يعني لما بتمشي 140 مبتحسش اصلا انك بتجري الطريق بقا ناعم جدااااااا
الطريق بقى تحقة بس انا استعملت من ناس كبار فى البلد وكدة وقالولى ان الطريق هيبقى سرعتة محددة
وكمان هما بيعملو طريق تانى ولو تلاحظو هتلاقو الطريق التانى على اليمين وشغالين فية
ودة هيكون مفتوح السرعات مش محدد خالص ودة هيكون طريق لوحدة وكارتة لوحدها وهتكون غالبا ب 25 جنية
الطريق هيكون مثل طريق العين السخنه بالظبط
اقصي سرعه 120
وهتكون بوابه الكارته بتاعه القاهره عن السلمانيه يعني في الكيلو 60 تقريبا
ده اللي مستقرين عليه حتي الأن وطبعا يمكن التعديل في اي وقت
بجد الطريق الجديد ده مشكله بقى طريق عالمى و الله و يا سلام بقى بليل تحس انك ماشى فى ممر طياره الطريق اسفلت رائع جدا جدا و الله بليل ماشى 160 و لا حاسس انى ماشى اصلا
من مدة كدة كنت فى اسكندية مع ابن خالتى وكان فى حتت خلصت منة وماشين 100 احساس فظيع بالملل تحس انك لازم تنام او تمشى بسرعة اعتقد دى هتبقى اكبر مشكلة احنا خلاص اتعودنا على مطبات الهوا والنقر كدة مينفعش
كارته ب 25 جنيه!!! هل ده شامل تأشيرة دخول اسكندرية و تصريح العمل و هل السعر يختلف لو رايح سياحة أو مصيف مش مهاجر!!!!!!!!!
بجد يا جماعة اللي بتقولوه ده الكارته هتبئى ب 25 جنيه!!!!!!!
الله يكون في عون الغلابة!!!!!!!
يا خبر انهاردة بفلوس بكرة يبقى ببلاش
فعلاً , أنا كنت مسافر على طريق مصر أسكندرية من حوالى شهر تقريباً
المرور كان بيحول كل العربيات النقل التقيل على طريق الخدمات اللى على اليمين بس كان مليان تراب
اهو الطريق اللى كله تراب ده شوف عمل فيا ايه
http://www.nilemotors.net/Nile/showthread.php?t=80085
كارتة ب 25 جنيه حاجة فعلا تقرف ايه الاستغلال ده ؟؟؟؟كمان علشان تمشي بسرعة لازم تدفع للاسف كله عايز فلوس وازاي تبتز المواطن والله ياجماعة ممكن تيجي فترة يقولولك ادفع ضريبة تنفس على الهواء اللي بنتنفسه ........
لنا الله فعلا وعلشان طريق زي ده عامليين نهللل ده الطريق الدائري في ماليزيا 5 حارات ويعتبر طريق عالمي ان شاء الله ممكن يتعمل عندنا بعد ملييييييييييون سنة