للاسف فى الفترة الاخيرة حسيت بكده , يا حد يستفزك فى حوار او يقول كلمة سمجة مالهاش لازمة يا اما يشعلل المواضيع بطريقة سوقية و وقحة ,
مش عارف الناس دى دخيلة ولا ايه ؟؟
عرض للطباعة
للاسف فى الفترة الاخيرة حسيت بكده , يا حد يستفزك فى حوار او يقول كلمة سمجة مالهاش لازمة يا اما يشعلل المواضيع بطريقة سوقية و وقحة ,
مش عارف الناس دى دخيلة ولا ايه ؟؟
طيب ماتقدم شكوى فى العضو !!!
لو لقيت مشاركة سيئة ممكن تبعت تقرير بيها لقسم الشكاوى
بس انت معاك حق انى فى دخلاء على اسرة المنتدى الواحدة المتماسكة
تجاهل المشاركة هو الحل
مظبوط كلامك اخ ايهاب
الحل هو التجاهل التااااااااااااااااااام
ولو زود قدم تقرير مشاركه فشكوي
والله الحل الوحيد فعلا هو الشكوى والتجاهل تماما للعضو المتسبب في المشكلة
كم حاجة عن بعض أعضاء نايل موتورز....
في أي مقارنة بين العربيات..لزم تاخد بالك من:
الأوروبي (و بذات الألماني) > ياباني > كوري > ماليزي و صيني
الأوروبي هيبقي أفخم/أأمن/أجمل/أقوي/أثبت/يستحمل عن بقية البلاد التانية بغض النظر عن عمر الموديلات/الفئة اللي فالمقارنة.
أي عربية تشيكي أو أسباني ولا صيني ليها دعوة بألمانيا يبقى على طول أحسن من بقية البلاد اللي ذكرتها فالأول.
دايماً الأوروبي مش واخد حقه في البلد دي...و دايماً كل الناس بتشتري عمياني بقية إلبلاد حتى لو وحش.
الأوروبي بريستيج و خالي بالك من بريستيج دي ، الباقي بقى قلة قيمة....
طبعاً اللي اتقال على الأوروبي بينطبق على البلد اللي بعده و اللي بعده....
و فالأخر لو خالفت أي نقطة من اللي فوق....يبقى إنت أكييييد غلط.
في النهاية كلنا اخوة واصدقاء
اتفق مع كلام الاخ Mohamed_SlvrLan99 اتفاق كامل
ممكن اقول رأى
لأنى واحد من الكتير اللى بيتعرضوا للمواقف ديه
وللاسف مش فى المنتدى بس
مصر كلها دلوقتى كده(محدش طايق حد)
وجربت كتير
الخناق
التجاهل
والحمد لله وجد الحل فى كتاب الله
أعوذ بالله من الشيطان الرجيم
بسم الله الرحمن الرحيم
(ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)
صدق الله العظيم
. (فصلت:34).
جربوها يا جماعه
الدنيا واسعه لينا كلنا
من حق كل واحد يقول رأيه
ولو زق فيك
أشكره
بأدب
وشوف رد فعله
أعوذ بالله من الشيطان الرجيم
بسم الله الرحمن الرحيم
{هَلْ جَزَاء الْإِحْسَانِ إِلَّا الْإِحْسَانُ}
صدق الله العظيم
... [الرحمن: 60].
لا اله الا انت سبحانك انى كنت من الظالمين
ربنا يهدي النفوس الناس بقت تتخانق و السلام و تجر في الشكل في الشارع و النيت كمان ربنا يصبرنا و نطول في بالنا و نهدي النفوس
طيب .........
انا عندي شوية نصايح لتفادي المشاكل :
1 - الفصل بين شخصك و سيارتك وبين شخصك و رأيك يعني لو واحد قال " راي حضرتك خطأ " مش معناه انك واحد وحش أبدا
2 - التركيييييييز في المناقشة على الفكرة فقط و الدلائل و المعلومات و ليس تصيد الأخطاء و لعبة الند بالند .
3 - تجاهل و تفادي الدخول في المناقشات غير المثمرة .... مثل " اللون البتشينجاني أحسن من اللون البمبى المسخسخ" لأنها لا تقدم ولا تؤخر و ستبقى في النهاية أراء شخصية ( أنا عن نفسي بامووووت في البمبى المسخسخ على العربية النص نقل"
4 - انتقي كلماتك ..(وخصوصا في المواضيع الساخنة) و اقرأ مشاركتك قبل ارسالها و اعلم ان النية محلها القلب و الناس ليها بالكلام اللي طالع منك .
5 - التمس حسن النية و اترك دوما مجالا للآخر لتوضيح مقصده أو حتى التراجع عن الخطأ , هجومك المضاد العنيف يمسح اي فرصة للتراجع و الاعتذار من زميلك في المنتدى .
6 - الأعضاء اصحاب المشاكل او الأسلوب الحاد ...تعامل معهم بالتجاهل / بتفادي مواضيعهم / او بالتقارير أو الشكوى عند الضرورة
ولكن لا تنزلق الى معركة او مشادة فينالك من العقاب كما نالك من الخطأ
هو فعلا فى ناس هدفها بس اشعال الفتن
لازم نتجاهلهم لحد ما يزهقوا
وبالنسبة للتعصب كل واحد يفتكر بس انه صاحب العربية مش صاحب الماركة
ولو ربنا فتحها عليه هيغير العربية ويجيب احسن منها
الموضوع بسيط هو مش لازم انك تدخل فى مشاحنات مع حد!
