لماذا كل هذا الإستخفاف

**MoToRiZeR** · 08-05-2009 05:50 PM

للأسف مصر لا يوجد بها صحافة سيارات علي الإطلاق
و كل الموجود من ملاحق و صحف و مجلات هي بوابات إعلانية مدفوعة الأجر لا غير

**KHALED AYMAN** · 08-05-2009 05:54 PM

ده طبعا غير..
كل العربيات تتميز بثبات فائق على مختلف انواع الطرق
و عفشه خدمه شاقه
تجهيزات خاصه للطرق المصريه
اعتماديه عاليه
اقل استهلاك وقود
وسائل امان عاليه
و العربيه حصلت على اعجاب ملاكها فى كل دول العالم ....
و كل المحركات جباره ..
موتور 70 حصان و يقولك جبار ..
و كلها اداء رياضى ..
عربيه من صفر ل 100 فى 14 ثانيه و بيقولك اداء رياضى ..
ده طبعا غير ان كل العربيات مفيهاش اى عيوب تصنيع و مصنعه من اجود الخامات ..
و كل العربيات ليها قطع غيار ..فى كل حته ...

كفايه عشان انا زهقت ...................

**نور العمر** · 08-05-2009 06:57 PM

ضحكتوني

بس مش مهم انهم يستخفوا بينا
المهم .. احنا منستخفش نفسنا
ونسيبهم يضحكوا علينا
وده دورنا نوعي بعض من خلال التجارب والخبرات المتداولة

**ainshouka** · 08-05-2009 10:19 PM

المشاركة الأصلية كتبت بواسطة نور العمر

ضحكتوني

بس مش مهم انهم يستخفوا بينا
المهم .. احنا منستخفش نفسنا
ونسيبهم يضحكوا علينا
وده دورنا نوعي بعض من خلال التجارب والخبرات المتداولة

أنا متفق على نفس الفكرة بس المشكلة أن مش كتير مننا خبراء فى القيادة عشان يقدر يقيم العربية اللى بيسوقها صح

واقصد بكلمة خبير انه يكون ساق عربيات كتير عشان يقدر يحكم مظبوط ودا صعب
ونجد كثير مننا ايضا يتكلم عن ان سيارة معينة يجيد المناورة بها بكفاءة ولكن لانعلم ماهى المناورة النموذجية التى نستطيع ان نحكم بها على كفاءة السيارة
ونقيس على ذلك كل الامكانيات الاخرى للسيارة

وحتى تظهر مثل هذه الإختبارات لا يبقى إلا أن نفيد بعضنا البعض من سابق خبراتنا

**MoToRiZeR** · 08-05-2009 10:32 PM

المشاركة الأصلية كتبت بواسطة khaled Ayman

تجهيزات خاصه للطرق المصريه

دي أكتر جملة بتستفزني !!
تجهيزات خاصة للطرق المصرية .. معمولة عشان مصر .. متصممة بالمللي لمصر !!

و إيه التجهيزات الخاصة دي متعرفش

**Lion_Heart** · 08-05-2009 10:45 PM

المشاركة الأصلية كتبت بواسطة MoToRiZeR

دي أكتر جملة بتستفزني !!
تجهيزات خاصة للطرق المصرية .. معمولة عشان مصر .. متصممة بالمللي لمصر !!

و إيه التجهيزات الخاصة دي متعرفش

ازاى ما تعرفش التجهيزات الخاصة !!!! هى اردأ مستوى جودة وامان و اى مواصفات ممكن تتقلل فى العربية دول لو طالوا يخلوها ب 3 عجلات بس كانوا عملوها .
للاسف كله ضحك على الدقون وللاسف كل العربيات اللى بتنزل مصر اقل من مثيلاتها فى اى دولة تانية و للاسف كل ده بناء على طلب الوكيل و كل ده عشان يوفر و يلهب جيوبنا بسعر أعلى من مثيلاتها بالدول الاخرى .

**Samah AbdAllah** · 08-05-2009 10:51 PM

دى اعلانات بيحاولوا ياثروا بيها على الناس اللى بتتاثر بالكلام الزخرف
ولقب السيارة الاولى ومثل هذه الالقاب
بس مش كل الناس بتاخد من الكلام ده

**Dr Zezo** · 09-05-2009 12:01 AM

المشاركة الأصلية كتبت بواسطة Ahmed Samy

ما هو ياجماعة ماتنسوش ان معظمنا معلوماته السياراتية زادت و تطورت بشكل كبير بسبب وجودنا في المنتدى هنا
يعنى هنا بنسمع و نقرا و نستفيد معلومات كثيرة من أعضاء ثقات و ده بيخلي و عينا بأحوال و مواصفات السوق أفضل
غيرنا بقى عايز عربية و ما عندوش أي وسيلة سوى المطبوعات المرتزقة اللي بتلعب على الزبون (قليل المصادر) في المعرفة
و تلبسه في التوكيل اللي يدفع أكتر ...

ده المفروض يخلينا نستشعر أهمية وجودنا كمنتدى متخصص
و يخلينا نفهم ان كلنا لينا دور من خلال و جودنا كأعضاء اننا نعرف الدنيا على منتدانا و ندعو الناس و نكبر لحد ما نمون مصدر معلوماتي يحارب الفهلوة و التلات ورقات بتوع الجرايد .

و برضه جده يحملنا كلنا مسؤلية اننا ندور على المعلومة الأكيدة و الموثقة من مكانها الأصلي أو بالتجربة الشخصية

ويوم ورا يوم

المنتدى يكبر و يقوى و يكون ليه تواجد منير في وجه الظلام
و ساعتها يا الجرايد دي تتعدل ...يا تقفل

فعلا هي دي الخلاصة:k49: