الساعة بشتغل و الجهاز مطفى
بس اضاءتها خافتة
انا رحت ارخصهم فى التوفيقيه بعد عناء من الزحمه....المهم دخلت لايت شب متدين ومحترم....سئلت عن ال dst قالى الحقيقه هو خلصان....جالى صدمه....المهم حمدت ربنا طبعا على كل شىء....الكاسيت قالى انه ب 225.....والدفعه الجديده جايه كمان اخر الشهر ان شاء الله....لايت عنده نوع اسمه ادريان....ب 350 بس معجبنيش شكله...
اول حاجة انا بشكر الى عمل الموضوع والشباب كمان الى شاركت فيه بجد الله ينور عليكوا
تاني حاجة انا عندي راديو ياباني بتاع بلاده يعني .... المهم مكنش بيجيب اذاعة ال fm كان يجيب اذاعة القرأن الكريم و الشباب والرياضه ويجي على نجوم fm وميجبهاش معرفش ليه المهم قررت اشتري هذا المدعو المتسوبيشي c62 (بالصدفة النوع ده الى وقع في ايدي اي حاجة يعني اصل العبد لله من النوع الى بيمشي في نور الله بيدعي ويقول يارب وانا وحظي يعني ) المهم من خلال متابعتي للموضوع الطويل اووووووووي وكماااااان اوي والشيق لاحظت ان في ناس بتقول ان تظبيط المحطات وتثبيتها بيروح مع تبطيل السيارة وبيعيدوا تظبيطها من جديد .... انا لسه مركبتش الكاسيت دا وعايز اركبه صح فقلقان من حكاية التظبيط دي مع العلم ان الراديو القديم كان بيتشغل مع التدوير من الكونتاك وبيفصل لما بفصل انا عارف ان ردي اطول من الموضوع نفسه
اقولكوا بقي مواصفات الجهاز :
1 - بيخرج اربع سماعات
2 - usb
3 - Memory card
4 - Aux مع ان مش عارف ايه ال AUX ده بس لاقيتكوا مهتمين بيه ياريت تبقوا تقولولنا ايه اهميته
5 - بيدعم ال mp3 و WMA
6- calender
7 - ب 170 جنيه من التوفيقيه
الخصلكوم الاسئلة بقي :
1 - ايه نظام حفظ المعلومات مع العلم ان الدايرة متوصلة تقريبا مع الكونتاك على اد علمي يعني؟
2- ايه هوا ال aux ?
3 - تقليب الفولدرات ايه بردوا نظامه ؟
4- مكتوب في الكاتلوج ان السلك الاصفر يتوصل للبطاريه هل ده معناه ان الكاسيت هيفضل يسحب من البطارية طول ما انا مبطل العربية ومش مشغل الكاسيت على اساس انه بيسحب للساعة وكده يعني لو كده يبقي ايه الحل ؟
5 - ايه الى gm ده وبيركب ازاي و هل بيركب على لكاسيت ده ولا لا ؟
6 - ايه الاكولايزر ده واعرف منين ان كان موجود في الكاسيت ده ولا لا وايه اهمبته ؟
7 - ايه حكاية الراديو الى مبيجبشي اذاعة ال نجوم fm ( يمكن عشان الكاسيت ده موديل 82 )
رد طويل اوي بس ممكن بي اسئلتي دي واجوبتكم عليها تريح ناس كتير ومتتعبشي زي في قراءة كل الموضوع ده وبشكركوا مقدما وعموما لما اركب الجهاز هبقي اشوف ايه نظامه معايا واقلكوا عليه
الإجابة
1- نظام حفظ المعلومات هو عبارة عن سلك أصفر خارج من الكاسيت وبيتوصل مباشر بالبطارية ( مش بيسحب كتير زي ما حضرتك فاهم ) .
2- aux هو عبارة عن مدخل يشبة جاك سماعة الكمبيوتر وممكن توصل بيه موبايل أو أي صوت خارجي ( دخل مش خرج ) .
3-الله أعلم .
4- الجي إم عبارة عن إمبليفاير ( مكبر صوت ) جامد جدا على حسب النوع
5-الإكوليزر عبارة عن مكبر و يعمل على تنغيم الصوت 7 باند مثلا
6- راديو محترم مش بيحب الرقص والأغاني هههههههههه
تجربتي مع هذه الأجهزة
اشتريت الجهاز ده
http://www.voelkner.de/products/145950/100-xl.jpg
http://www.voelkner.de/products/145950/200-xl.jpg
صوته نقي مجربة على القرآن فقط إني عندي حالة وفاة بس جميل والله
معلش نسيت السعر 270 جنيه
لا باذن الله مش هتندم و هتدعي لي
وياريت لو عندك كمان ايكولايزر او امبليفاير و صب ووفر ، يا خبر الدعوة هتبقي دوبل او تربل
علي فكرة الجهاز شاحح اوي لدرجة ان كذا واحد من اصحابي راحو يشتروه مش لاقينه والمحل (ارخصهم) يقولهم كمان اسبوع عليه سحب جامد اوي مشاء الله والجهاز داخل معايا في حوالي 8 شهور الله اكبر عليه زي الفل