كلنا كان لينا اسباب فى شراء عربياتنا وتفضيلها عن غيرها ياريت كل واحد فينا يقول هو اشترى عربيته ليه"""":ma(30):
عرض للطباعة
كلنا كان لينا اسباب فى شراء عربياتنا وتفضيلها عن غيرها ياريت كل واحد فينا يقول هو اشترى عربيته ليه"""":ma(30):
اشتريت عربيتى ( اوبترا ) لانها كانت الانسب ليا فى الوقت ده
اللى هو الصيف اللى فات
وتقريبا ماكنش فى بدايل
لان العربيات اللى كانت عجبانى التانيه كانت اغلى فى السعر اوى وبدون داعى اللى هما لانسر والنترا والسيراتو
الاوبترا كانت ب 94
اللانسر 107 - الالنترا 110 - السيراتو 102
انا اشتريت الاسترا دى ....
لانها اولا اوبل
و اوبل بالنسبالنا
حاجه كبيره
راجه نفسيه و ثبات و تحمل و جوده و قطع غيار ...
و دى كانت سادس عربيه اوبل نشتريها..
هى بصراحه ربنا مطلعتش زى ما كنا معتقدين ..
يعنى اقل من باقى الاوبل بشويه لانها فى الاصل مش اوبل
بس مش ندمانين اننا جبناها ..
بالعكس
العربيه اثبتت كفائه عاليه
140 الف كم فى 3 سنين..
و ان شاء الله هنبيعها و نجيب اوبل برده ...
اشترتها عشان على قد فلوسى :shine[1]:
كويس فين باقى الردود ياشباب لان دة بيعتبر تقييم مصغر للعربيات اللى معانا""""
نوبيرا كانت الانسب فى حدود المبلغ المتوفر كمان هى شيك وواسعة
انا مشترتهاش هى كانت موجودة (يعنى مشترينها من زمان) ولما كل واحد من اخواتى جاب عربية انا اخدتها من والدى وهو جابلة عربية تانية لان موتورها قوى وصممت اخدها علشان انا بحب الدفع الخلفى وبكرة الامامى .
انا معايا اكسنت 2005 و جبتها عشان قطع غيارها معقولة و عربية حمالة اسية جدا ، و كنت لآخر وقت بشوف لانوس بس العربية دى جت قدامى بظروفها و بحالتها ، الحمد لله :) و شوية كده و عايز اجيب حاجة 1600
السوبر اكشن : راحة بال + موتور قوي +استهلاك بنزين كويس +توفر قطع غيار + تكييففففففففف
النوبيرا : قوة استحمال + قطع غيار مرطرطة + استهلاك بنزين + واسعة من جوة
الجين 2 : موتور قوي بس طبعا مش زي الالنسر + شكل جميل + ثبات تحفة بجد +كماليات حلو جدااا + سعر معقول اوي اعتقد انها الوحيدة الي في فئتها فيها الامكانيات دي و بالسعر دة
عشان هيا احلي عربية موجودة بالسعر دا و يمكن فالعربيات الاغلي كمان
و نفسي فالالفا روميو ان شاء الله
اخترت اسكودا فيليشيا 96 لانها لما كانت زيرو كانت حلم ليا وكنت وقتها طالب فى الكلية وكانت مكسرة الدنيا ويظهر ان الزمن وقف بيا 12 سنة لحد ما قدرت اجيبها هى هى لما اتوفرت الفلوس وكان ممكن اجيب اعلى منها بس انا بحبها ........ بس يا خسارة مراية الحب عامية
ندمت بعد ما اشترتها لانى حسيتها مطلقة مش عذراء وكمان عندها عيال وعايزة مصاريف ودى اول بختى هههههههههههههه زى اللى بيحب واحدة ويخطبها ومش شايف غيرها فى الدنيا وبعد الجواز تحلو فى عينه اشياء اخرى ؟؟؟؟؟؟؟
