الموضوع: تغطية مقابلة "دايو" لشهر مايو

المشاركة الأصلية كتبت بواسطة SE_coralsea

السلام عليكم أخواني الكرام...
بداية أود أن أوجه الشكر لكل السادة الاعضاء الذين حضروا هذا اللقاء الممتع , و أليكم الاسماء:
1- الاستاذ/ محمد نصر
2- الاستاذ/ حسام (كوداك)
3- المهندس/ شريف محمد
4- الاستاذ/ مصطفي SWIMMER
5- الاستاذ/ هاني razini 89
6- كيمو نوبيرا
7- الدكتور/ أحمد سامي AMSAMS
8- م/سمير الشهاوي

بدأت المقابلة بتوافد السادة الاعضاء بعد صلاة الظهر مباشرة علي كافيتريا "فتافيت" بالمقطم و أكتمل العدد علي حوالي الساعة الثالثة عصرا حيث دار نقاش و حديث طويل في أمور المنتدي و السيارات و بالاخص الدايو (لانوس - نوبيرا), و قد أتفقت أراء السادة الحضور علي مايلي:
1- البنود الاولية لميثاق الشرف (سيتم تناولها بالتفصيل في الموضوع المثبت)
2- عرض (حسام - كوداك) فكرة شراء "سكانر" لفحص السيارات الدايو الخاصة بأعضاء المنتدي و سيتم مناقشتها بالتفصيل و دراستها فيما بعد من خلال موضوع يفتحه العضو الفاضل (حسام - كوداك)
3- التجهيز للمقابلة القادمة علي أن يكون مكانها خارج القاهرة و هي مفاجأة لكل أعضاء دايو

.... تجربة سيارات الاعضاء:
1- تمت تجربة سيارة "كيمو - نوبيرا" (سيارة نوبيرا) لاختبار المساعدين من نوع"مونرو"
2- تجربة سيارة الاخ "مصطفي" (لانوس 2008) من قبل المهندس/ شريف

تم بعد ذلك ألتقاط الصور التذكارية للاعضاء الحضور و سياراتهم و سأقوم برفعها قريبا

- خبر1: الاستاذ / ايهاب صاحب موضوع المقابلة لم يحضر و السبب أنه رزق بالامس بمولودة , فألف مبروك يا أبو "مريم"

- خبر2 : يبدو أن لقاء المنتدي كان وشه حلو علي الاعضاء , و أنا منهم , فبعد لقاء المنتدي و أثناء ركن سيارتي تحت البيت أذا بزوجتي تتصل لتخبرني بأن ألام الولادة قد بدأت و فعلا رزقنا و الحمد لله منذ ساعات قليلة بمولودة جميلة و هذا هو سبب تأخري في الكتابة حيث جئت من المستشفي منذ قليل

ألف شكر لكل من حضروا فعلا كان لقاء ممتع و ناس زي الفل و غاية في الاحترام و أتمني تكرار الفرصة و حضور المزيد من الاعضاء

مع خالص تمنياتي بدوام التوفيق و النجاح لمنتدانا
م / سمير الشهاوي

الف مبروك ياباشمهندس سمير وربنا يباركلك فيها وتتربى في عزك وعاوزين نعرف هنقولك يا ابو ايههههههههههههه

والف مبروك لإيهاب pop3 على مريم وربنا يخلهالك وتشوفها عروسة

فين الصور .... ولا مافيش فى القاهره حد بيصور ... لو كده قولوا نيجي

المشاركة الأصلية كتبت بواسطة Michael_Lanos

فين الصور .... ولا مافيش فى القاهره حد بيصور ... لو كده قولوا نيجي

لا ياباشا في صور كتير كمان بس لما المهندس سمير الشهاوى يفضى هيبقى ينزلها

الف مبروك للمولدين القمرين ويتربوا فى عزكم يارب ويباركلكم فيهم
يا جماعة عيزينن نعمل مقابلة فى الاسكندرية ويحضروا جميع الاعضاء القهراوية ومن جميع المحافظات والاقاليم عشان نتعرف على بعض وتكون فرصة للاعضاء الاسكندرانية يقوموا بالواجب مع الاعضاء الضيوف

يا جماعة عيزينن نعمل مقابلة فى الاسكندرية ويحضروا جميع الاعضاء القهراوية ومن جميع المحافظات والاقاليم عشان نتعرف على بعض

كلام جميل