النساء لا يمكن إرضاؤهن

**نور العمر** · 09-05-2009 01:06 PM

المشاركة الأصلية كتبت بواسطة sasatony

هههههههههههه
ياراجل مفيش واحدة يمكن ارضائها بحاجة بسيطة الا بمزاجها
دول عاملين زي القطط تأكل وتنكر

ظلمتوا القطط لما قولتوا عليها بتاكل وتنكر
وهي من ارق مخاليق ربنا .. وتحب تدلع صاحبها دايماً
وظلمتو الست لما شبهتوها بالقطط
لإن عطائها ودورها إللي اتخلقت عشانه
مش ممكن يتشابه بالقطط ولا بغير القطط
وإلا كان خلق لآدم قطة من البداية
وكان بلاش حواء
دور حواليك ... تقدر تعيش من غير حواء
تستطيع تقدير مجهود والدتك معاك
تستطيع تقدير مجهود زوجتك معاك

يا ترى مين بقا إللي طلع قطة ؟؟؟؟؟؟؟؟؟؟؟

**compuland** · 15-05-2009 04:15 PM

المشكله فى تشبيه القطط ده
ان الست عموما اول لما الراجل يعمل حاجة غلط
تنسى كل اللى عملوا حلو قبل كده
وتفضل الحاجه الغلط
وتطلع بقى كل الغلاطات اللى قبل كده

**نور العمر** · 15-05-2009 04:48 PM

ابعد عن الغلط وغنيله
ههههههههههههههه

ده بيرجع إنها خزنت جواها انتقادات كتيير بلعتلوا فيها الظلط وعديتها
فلما ييجي يغلط معاها
بتفتكر كل إللي فوتتوا ... وتحس إنه ما بيقدرهاش
فبتكون الزعلة جامدة
وربنا يهدي كل البيوت