الموضوع: حل لموضوع عضة الفتيس الاوتوماتيك في الصني

المشاركة الأصلية كتبت بواسطة largeman

علي فكرة يا جماعة انا عالجت موضوع عضة الفتيس . هو حل بسيط جدا بس عايز تركيز في اول فترة من الحل ده

بصوا يا جماعة الاول الفتيس بيعض في حالتين :

1- انك تيجي تدور العربية الصبح و تكون باردة . لازم تكون سخنة شوية في الحالة ديه مش هتعض خالص الصبح او لما تكون بارده.

2- الحالة التانية و ديه ممكن تقابلها في اليوم اكتر من 10 مرات و هي انك تكون علي كوبري او مطلع و تيجي علي P و انت ضارب فرامل رجل و بعد كده العربية تريح منك علي الغيار P نفسه و تشيل رجلك من علي الفرامل فتعض لما تنقل بعد كده

يا جماعة لما تيجي تكون علي وضع P لازم لازم لازم ترفع فرامل اليد قبل ما الفتيس يروح علي وضع P لأن هنا بتثبت العربية في الارض و من هنا لما تيجي تحرك من P الي N او الي R مش هتلاقي العضة ديه خالص خالص لما تضرب فرامل الرجل و تنزل فرامل اليد و بعدين تنقل الفتيس

جربوا و هتدعولي و لا عضة للفتيس بعد اليوم . هي عايزة شوية تركيز في اول الوقت لكن هتاخد عليها بعد كده

تمام يا معلم :k49:
و ده اللي انا بعمله من اول ما جبت العربية

ممنوع ممنوع ممنوع ممنوع استعمال الp اثناء الطريق
لانه لا قدر الله وحد خبط السيارة من ورا وانت واقف هيكسر الجير فورا
ال p = parking ومعناها ان السيارة مركونة
فى حالة المطالع استعمل فرملة اليد مع الفرملة العادية و يفضل ان الجير يكون على ال D مش على N وفى كلا الحالتين لازم تكون صاحى جدااااااااااا
والله الموفق

بشمهندس سبعاوى الواحد يجيبها مانيوال احسن ومن فضلك اشر حلى الفتيس الاتوماتيك ازاى لما اقف اجيبه على ايه طيب مش ممكن اسيبه دايما على غيار مش شر ط يعنى انى كل ما اعمل حاجه انقله نقله معينه ولا ايه بصراحه انا جاتلى عقده من الاوتوماتيك ايه دا دا وجع قلب الواحد بيسوق مانيوال زى القطر وبنقل الفتيس على اى نقله تعجبنى ممكن شرح من اول ما ادور العر بيه انقل على ايه لغاية ما اجى ار كنها.........................شكر ا