ولو يقدر ماديا هايتجوز تانى ههههههههه وانا مستنى ااقدر ماديا واجيب اختها الكبيرة فى المقام والصغيرة فى السن فابيا مينى جميلة ........ صح واكون اول حبيب قصدى مستخدم لها
اخترت الشارك لاشياء كتير اولهم قوة التحمل اللى بتمتاز بيها لانسر من سنين طويلة تانى حاجة شكلها اللى فعلا خلانى مشوفش غيرها رغم ان كان قدامى السيفك والاوبل وحاجات كتير بس فضلتها عنهم ثالثا اقتصادية جدا فالبنزين وصالونها واسع ومريح جدا وشيك من جوة ومن برة وتشعر فيها بالاناقة وانت راكبها...الحاجة الاخيرة ودى اهم حاجة وهى انى حسيت بالتفاعل معاها بمعنى انى حسيت اول مشوفتها انها بتكلمنى وبكلمها ولقيت اننا متفاهمين جدا فكل حاجة رغم انها فبعض الاوقات بتبقى عنيدة معايا على الطريق وبتحب تجرى وانا مش من هواة الجرى لكن بحب عندها جدا واحساسى بيها عالى لاقصى درجة وفكل مرة بخرج بيها بحس انى مع حبيبتى وببقى فقمة سعادتى
اختارت الفيرنا لانها اولا علي قد الفلوس يعني صيف2008
ثانيا لانها فعلا حمالة اسية وكل الناس بتشكر فيها وانا بحب شكلها جدااا
اللانوس
سعر حنين
فطع غيار متوافرة وكمان رخيصة
تصليح سهل فى ورشة
اعادة بيع اسهل
Bmw
عشقى
مش عارف انا بحب العربيه دى كده ليه,وخاصه الشكل من 00إلى 05
بحس بالهجوميه والعصريه فى الشكل والأداء
والتكنولوجيا ومراعاه أدق التفاصيل
إخترتها لأنها حلمى منذ سنوات وإعتماديتها العاليه
إن شاء الله ربنا لما يكرم تانى أجيب الموديل الأحدث 05 أو 06 نفس الشكل بس تكنولوجيا وأداء أعلى وياسلام لو كانت M3 تبقى تحفه بس بعيده شويه فى السعر
مستنى أشوفك إخترت عربيتك ليه انت مقلتش
اخترت هوندا sir لشكلها المتميز عن باقى العربيات قليلة فى شوارع البلد عربية بتديك احساس بكل حاجة يعنى راحة وثبات وتحمل لما اراة فى سيارة ابدا الا الألمانى وكفاية شكله االرياضى وانا اصلا بعشق السيارات اللى من النوع دة وبعدين كفاية انك راكب عربية ماتورها بيشد مع اى حاجة مهما كانت ودة حلو انة بيديك احساس بالقوة وبتبقى عارف انت ممكن تعمل اية دة غير ثباتها اللى على سرعات اعلى من 220 بس فين بقى الشوارع عيبها وهو مش عيبها (مطبات البلد) الحاجة الوحيدة الى ممكن تسببلك مشاكل فى العربية دية غير كدة مافيش وبجد هوندا او بى ام للابد مش هركب غير العربيتين دول فى حياتى ابدا
( اكسيل ) 1500 تكييف +باور +زجاج كهرباء +اوتوماتيك + اخر حلاوه هعوذ ايه تانى وعلى قد فلوسى
انا اشتريت اليارس لما نزلت من السعودية وكنت محتار اشترى ايه ؟ سالت نفسى انت عايز ايه من العربية ؟
الاجابة كانت اولا ماركة محترمة ومعروفة شكل جديد وجذاب متوسطة الحجم توفير فى استهلاك البنزين تكييف كويس اعطال قليلة كماليات معقولة تستحمل الشوارع المصرية توكيل محترم " والاجابة كانت اليارس""