الموضوع: عاوز رايكم معايا

المشاركة الأصلية كتبت بواسطة aif

انا لا اتفق مع الزميل a.saad اعدة اسباب
اولا عامل الامن في المدن الجديدة قد يكون أقل بكثير من أحياء القاهرة
ثانيا المشوار من الصاغة لأي مدينة جديدة كبير جدا ... والامر لا يخلو من الذهاب للصاغة عدة مرات اسبوعيا
ثالثا وهو الاهم العامل التسويقي
المحلات التي تعمل في مجال المجوهرات تعتمد على نوعين من الزبائن ...الاول وهو الاهم الزبائن بتوع الشبكات والمشتريات الكبيرة ... والثاني هم زبائن يأتون للمحل بالصدفة وقد لا يعودون مرة أخي ويطلق عليهم ..ظهورات
انا لو نازل اشتري شبكة لأبني مثلا او ليا انا لو فكرت اتخبط في نافوخي واعملها تاني ....
مش ح اروح مكان مافيهوش غير محل واحد ... بالعكس ح اروح مكان فيه اكبر عدد من المحلات الصاغة علشانت اتفرج وانقي وافاصل وأقرف البائع في عيشته قبل ما أشتري ...الصاغة اللي في الحسين مثلا .... ميدان الجامع فى مصر الجديدة ... شارع نصوح في الزيتون ... وهكذا
يبقى احسن حاجة انك تفتح في مكان يكون فيه اكتر من محل ذهب .... كدة تضمن ان الزبائن ح تيجي للمحل ...لأن ده سوق دهب ومعروف عند الناس ان بتوع الدهب موجودين هنا
تشتري من عندك او من عند اللي جنبك .... دي بقى بتاعت ربنا
.....
الدكان جنب الدكان .... والرزق على الرحمن
ربنا يوفقك
....
وخلي بالك من بتوع الضرائب ..... ابقى صفر الميزان على العالي قبل ما يوزنو ...
ههههههههه

كلام جميل كلام معقول مقدر اقول حاجه تانيه