الموضوع: انا حاسس ان فى أعضاء بتقول شكل للبيع ؟

المشاركة الأصلية كتبت بواسطة Lion_Heart

للاسف فى الفترة الاخيرة حسيت بكده , يا حد يستفزك فى حوار او يقول كلمة سمجة مالهاش لازمة يا اما يشعلل المواضيع بطريقة سوقية و وقحة ,
مش عارف الناس دى دخيلة ولا ايه ؟؟

في النهاية كلنا اخوة واصدقاء

المشاركة الأصلية كتبت بواسطة ابو سيف

انت جاي تهدي النفوس؟؟

ياباشا الموضوع معمول عشان الجو يهدى مش عشان يبقا فيه اي مشاحنات بين الاعضاء انا مش معترض على كلامك بقدر ما انا معترض على مكانه ووقته بس
تحياتي :b4_611::b4_611::b4_611:

لأ مش جاي أهدي النفوس....

كنت بوضح كام حاجة من أسباب الخلافات إلي بتحصل.

ممكن اقول رأى
لأنى واحد من الكتير اللى بيتعرضوا للمواقف ديه
وللاسف مش فى المنتدى بس
مصر كلها دلوقتى كده(محدش طايق حد)
وجربت كتير
الخناق
التجاهل
والحمد لله وجد الحل فى كتاب الله
أعوذ بالله من الشيطان الرجيم
بسم الله الرحمن الرحيم
(ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)
صدق الله العظيم
. (فصلت:34).
جربوها يا جماعه
الدنيا واسعه لينا كلنا
من حق كل واحد يقول رأيه
ولو زق فيك
أشكره
بأدب
وشوف رد فعله
أعوذ بالله من الشيطان الرجيم
بسم الله الرحمن الرحيم
{هَلْ جَزَاء الْإِحْسَانِ إِلَّا الْإِحْسَانُ}
صدق الله العظيم
... [الرحمن: 60].
لا اله الا انت سبحانك انى كنت من الظالمين

طيب .........
انا عندي شوية نصايح لتفادي المشاكل :

1 - الفصل بين شخصك و سيارتك وبين شخصك و رأيك يعني لو واحد قال " راي حضرتك خطأ " مش معناه انك واحد وحش أبدا
2 - التركيييييييز في المناقشة على الفكرة فقط و الدلائل و المعلومات و ليس تصيد الأخطاء و لعبة الند بالند .
3 - تجاهل و تفادي الدخول في المناقشات غير المثمرة .... مثل " اللون البتشينجاني أحسن من اللون البمبى المسخسخ" لأنها لا تقدم ولا تؤخر و ستبقى في النهاية أراء شخصية ( أنا عن نفسي بامووووت في البمبى المسخسخ على العربية النص نقل"

4 - انتقي كلماتك ..(وخصوصا في المواضيع الساخنة) و اقرأ مشاركتك قبل ارسالها و اعلم ان النية محلها القلب و الناس ليها بالكلام اللي طالع منك .

5 - التمس حسن النية و اترك دوما مجالا للآخر لتوضيح مقصده أو حتى التراجع عن الخطأ , هجومك المضاد العنيف يمسح اي فرصة للتراجع و الاعتذار من زميلك في المنتدى .

6 - الأعضاء اصحاب المشاكل او الأسلوب الحاد ...تعامل معهم بالتجاهل / بتفادي مواضيعهم / او بالتقارير أو الشكوى عند الضرورة
ولكن لا تنزلق الى معركة او مشادة فينالك من العقاب كما نالك من الخطأ