-
جنوط سبور للماروتي
محتاج نصيحتكم ...
:B4_611:
العربية ماروتي موديل 2009 ايه رأيكم لو ركبت لها جنوط سبور .... و اصحابي حيروني في ناس قالولي انه مش كويس مع العربيات الصغيرة و خاصة مقاس الــ 13 و في ناس تاني مؤيدة للموضوع و بتشكر في الجنوط
و انا حيران و خاصة ان العربية لسه جديدة و خايف ابوظ حاجة فيها
يارايت تساعدوني بالرأي السليم
و شكرا:k49::k49::k49:
-
معقولة
معقولة يا جماعة .... يومين كاملين بدون اي رد !!!!!!
-
الفرق بين مشاركتينك يا جميل معداش 12 ساعه !! يومين ايه بس
تلاقى محدش جرب بس و مش عاوز يفتى والسلام
ونا معاك و ناوى اركب برده و مستنى رأى الخبرا معاك
تقبل تحياتى
-
والله يا جماعة انا كان معايا عربية ماروتى 2008 وكنت بتمنى اى حد يكلمنى فى موضوع الجنوط 13
فقررت انى اسأل فى التوكيل وانا كنت بأعمل لها صيانة 5000كم وقالى المهندس اللى هناك ما انصحكش بتركيب جنوط خالص وكان نفسى قوى اركب لها جنوط المهم مطولش عليكو بظروفها كدة لقيت عربية ماروتى مركبة جنوط وسألت صاحبها قالى انها موديل 2008
وانا مركبلها جنوط من اول يوم اشتريتها
سالتة هل فى ثبات فى العربية اكتر من الأول قالى على السرعات العالية طبعا
طيب مأثرة على عفشة العربية قالى ابدا العربية دلوقتى داخلة فى سنة وشوية واكتر من زيت زبنزين مفيش
فا رأى الشخصى وبناء عن تجربة الأخرين مفيش مشكلةوافتكلر ان هوة عطانى مقاس مش متزكرة دلوقتى وبأذن الله هرفقة
علشان الكل يستفيد بس بصراحة شكلها خرافة فى وجود الجنوط وبيدى احساس انها عربية مش صغيرة خالص
-
ما هو الحل ؟؟
ليه كده يا جماعة مافيش مشاركات او اراء جدية ...
هل المشاركة في المكان الخطأ ....
لو ده صح ياريت ادارة المنتدى تنقل الموضوع لقسم ورشة نايل موتورز ...
و لا الأفضل أعمل موضوع جديد هناك ؟؟؟
يارايت الرد من ادارة المنتدى سريعا .
-
what is the size of the 13 tire
if you install 13" wheel
and is there 12" sport wheel
-
والله يا جماعه انا في عربيتي ماروتي في الشارع عندي غير عربيتي الاتنين مركبين جنوط اسبور وماشيين زي الفل واقدم كمان من 2008 يعني 2006 تقريبا ومعتقدش ان ده هياثر مادام نفس المقاس وانا عن نفسي اول لما فرج يبعت رزق هركب جنوط
-
طيب يا استاذ مصطفى
ممكن تقولنا المقاس الاصلى اللى عندك فى العربيه كام
عشان نحاول نساعدك ونقولك على المقاس المظبوط اللى تجيبه
-
المقاس
شكرا على اهتمامكم
مقاس الجنط 13
مقاس الأطار 13-155/65
-
بص انت ممكن تركب جنوط 14
والمقاس 165/55-14
ده هيبقى نفس القطر والمقاس يعنى ملعبتش فى حاجه
بس الفرق ان الكاوتش بقى اعرض فهيبقى مدى ثبات اكتر
Content Relevant URLs by
vBSEO 3.6.0 PL2