مبدئيا والمتفق عليه في كل شركات التأمين لازم متعملش معاينة قبل التأمين غير لما العربية ميبقاش فيها اي مشاكل في الهيكل الخارجي
يعني ميبقاش فيها كسر في فانوس مثلا عشان ده بيبقة سبب في استبعاد الجزء ده من التعويض لو العربية عملت حادث
تاني حاجة في شركات بتفرض سعر اعلي شوية علي العربيات الصيني عشان كده حاول تقولي اسم الشركة اللي انته عايز تأمن عندها عشان اقولك نظامها ايه في التعويضات وبتسمح تخليك تصلح في التوكيل لحد موديل سنة كام من غير ما يعملوا خصم اصلاح في التوكيل ولو حيعملوا خصم حيبقة قد ايه وحيخلوك تتحمل اجباري جزء من ثمن التعويض في حالة الحادث او لا
وكمان قوللي سعر العربية بتاعتك في السوق دلوقتي عامل كام عشان اقولك سعر تقريبي للقسط السنوي اللي حتدفعه
واي استفسارات او معلومات تانية عايز تعرفها قولي عليها دلوقتي قبل ما تبدأ اجراءات التأمين عليها عشان متديش فرصة لحد يضحك عليك او يعمل عليك فاهم وعشان تروح تأمن وانته عارف كويس كل الاجراءات والمعلومات اللي انته محتاجها