كنت هرتكب جريمه النهاردة

**Dr_Mido** · 09-05-2009 05:26 PM

النهاردة كانت هرتكب جريمه فى حق سواق ملاكى

انا عربيتى بتتصلح بقالها شهر علشان بعكلها عمرة وبرشها وبتاع
المهم والدتى وزميلتها وبنت زملتها كانو عندى فى الجامعه بيسالو عتلى حاجات لبنتها علشان هتحول وروحت معاهم وانا اللى سقت انا ماشى عادى جدا ومفيش ولا ملف ولا اشارة ولا تغيير حارة اساسا من اول الشاراع والاقى واحد حيوان طالع من يمينى و بيشتم وانت بن تيت وتيت وتيت
دة لو انا خبطله عربيته ميقلش كميه الشتايم دى
انا اول دقيقه مجمعتش تانى دقيقه كنت زانق عليه ومدخلله فى صندوق زباله على جنب الطريق ونزلته من العربيه ولاول مرة اضرب حد بكميه الافتراء دى

ناس من قهوة قريبه سلكوة منى و سابوة هو يطلع قبلى هربوة يعنى

والله حظه انها مكانتش عربيتى كنت هضربه بالنار لو عربيتى علشان انا بشيل السلاح فى العربيه عمرى محبيت امشى بيه

ولغريب انا لحد دلوقتى مستنى اشوف خياله فى المنطقه كلها علشان لو شفته تانى هكمل عليه

دة ان دل بيدل على ان مستويات التربيه انحطت جدا

**M.almaghraby** · 09-05-2009 05:32 PM

ولا يهمك يا معلم بس انتا ضربتو برده اهو كويس يعني.....

متتضايقش و اعرف اننا في بيئة منحطة......و جيب عصاية baseball بدل المسدس دا :)

09-05-2009 05:33 PM

" القوي منكم من ملك نفسه عند الغضب "

صدق رسول الله صلّى الله عليه وسلم

حاول تهدى يا (دكتور)

**Abdo_Eldesokey** · 09-05-2009 05:50 PM

المشاركة الأصلية كتبت بواسطة khaled lanos

" القوي منكم من ملك نفسه عند الغضب "

صدق رسول الله صلّى الله عليه وسلم

حاول تهدى يا (دكتور)

تصحيح

قال رسول الله صلى الله عليه وسلم
" ليس الشديد بالصرعة ولكن الشديد من يملك نفسه عند الغضب "
صدق رسول الله صلى الله عليه وسلام

طبعا ً يا دكتور أنا لو كنت مكانك أكيد بردوا كنت هعمل كده ، لأنى محبش حد يشتمنى وأسيبه ، فما بالك لو معملتلوش حاجة ؟؟

لكن الأحسن من كده بقى .. إنك تبقى قادر عليه وتسيبه ، أكيد دي ثوابها عند ربنا كبير

ويمكن ربنا يحوش عنك في يوم من الأيام موقف كنت هتبقى فيه الضحية

**أشرف فتحى** · 09-05-2009 06:01 PM

أستاذى الفاضل:-

لو كل واحد قابلته فى الشارع عصبك وخرجك عن شعورك ووصلك للى حكيت عليه دلوقتى..قبل ما تخلص جامعه هتكون قتلت قتيل!!!!

معلش انا ممكن أقولك أصل الناس دى متربتش والشارع بقى مليان معرفش أيه...!

بس عندنا فى الفلاحين بيقولوا يا بخت من بكانى وبكى عليا !!!

الدنيا فيها وفيها وهيقابلك من كل لون يعنى حضرتك بتقول لو معايا سلاح كنت قتلت قتيل !!!طبعا ده مش صح !!حضرتك لازم تكون أهدى من كده !!

انا كان معايا والدتى فى العربيه وواحد رمى عليا بغباء مع العلم انه كان شاب صغير ..تفتكر عملت ايه؟

جيت جنبه بالراحه وعاتبته بالذوق...حضرتك لما تحب تأخد الشمال ومن اليمين مش المفروض تدى إشاره؟!
راح مشاورلى بأيده (مشوحلى!)

طبعا كنت هاين عليا أطلعه على الرصيف بس مسكت نفسى وقلت حسبى الله ونعم الوكيل!!!

تعرف عند اول إشاره لقيته جى جنبى وبيعتذرلى وبيعتذر لوالدتى اللى جنبى "معلش أنا أسف أصل انا متضايق وسمعت خبر وحش...حقك عليا!"

تفتكر لو طاوعت شيطانى كنت عملت فيه أيه؟
علما بانى أفصل منه تلاته!!

أقولك حاجه تانيه؟

كنت لسه راشش العربيه وملمعها وجى فرحان بيها وواحد معاه 124 دخلى فيها وعملى فتحه فى رفرف اللانوس زى ما بتفتح علبه التونه ومن حرقتى على العربيه سحبت مفتاح العجل وكنت نازل ادغدغله العربيه وأحرق قلبه عليها لولا الناس حاشونى عنه وبعدين لما نزل إعتذرلى بأدب وكان مستعد يعملهالى على حسابه وعصبيتى عمتنى عن عكازين موجودين فى العربيه وبعدين لما اتقابلنا عند السمكرى إكتشفت أنه معوق ولسه شارى العربيه!!!

على فكره هو اللى إتصل بيا عشان اقابله عند السمكرى تانى يوم !!....
تفتكر لو كسرتله الفوانيس والعربيه كلها كنت هحس بأيه دلوقتى؟!

هدى نفسك ومتطاوعش شيطانك!!

تذكر حديث الرسول "ماذا تعدون الصرعه فيكم..قلنا من لا تصرعه الرجال..قال بل من يملك نفسه عند الغضب"
وروى كذلك أن أحد الصحابه سأل الرسول النصيحه فقال له الرسول لا تغضب ثلاث مرات.

