الموضوع: ازاى انسى ؟؟؟؟؟

السلام عليكم و رحمة الله

أنا فى رأى إنك تنهى العلاقة دى بسرعة لأنها هاتسببلك مشاكل كتير و جروح كبيرة قد لا يساعدك الزمن على علاجها.
أنا مريت بموقف مشابه لحالتك لكن مع الإصرار من ناحيتها و الثقة من ناحيتى تمت الموافقة و لكن ظلت المشاكل من اليوم التالى للخطوبة و مع تمسكها بى بشدة كنت مش عاوز أسيبها لأن بينا حب كبير و لكن مع عدم التكافؤ فى الطباع و التفكير و الثقافة بينا و بينهم زادت المشاكل و كانت غالبيتها ليست مادية فقط و لكن إجتماعية و أدبية و أخلاقية و غيره.
و أستمر هذا الوضع من الشد و الجذب 4 سنوات بالرغم من أن الإتفاق كان سنه بعد الخطوبة و لكن عدم إلتزامهم بالإتفاق العديد من المرات و تحملى الكثير من مستلزمات تجهيز الشقة زادت الفترة حتى و صلت أربع سنوات بالإضافة للكثير من المشاكل و الصراعات و هما دايماً حاسين إنهم ضحو بالموافقه عشان بنتهم و دى تضحية كبيرة و كان لازم تتجوز واحد يكبرها بأكثر من 10 سنوات عشان يكون جاهز و مستريح مادياً و ليس شاب يكبرها بسنه واحدة و بينهم قصة حب.

و المفاجأة إنى نهيت الموضوع قبل الزفاف بشهرين فقط !!!!!!!!!! و كان كل مستلزمات البيت و الشقة تقريبا جاهزة و كله تمام لكن صدقنى كنت أنا خلاص إستويت و إتخنقت و قرفت من الدنيا و ما فيها و كرهت الحب و الزواج و الأنعرة الفاضية و الفشخرة و غيره.
و بالرغم من المحاولات المستمرة من أهلى و أهلها عشان نرجع لكنى كنت قررت عدم العودة للمعاناه و التعب و الإرهاق الفكرى و الأخلاقى و المادى مهما كلفنى هذا القرار من متاعب و جروح.
و حاول ألا تضعف أمام دموعها و كلام الحب الذى قد تسمعه و حكم عقلك و أنظر للأمام و ليس تحت قدميك و أعلم أن الزواج الذى يبدأ بمشاكل إجتماعية أو فرق كبيرة فى التكافؤ يعقبة الكثير من المشاكل فى غالبية الأوضاع.

و أعلم أن الله سبحانه و تعالى دائماً ما يختار الصالح و الخير للإنسان و أن الله سوف يعوضك خير منها فى كل شىء , و أن القسمة و النصيب هى الأساس و طبعاً صلاة الإستخارة مهمة جداً و الحمد لله قد عوضنى الله خيراً منها فى كل شىء و وسع الله فى رزقى و باركلى فيه و تزوجت بالرغم من خطبتى لثلاثة بعد الخطبة الأولى !!! فى محاولة للهروب و إيجاد بديل و لكن بعدما قررت عدم الزواج نهائياً يريد الله للإنسان الخير رغم أنفه و هدانى لزوجتى الحالية و لكن بتفكير و ذهن و قلب فاضى صافى مستريح و هى الحمد لله خير زوجة , رزقكم الله جميعاً بالزوجة الصالحة التى هى خير متاع الدنيا.

و آسف على الإطالة

المشاركة الأصلية كتبت بواسطة MoToRiZeR

إوعي تسيبها يمكن ربنا يكرمك و أبوها يموت ولا حاجة .. متتخلاش عن حد بيحبك .
و متحاولش تبان قدامها بشخصية تانية عشان تكرهك و تبعد عنك .. حاول و شوف هتروح فين .

يا ساتر يا رب ...
قول يمكن ربنا يهدييه ...
مش كده وال إيه؟

اولا اشكر جميع الاصدقاء والزملاء الاعزاء على ردودهم الواقعية الخالية من اى تطرف واللى اراحتنى وافادتنى واشكركم لانكم وقفتم بجانبى فى الوقت اللى مكنتش لاقى حد اتكلم معاه .
ثانياً الحمدلله اتكلمت معاها واقتنعت وهى كانت كلمت والدها من غير ما تقولى وهو مازال رافض وانا طلبت منها توفر على الاحراج شكلى بقه وحش على الاقل قدام اهلها علشان ميفتكروش انى بلعب من وراهم مش هقول بقينا اخوات خلاص بس انا باعاملها كاخت لى بالفعل واستريحت لما لقيتها متجاوبة معايا وعايزانا نفضل اصدقاء لانها شافت انى شخص محترم تتشرف انها تعرفت عليه انا بتمنى لها كل التوفيق فى حياتها وربنا يكرمها بابن الحلال ويكون شخص مناسب يتقى الله فيها والحمدلله على ما كان وما سيكون وجزاكم الله عنى خيرالجزاء .

ربنا يوفقك
ويعوضك بنصيبك
إللي معاه كل خير

موضوع الزواج هذا ارادة الله هى التى تسير فيه
ولا اراده لاى مخلوق مهما كان تقدر تمشى الموضوع او تمنعه
تعامل معها عادى جدا كما اخبلاتنا واترك الامر لله وحده

وافوض امرى الى الله ان الله بصير بالعباد...........قران كريم