الكلام اللى ميعجبكش متردش عليه و خصوصا ان الواحد داخل يفيد و يستفيد!
هى العملية مش ناقصة
الحل هو تقرير بمشاركه سيئه وعلى الاداره الباقي
رأيي ان الموضوع واخد اكبر من حجمه ...
حضرتك لما يحصل موقف زي كدا حاول تطنشها ..
بس كدا
دا ناتج من اختلاف الثقافات و اختلاف الطرق في التعبير عن الرأي
و الحل افتراض حسن النية
طيب راجعو الموضوعين دول كده و شاركو برضو يمكن نعمم الاستفاده
http://www.nilemotors.net/Nile/showthread.php?t=34711
http://www.nilemotors.net/Nile/showthread.php?t=29412
http://www.nilemotors.net/Nile/image...ons/report.gifدا يا جماعه الزرار اللي بيتبعت بيه تقرير المشاركه السيئه
بتدوس عليه وتكتب تعليقك عن الموضوع
مش شرط انها تكون اهانه موجهه ليك
ممكن يكون موضوع شائك اتفتح
او مخالف لقوانين المنتدي
او للاخلاق
او لاي حاجه غير متوافقه مع عاداتنا وتقاليدنا
فبدل ما واحد يشتمك وتدخل تشتمه وبعد كده في الاخر لما تزهق تبعت التقرير وتاخدوا انتم الاتنين جزائات
او حد تاني يبعت التقرير وتاخدوا انتم جزائات
بكل بساطه حتدوس عليه http://www.nilemotors.net/Nile/image...ons/report.gifوحتبعت تقرير للاداره
ودي اكتر طريقه فعاله علشان الاداره والمشرفين مش بيقدروا يتابعوا كل المواضيع في وقت واحد
فبكده انت بتديهم ضوء احمر ان فيه مشكله او مخالفه او اي وضع غير سوي وتبقي عملت اللي عليك
متنسوش شكله علشان فيه ناس متعرفش دا بتاع ايه ولا وظيفته ايه
http://www.nilemotors.net/Nile/image...ons/report.gifhttp://www.nilemotors.net/Nile/image...ons/report.gifhttp://www.nilemotors.net/Nile/image...ons/report.gifhttp://www.nilemotors.net/Nile/image...ons/report.gifhttp://www.nilemotors.net/Nile/image...ons/report.gifhttp://www.nilemotors.net/Nile/image...ons/report.gifhttp://www.nilemotors.net/Nile/image...ons/report.gif
http://www.nilemotors.net/Nile/nile/buttons/report.gif وهو ده في الشكل الجديد
انت لسة عايش في القديم زي حالاتي
نعم ناس كثيرة هاجرت نهائى من المنتدى وذهبت الى منتديات اخرى نهائيا بسبب ما قلته فى مشاركتك
واخرين زوار فقط يقرأ او يعلق على الموضوع فقط
انما لا يكتب اى مشاركة جديدة نهائيا
تجاهل مشاركتة احسن حاجة ياريت انا عن نفسى اعرف اعمل كدة
بصراحة انا شايف ان جميع المواضيع المهمة والقوية فى الاجتماعى والاخبار المنقولة بتنتهى بالغلق والمشاكل بين الاعضاء
المشكلة بقى الحقيقية فى الموضوع دة ان اغلب اعضاء المنتدى من الحاصلين على اعلى الشهادات الجامعية وفى مناصب محترمة ومرموقة والخلافات بينهم بنحصل وبتتطور لمشاكل وغلق الموضوع
يبقى الراجل الجاهل او الحاصل على قسط قليل من التعلم هيتفاهم مع غيرة ازاى؟؟؟؟
الاحترام دا حاجه ملهاش شهاده علميه يا باشا
لو حصلت خناقه بين دكتور في ارقي الجامعات وواحد جاهل
والدكتور قعد يسب في ويلعن اسلافه والجاهل قاله الله يسامحك
بيتهيالي ساعتها حنقدر مقرر مين المحترم فيهم
كمان احنا فينا مشكله كبيره جدا
ساعه النرفزه مبنعرفش نلم نفسنا شويه علي ما نفكر هل ينفع نتكلم دلوقتي ولا لاء
يا ريت نحكم عقولنا قبل صوابعنا ما تكتب الرد
او علي الاقل نفكر الاول هل الرد ده حيكون مردوده ايه
ممكن واحد ينرفزني جدا بفتيه وجهله ودا بيحصل معايا كتير جدا
وردي عليه حيولع الدنيا
فبسكت واسيبه يغرق في جهله لحد ما ييجي زي القطه كده ويدلدل ودانه علشان يسمعني وياخد برايي
وفيه واحد مكلفش نفسي وارد عليه علشان حولع حريقه
والوقت اللي حرد عليه فيه ممكن اعمل اي حاجه مهما كانت تافهه اكيد حتكون اولي اني اديلها اهتمامي الشويه دول بدل ما اغلط في الناس
خلاصه كلامي
يا ريت لو نفكر قبل ما نتكلم علشان حنستفيد كتير
شكل للبيع ...:44: شكل للبيع :049: عرض خاص لاعضاء المنتدى كل 2 شكل تاخد بونيية مجانية :b4_444: حد لية شوء فى حاجة:b4_237:
:taz:هوانتوا خفتو ولا أيية دانا كنت بهزر والله :banana: دانا مش بتاع مشاكل خالص:k7:انا حبيت اهدى النفوس
برجاء مراعاه كتابه لفظ الجلاله بشكل صحيح
مشرف القسم 3