الموضوع: استطلاع للرأى -صناعة السيارات

السبب الرئيسى اللى مخلينا مش عارفين نصنع عربيه هو ان مصر مش عارفه تدور وتلاقى المصممين ايوه بجد والله المصممين كتير وعاملين زى لاعيبه الكوره بيتخطفوا خطف الشركات الكبيره زى فولكس فاجن ومجموعه جينرال موتورز وبورش ومازيراتى عارفين ازاى بياخدوا المصمين هقولكم على اللغز هفجر لكم مفأجأه كتير ماكانش يعرفها
الشركه من دول تروح على معهد او كليه من كليات التصميم ويعملوا زى عقد سرى معاهم ان الخريجين بتوع الكليه يشتغلوا فى المصنع ويبتدى التدريب والتنقيه لحد مايخدوا اللى عايزينه ويوزعوا الباقى على قطاعات مجاوره
كل معهد او كليه من معاهد التصميم بيتم معاه الحوار ده
فى بريطانيا فى الكليه الملكيه للفنون وجامعه كوفنترى وفى المانيا فورتسايم وكمان جامعه باسادينا فى كاليفورنيا
دول الاربعه التوب على العالم
ازاى بقى نقدر ننشل مصمم من دول عشان يجى يعملنا عربيات؟؟؟ وهنديله مرتب شهرى قد ايه؟؟؟
مافيش مخ خالص ماحدش فكر يعمل معهد او جامعه للتصميم فى مصر !!!!!!!
عارفين كام واحد مننا هيدرس فيها؟؟؟ عارفين كام واحد من الدول العربيه المجاوره هيجى يدرس فيها احسن مايتشحطط فى بريطانيا ولا المانيا ولا اميركا؟؟
مش كل دى فلوس جايه للبلد ؟؟؟
عايزين ايه تانى عندنا جامعه لتدريس التصميم وعندنا فلوس وعندنا مصممين ؟؟؟
اه بتسألوا هنجيب اللى يدرسوا فى الجامعه منين صح ؟
التصميم بيعتمد على خيال وفكر المصمم ومش محتاج حد يقريك هتعمل ايه صح كل اللى محتاجينه تدريبات ومعلومات وشويه ارشادات عامه وبعدين الباقى على المخ
اتمنى يكون فى الكلام ده عندنا عشان ماتطقش فى دماغى واروح بريطانيا وزى ماتيجى تيجى
يارب يحسوا على دمهم

هو تقريبا كده فى قانون فى البلد بيمنع اى حد انو يصنع حاجة بس مش قايلين عليه سرى يعنى زى زراعة القمح كده