لا تغضب..لا تغضب..لا تغضب!!

**Terrible_DaRsH** · 09-05-2009 06:01 PM

يعنى انا النهارده شفت بتاع 9 خناقات . ادخل المنتدى الاقيهم 10 :)

بلاش تعصب يا دوك ... الناس دى نوعيتها كتيرة اوى .

**Ahmed Samy** · 09-05-2009 06:04 PM

المشاركة الأصلية كتبت بواسطة Dr_Mido

النهاردة كانت هرتكب جريمه فى حق سواق ملاكى

انا عربيتى بتتصلح بقالها شهر علشان بعكلها عمرة وبرشها وبتاع
المهم والدتى وزميلتها وبنت زملتها كانو عندى فى الجامعه بيسالو عتلى حاجات لبنتها علشان هتحول وروحت معاهم وانا اللى سقت انا ماشى عادى جدا ومفيش ولا ملف ولا اشارة ولا تغيير حارة اساسا من اول الشاراع والاقى واحد حيوان طالع من يمينى و بيشتم وانت بن تيت وتيت وتيت

دة لو انا خبطله عربيته ميقلش كميه الشتايم دى
انا اول دقيقه مجمعتش تانى دقيقه كنت زانق عليه ومدخلله فى صندوق زباله على جنب الطريق ونزلته من العربيه ولاول مرة اضرب حد بكميه الافتراء دى

ناس من قهوة قريبه سلكوة منى و سابوة هو يطلع قبلى هربوة يعنى

والله حظه انها مكانتش عربيتى كنت هضربه بالنار لو عربيتى علشان انا بشيل السلاح فى العربيه عمرى محبيت امشى بيه

ولغريب انا لحد دلوقتى مستنى اشوف خياله فى المنطقه كلها علشان لو شفته تانى هكمل عليه

دة ان دل بيدل على ان مستويات التربيه انحطت جدا

هو حضرتك ...

مبسوط ؟

يعنى شايف ان الراجل لما شتمك (و انت مش عارف ليه) يبقى حيوان و مش متربي

لكن حضرتك لما تدخله في صندوق زبالة و تنزل تهريه ضرب (من غير حتى ما تعرف انت عملت فيه ايه علشان يشتمك) تبقى حضرتك كده متربي و متحضر ...

انا مش معترض انك تتصرف كده ...(اي واحد فينا كان ممكن يغلط زيك) بس هاروح البيت و أسأل نفسي هو مين ليه حق عند التاني قدام ربنا دلوقتي

و ماتنساش انك ممكن تكون عملت اي حاجة و انت مش واخد بالك (زنقت عليه أو هديت جامد وهو وراك وممكن يكون مش طايقك و نت ما تعرفش)

طبعا هو قليل الأدب انه شتمك ...بس علشان موضوعك كان يبى ليه لازمة و معنى ....كنت حضرتك تعمل بأصلك و تقوله الله يهديك و كلنا كنا هانقولك يسلم فمك يا دكتور ... وهو ده العقل

وكنت اشتم في التربية و المستوى المنحط بتاع الناس براحتك بقى

انما دلوقتي .....

عادي واحد شتم واحد قام التاني نازل مكومه ضرب .... ايه رأيك في الاتنين !!

**Dr_Mido** · 09-05-2009 06:23 PM

المشاركة الأصلية كتبت بواسطة DRguevara

ولا يهمك يا معلم بس انتا ضربتو برده اهو كويس يعني.....

متتضايقش و اعرف اننا في بيئة منحطة......و جيب عصاية baseball بدل المسدس دا :)

ولله دة اللى بينفع اليومين دول

**Dr_Mido** · 09-05-2009 06:25 PM

المشاركة الأصلية كتبت بواسطة khaled lanos

" القوي منكم من ملك نفسه عند الغضب "

صدق رسول الله صلّى الله عليه وسلم

حاول تهدى يا (دكتور)

انا بطبعى هادى بس الغلط بالمنظر دة وفى الام وهى قاعدة جنبى دة انا اروح فيه السجن

**Dr_Mido** · 09-05-2009 06:27 PM

المشاركة الأصلية كتبت بواسطة Abdo_Eldesokey

تصحيح

قال رسول الله صلى الله عليه وسلم
" ليس الشديد بالصرعة ولكن الشديد من يملك نفسه عند الغضب "
صدق رسول الله صلى الله عليه وسلام

طبعا ً يا دكتور أنا لو كنت مكانك أكيد بردوا كنت هعمل كده ، لأنى محبش حد يشتمنى وأسيبه ، فما بالك لو معملتلوش حاجة ؟؟

لكن الأحسن من كده بقى .. إنك تبقى قادر عليه وتسيبه ، أكيد دي ثوابها عند ربنا كبير

ويمكن ربنا يحوش عنك في يوم من الأيام موقف كنت هتبقى فيه الضحية

انا عاارف كلا دة وعارف انى غلطان بس كل واحد وليه حد اقصى للسيطرة على اعصابه

الموضوع: كنت هرتكب جريمه النهاردة

LinkBack

أدوات الموضوع

عرض

كنت هرتكب جريمه النهاردة - انشر الموضوع فى :

-

-

-

-

-

-

-

المواضيع المتشابهه

تفاصيل جديده فى جريمه قتل السادات

جريمه عفشه السيراتو !!!!!!!!!!!!!!!!

هعمل جريمه سامحنى يارب

انا دمى محروق و ممكن ارتكب جريمه انهارده

الكلمات الدلالية لهذا الموضوع

المفضلات

المفضلات

ضوابط المشاركة