الموضوع: اسئلة عن الجين 2

مش حكاية توكيل ممكن يكون حظك و انت رايح التوكيل يكون المهندس هناك ابن حلال تخلص امورك في السريع
و ممكن تلاقي مهندس تاني يطلعلك العفاريت الزرق

الكلام دا في اي توكيل

دا وارد جداا و كلام سليم

احسن حل صلى صلاه استخاره و ربنا هيعمل اللى فيه الخير ان شاء الله

المشاركة الأصلية كتبت بواسطة zizotheking

يا جماعة شكرا جدا بجد علي ردودكم

توكيل احسن من الاكسنت ...

بس اللي سمعته وقريته في المنتدي هنا بيقول ان التوكيل بتاعها وحش جدا

المشاركة الأصلية كتبت بواسطة Ahmed_SpY

التوكيل وحش فعلا دى حقيقة

انا بتكلم فى نقطة الصيانات العاديه ...

عز العرب ماعليهوش ضغط زى غبور ....وبالتالى مش هضيع وقت زى اللى هضيعه لو بتعمل صيانتك مع غبور.

انا ماتعملتش مع غبور عشان اقدر احكم عليه بشكل كامل

بس -عز العرب- فقط اللى يعيبه بطىء فى استيراد قطع الغيار .... وبطىء فى تحسين الورش....

انما غير كده جيد ...سواء مهندسيين او خدمه

المشاركة الأصلية كتبت بواسطة momenhamdy

موتور 1600 سي سي داخل المدن و 200كم لل 20 لتر
استهلاك عالي !!!!!!!!!!!!!!!

نعم استهلاك عالي جدا، لاحظ يا عزيزي اننا نتحدث عن سيارة حقن إليكتروني متعدد النقاط و لا نتحدث عن سيارة بيجو 79 كاربيراتير و لا حتى اوبل 98 بالحقن احادي النقاط - لا أدري إن كانت هذه التسمية الصحيحة لذلك أم لا - .

يا جماعة عز حلو في كل حاجة ما عدا قطع الغيار و بصراحة مش كلها حاجات قليلة جدا

المشاركة الأصلية كتبت بواسطة saidbakr

نعم استهلاك عالي جدا، لاحظ يا عزيزي اننا نتحدث عن سيارة حقن إليكتروني متعدد النقاط و لا نتحدث عن سيارة بيجو 79 كاربيراتير و لا حتى اوبل 98 بالحقن احادي النقاط - لا أدري إن كانت هذه التسمية الصحيحة لذلك أم لا -

.

اهلاً بيك يا استاذ سعيد
انا حقولك علي حاجة ادخل علي منتدي
الاوبترا - الصني - الانسر
و شوف معدل الاستهلاك داخل المدينه اد ايه
لو لاقيت ان داخل المدينه العربيه بتعمل اكتر من 200 ال 240 كم داخل البلد اقول الي حضرتك عاوزه

معادا التويوتا الكورولا و الياريس لان التكونولوجيا الموتور مختلفه و هي ال Dual VVTI الي موجوده في الكورولا و طبعاً بتوفر اكتر من اي عربيه اخري في نفس الفئه

و تقبل تحياتي

المشاركة الأصلية كتبت بواسطة zizotheking

جزاكم الله خيرا يا جماعة ..

بصراحة انا شوفت مواضيع وردود هنا كتير عن انطباعات الناس عن الجين
ومقلق جدا جدا
صحيح فيه ناس بتقول ان مشاكل التقفيل قلت في موديل 2009 وحتي لو موجودة سهلة التصليح في صيانة الالف
لكن فيه ناس كتييير اشتكت م الموتور والبطارية و و و
فبصراحة خايف اجيب جين 2 تطلع خربانة وابقي صرفت فلوس علي الفاضي

اهلاً بيك معانا يا باشا

اولاً مع احترامي لرأي حضرتك مفيش اي حد اشتكي من موتور العربيه

ثانياً بالنسبه للبطارية مفيش عربيه البطاريه بتاعتها سايله بتعمر اكتر من سنة و نصف
و المشاركه الي حضرتك شفتها دي البطارية فصلت بعد 14 شهر و متنساش ان العربيه دي كانت مركونه فتره طويله و اكيد البطاريه فقدت جزء من صلاحيتها

بالنسبه للموضوع الخاص بالتقفيل زي ما حضرتك قولت و هي في صيانه الاولي كله بيكون تمام

و اي اسئله اخري انا تحت امرك

و تقبل تحياتي

على فكره انا سالت اثنين معايا فى الشغل واحد معاه فيرنا والثانى النترا والاثنين 1600 عن التوكيل والصيانه عامله ازاى مع غبور وكان ردهم انه واحد فيهم قاللى عاوز حد فى غبور فى ابو رواش علشان عاوز اعمل صيانه (يعنى لو معاك واسطه ممكن تخلص بدرى) والثانى قاللى هو توكيل كويس يعنى بتحجز بالتليفون وبتكون شايف العربيه من الاستراحه من فوق بس فى كل الاحوال واحسنها مش أقل من اربع ساعات علشان تخلص وتمشى لانه عنده ضغط جامد

وعلى فكره استهلاك الالنترا للبنزين زى ما قال صاحبها جوه البلد هو 200كم فى الصفيحه

معنى كده ان الجين2 عربيه محترمه جدا وتستحق المنافسه بقوه مع مثيلاتها فى مصر

تحياتى