البوابين والبلطجيه وبلطجيه المرور اصبحوا اغنياء المجتمع

**akram2010** · 08-05-2009 05:46 PM

البوابين والبلطجيه وسائقى التاكسى اصبحوا اغنياء المجتمع. البواب عامل غلبان وال طالع وال نازل يرمى له فلوس دة غير لو غسل سيارات ومعظمهم بيعملوا سماسرة واشتروا محلات وشقق من تحت مهنتهم وعطف الناس عليهم مع انهم اغنى منى ومنك وما يغشك منظرة احيانا . اما البلطجيه فاحتلوا الارصفه وكل واحد واخد حته لحسابه واى سيارة تركن مقابل مال له والا الاربع عجلات على الارض . اما بلطجيه المرور فهؤلاء اصبحوا جهاز داخل جهاز وكل واحد عايز 20 ج من بصمه الماكينه ولا الفحص ولا شهادة المخلفات دة قصه تانيه خالص ( تدفع كام واخلصك بخمسين جنيه فقط؟؟؟) وال يركب لك نمر عايز رشوة وال يجدد رخصه يدفع والا يرجع لاتفه الاسباب ويدوخ وكله على المكشوف والباشا ال جو متفق معاهم ( اخر النهار يدخله المبالغ كلها ويقسمها معاهم )على كدة مقابل السكوت عنهم والدفاع عنهم فى وجه اى واحد يحاول الشكوى
يعنى فوضى وعمار يامصر والضرب فى الميت حرام ومافيش فايدة شضكلها ولا امل للاصلاح

________________________________
تم النقل للاجتماعي بواسطتى
مشرف العــــــــــــــــــــام

**نور العمر** · 08-05-2009 06:15 PM

كلام في منتهى التمام

عقبال ما نشوف يا رب الموظفين ...

الطبقة الكادحة العاملة ... من أغنياء المجتمع

آميـــــــــــــــــن

**جمال** · 09-05-2009 01:09 AM

المشاركة الأصلية كتبت بواسطة نور العمر

كلام في منتهى التمام

عقبال ما نشوف يا رب الموظفين ...

الطبقة الكادحة العاملة ... من أغنياء المجتمع

آميـــــــــــــــــن

بال 5% ؟؟؟؟؟ !!!!!!!!

**Terrible_DaRsH** · 09-05-2009 01:38 AM

فى بيتنا القديم كان البواب هو صاحب البرج , ومش بس كده لا كان عنده 4 عمارات غير ان عنده اولاد فى كلية الطب و جامعات خاصة كمان !!

بس على فكرة يا جماعة الناس دى سلوك كتيرة مش انواع كتيرة .
بمعنى : ان نصفهم بيخفى جديده دائما حرص على الزيادة و التخطيط للتمرد على المجتمع و ده مش زنبه طبعا .

و النصف الاخر بيبقي عنده طموحات و مبيحبش يظهر جديده لان لو الناس عرفت ان عنده املاك و فلوس مش هيرضوا يشغلوه فى اى حاجة و هو ممكن ميكونش متعلم او مثقف علشان يواجه كلام الناس بقوة ..

بس فى رجل مكافح انا اعرفه بجد كل ما اشوفه بحس ان الكفاح لسه موجود و العمل الشريف و العصامية مش مجرد كلام ...

الرجل ده جه عندنا هنا المنطقة من 9 سنين و كان حارس عقار ..
قعد يشتغل سنتين بدون نوم لغاية ما استقر بشقة بذاته و ابتدى يشتغل سمسار مع الاعمال الصباحية كام سنة ..
و ربنا كرمه دلوقتى وبقى عنده ارض بيبنيها حاليا و اولاده ما شاء الله تربية زى الفل و جامعات محترمة ..
بجد تحية للرجل ده و يا ريت نماذج المجتمع تكون كلها كده . و الله العظيم هنتقدم . معلش طولت .

**MomoMedo** · 09-05-2009 01:41 AM

انا ليا تعليق على كلام صاحب الموضوع
هو ايه المشكلة لما البواب يبني عمارة من اجرة غسيله للعربية ولا انه يجيب طلبات سكان العمارة؟؟

مش احسن من السياس البلطجية اللي مقسمين البلد مواقف لحسابهم؟

09-05-2009 02:03 AM

المشاركة الأصلية كتبت بواسطة MomoMedo

انا ليا تعليق على كلام صاحب الموضوع
هو ايه المشكلة لما البواب يبني عمارة من اجرة غسيله للعربية ولا انه يجيب طلبات سكان العمارة؟؟

مش احسن من السياس البلطجية اللي مقسمين البلد مواقف لحسابهم؟

ما تشغلش بالك

**badblood** · 09-05-2009 04:48 AM

في مصر كل حاجة مقلوبة

**نور القمر** · 09-05-2009 05:43 AM

والله لو بواب وبقه مليونير من غسيل العربيات والبقشيش مقابل شراء الطلبات للسكان حلال عليه وربنا يزيد ويبارك
ولو سواق التاكسي ببرضو اشتغل بما يرضي الله ربنا يباركل له
ماهم برضو بيشقوا ويتعبوا والارزاق على الله
اما بلطجية المرور فخلي الحرام ينفعهم

**dr.nemo** · 09-05-2009 08:54 AM

فكرتوني بحاجة مماثة
كنا عاوزين نبيع فيلا واحد قريبنا في البلد كاش
مين اللي جه يشتريها
ناس كتير من ضمنهم بياعة فول وطعمية كنا بنديها شهرية لحد الحكاية دي
طبعا كل اي اتمسك جاي يشتري الفيلا وهو بياخد شهرية قطعناها عنه
لانه غير مستحق لها (يعني معاه فلوس ومازال بياخد اصدقات والزكوات..... طب ده يرضي ربنا)
وبتحصل كل ما نيجي نبيع جزء من الاراضي
الناس بقى همها ازي تجمع فلوس وخلاص .....مش مهم منين وازاي
كفاية قول الرسول صلى الله عليه وسلم:
أيما جسدٍ نبت من سحت فالنار أولى به

لكن اللي يجيب الفلوس دي من شقاه وعرق جبينه ربنا يباركله فيها

الحلاق اللي كنا بنحلق عنده زمان ساب الحلاقة دلوقتي وشغال سمسار ومعا بي ام
طبعا ربنا يباركله

-

الموضوع: البوابين والبلطجيه وبلطجيه المرور اصبحوا اغنياء المجتمع

LinkBack

أدوات الموضوع

عرض

-

-

-

-

-

المواضيع المتشابهه

اخرة هزار البوابين

اغنى اغنياء العالم الخمسه

الفرق بين المجتمع الشرقى و المجتمع الغربى

صور لخمسه من اغني اغنياء العالم

الكلمات الدلالية لهذا الموضوع

المفضلات

المفضلات

ضوابط المشاركة