أعتقد هايكون مفيد....فئة السيارات العائلية المتوسطة C-segment

فئة السيارات العائلية المتوسطة و تحمل هذه الأسماء compact casr- small family casr - C segment

هي فئة السيارات التي يتراوح طولها بين (4400 - 4600 ملم) في حالة السيدان و بين (4100 و 4450 ملم) في حالة الهاتش باك

محركات هذه الفئة تكون عادة محركات رباعية الإسطوانات و تتراوح في قوتها الحصانية بين 100 و 170 حصان قوة و تتراوح ما بين 1.5 و 2.4 من السعة الليترية .

من الأمثلة على هذه الفئة :

الرينو الميجان ..البيجو 307 ..التويوتا الكورولا ... الكيا فورتي (السيراتو الجديدة) ... المازدا 3 ...الفورد فوكاس ...الفولكس الجولف و الجيتا ...و السوبارو امبريزا ...و الهوندا سيفيك

و كلهم متقاربين في السعر في الخارج بشكل قريب

الجين 2 فين ؟؟؟؟؟

الجين تو اعتقد من نفس الفئة انا ذكرت سيارات على سبيل المثال لا الحصر
لو حضرتك تعرف أبعاد الجين تو هانعرف و قوة محركها هانعرف

للأسف ...طول العربية 4310 و هو من الفئة الأقل و هي بتنافس الكيا ريو و الهيونداي أكسنت في الفئة الأقل من من الc
و لكن البيرسونا هي اللي من اللفئة دي

من ويكيبيديا

شكرا عالموضوع

شكرا يا استاذ احمد علي موضوعك و علي اهتمامك باموضوع

اقتباس:

---

المشاركة الأصلية كتبت بواسطة Ahmed Samy

للأسف ...طول العربية 4310 و هو من الفئة الأقل و هي بتنافس الكيا ريو و الهيونداي أكسنت في الفئة الأقل من من الc
و لكن البيرسونا هي اللي من اللفئة دي

من ويكيبيديا

---

صعب....لو كدة يبقى ال Waja في أنهي فئة.

الواجا في نفس الفئة C برضه ...
انا باقيس حسب مواصفات الفئة

لو حد شايف حاجة غلط في الكلام ياريت يصحح يا جماعة لأننا كلنا بنستفيد

أصل مش الشنطة هي اللي هتغير الفئة....

صعب إن شركة عربيات تنزل عربيتين مختلفتين في فئة واحدة....هينافسوا بعض.

مثال....ال Golf و ال Jetta نفس الفئة....واحدة بشنطة والتانية من غير.

اقتباس:

---

المشاركة الأصلية كتبت بواسطة Mohamed_SlvrLan99

أصل مش الشنطة هي اللي هتغير الفئة....

صعب إن شركة عربيات تنزل عربيتين مختلفتين في فئة واحدة....هينافسوا بعض.

مثال....ال Golf و ال Jetta نفس الفئة....واحدة بشنطة والتانية من غير.

---

بالضبط كده ،،

فيه ناس بتفتكر السيدان فئة و الهاتشباك فئة ،،

و لكن هوا اختلاف شكل فقط ،،

زي الجيتا و الجولف ،،

او الامبريزا سيدان و الامبريزا هاتشباك ،،

اقتباس:

---

المشاركة الأصلية كتبت بواسطة Mohamed_SlvrLan99

أصل مش الشنطة هي اللي هتغير الفئة....

صعب إن شركة عربيات تنزل عربيتين مختلفتين في فئة واحدة....هينافسوا بعض.

مثال....ال Golf و ال Jetta نفس الفئة....واحدة بشنطة والتانية من غير.

---

انا برضهكنت فاكر كده ..

بس زي ما المهندس أحمد قال ان ممكن تكون في عربية من نسخة سيدان و نسخة هاتش ...و يكونوا في نفس الفئة

حتى لو حضرتك قريت رأس الموضوع هاتلاقي انه في نفس الفئة في مقاس للسيدان و مقاس للهاتش ...

يعنى لو الجين تو مصنفة هاتش باك ...يبقى تدخل الفئة C بس انا مش متأكد هيا مصنفة هاتش ولا سيدان

اقتباس:

---

المشاركة الأصلية كتبت بواسطة Ahmed Samy

انا برضهكنت فاكر كده ..

بس زي ما المهندس أحمد قال ان ممكن تكون في عربية من نسخة سيدان و نسخة هاتش ...و يكونوا في نفس الفئة

---

مش فاهم الصراحة....هو دة اللى أنا قلتة فى مشاركتى السابقة واللى حضرتك دلوقتى واخد منة أقتباس.

اقتباس:

---

المشاركة الأصلية كتبت بواسطة Ahmed Samy

حتى لو حضرتك قريت رأس الموضوع هاتلاقي انه في نفس الفئة في مقاس للسيدان و مقاس للهاتش ...

---

بس تحت فئة واحدة.

اقتباس:

---

المشاركة الأصلية كتبت بواسطة Ahmed Samy

يعنى لو الجين تو مصنفة هاتش باك ...يبقى تدخل الفئة C بس انا مش متأكد هيا مصنفة هاتش ولا سيدان

---

مش فاهم كلامك....انا كل تعقيبى كان على أن "الجين تو سيدان فى فئة أعلى عن الهاتشباك".

انا قصدي ...
لو الجين تو مصنفه عربية هاتشباك يبقى طولها يدخلها الفئة C كعربة هاتشباك

انما لو الجين مصنفة سيدان تبقى سيدان من فئة أقل ...

الموضوع تصنيف فقط لا غير و يخضع للقواعد و القياسات



ارجو اكون أنا فاهمك

أرجو تكون فاهمني :)....اللي عاوز أوصله إن بغض النظر عن الشكل و الطول هما فئة واحدة كحجم.