هل موتورها انجكشن ؟
ايه معدل استهلاك البنزين بتاعها ؟ عالي ولا متوسط ؟
تنصحوني اجيبها ولا اجيب هيونداي نيو اكسنت ؟ بصراحة كده يعني :w6266d
عرض للطباعة
هل موتورها انجكشن ؟
ايه معدل استهلاك البنزين بتاعها ؟ عالي ولا متوسط ؟
تنصحوني اجيبها ولا اجيب هيونداي نيو اكسنت ؟ بصراحة كده يعني :w6266d
انا فى رأيي الهيونداى مش عربية حلوة اصلا ده اولا ثانيا منتشرة جداااااااااااااا كل الناس راكبة هيونداى المفروض تركب حاجة مختلفة
و الجين 2 ماتورها ما شاء الله حلو جدااااااااااااااااااااااا اااااااااااااااااااااا و شكلها جامد اخر حاجة
ده رأيي و انا بحترم طبعا اى رأيي تانى مخالف ليا
اه بالنسبة للبنزين
لو انت دوست على دواسة البنزين جامد و بتحرق بالعربية هيبقى استهلاك عالى انما لو بتدوس عادى و بتمشى عادى هيبقى استهلاك متوسط
فنان ياباشا...عاوزين نشوفك دايما يا احمد
+10000000000000
الله ينور ياميمـــو :k49:
---------------------------------
اضيف حاجه بسيطه بس
النيو اكسنت اظن ان موتورها انعم واستهلاكه اقل لانه فى تكنولوجيا احدث ... وعفشتها انعم
انما الجين ... موتورها -لـوتـــس- يعنى انجليزى يعنى يستحمل الضغط والحرق والهبد ومايقولش لا:049:
كماليات اكتر من الاكسنت.... عوامل امان اكتر من الاكسنت ...توكيل احسن من الاكسنت ..... شكلها احسن من الاكسنت (راى شخصى)...ثبات الجين طبعا لايقارن...عفشه رياضيه تصميم لوتس....
وحته ان كل الناس بتفهم فى الهيونداى ...دلوقتى بقى فى ميكانيكيه برا التوكيل شاغلين فى بروتون...وقطع غيارها بقيت منتيره وارخص من التوكيل بكتير وافضل كمان فى الخامات.
يارب اكون قدرت افيدك
تحيــــــــاتــى
انا من وجهة نظري ان استهلاك عربية 200 كيلو في الصفيحة داخل المدن يعتبر استهلاك عالي جدا و غير مقبول.
لا هو مش عالى جداا للدرجة دى
ممكن عشان توفر تقلبها غاز
طبعا السحب هيقل جدا و مش هتبقى كويسة زى البنزين بس هتوفر كتييير بس هى فى كل العربيات مش الجين 2 بس حاجة على حساب حاجة اكيد العربية استهلاكها مش هيبقى عالى على الفاضى اكيد مش و هما بيصنعوها بيقولو احنا نعلى البنزين على الناس بس عشان هى بتديك الاداء اللى انتا عايزو و اكتر كمان فا لازم حاجة على حساب حاجة
يا جماعة شكرا جدا بجد علي ردودكم
بس اللي سمعته وقريته في المنتدي هنا بيقول ان التوكيل بتاعها وحش جدا
توكيل احسن من الاكسنت ...
التوكيل وحش فعلا دى حقيقة
بس انا معرفش الهيونداى ايه نظام التوكيل بتاعها عشان اقارن بينهم ممكن برضو ميبقاش حلو
مش حكاية توكيل ممكن يكون حظك و انت رايح التوكيل يكون المهندس هناك ابن حلال تخلص امورك في السريع
و ممكن تلاقي مهندس تاني يطلعلك العفاريت الزرق
الكلام دا في اي توكيل
دا وارد جداا و كلام سليم
احسن حل صلى صلاه استخاره و ربنا هيعمل اللى فيه الخير ان شاء الله
انا بتكلم فى نقطة الصيانات العاديه ...
عز العرب ماعليهوش ضغط زى غبور ....وبالتالى مش هضيع وقت زى اللى هضيعه لو بتعمل صيانتك مع غبور.
انا ماتعملتش مع غبور عشان اقدر احكم عليه بشكل كامل
بس -عز العرب- فقط اللى يعيبه بطىء فى استيراد قطع الغيار .... وبطىء فى تحسين الورش....
انما غير كده جيد ...سواء مهندسيين او خدمه
جزاكم الله خيرا يا جماعة ..
بصراحة انا شوفت مواضيع وردود هنا كتير عن انطباعات الناس عن الجين
ومقلق جدا جدا
صحيح فيه ناس بتقول ان مشاكل التقفيل قلت في موديل 2009 وحتي لو موجودة سهلة التصليح في صيانة الالف
لكن فيه ناس كتييير اشتكت م الموتور والبطارية و و و
فبصراحة خايف اجيب جين 2 تطلع خربانة وابقي صرفت فلوس علي الفاضي
يا جماعة عز حلو في كل حاجة ما عدا قطع الغيار و بصراحة مش كلها حاجات قليلة جدا
اهلاً بيك يا استاذ سعيد
انا حقولك علي حاجة ادخل علي منتدي
الاوبترا - الصني - الانسر
و شوف معدل الاستهلاك داخل المدينه اد ايه
لو لاقيت ان داخل المدينه العربيه بتعمل اكتر من 200 ال 240 كم داخل البلد اقول الي حضرتك عاوزه
معادا التويوتا الكورولا و الياريس لان التكونولوجيا الموتور مختلفه و هي ال Dual VVTI الي موجوده في الكورولا و طبعاً بتوفر اكتر من اي عربيه اخري في نفس الفئه
و تقبل تحياتي
اهلاً بيك معانا يا باشا
اولاً مع احترامي لرأي حضرتك مفيش اي حد اشتكي من موتور العربيه
ثانياً بالنسبه للبطارية مفيش عربيه البطاريه بتاعتها سايله بتعمر اكتر من سنة و نصف
و المشاركه الي حضرتك شفتها دي البطارية فصلت بعد 14 شهر و متنساش ان العربيه دي كانت مركونه فتره طويله و اكيد البطاريه فقدت جزء من صلاحيتها
بالنسبه للموضوع الخاص بالتقفيل زي ما حضرتك قولت و هي في صيانه الاولي كله بيكون تمام
و اي اسئله اخري انا تحت امرك
و تقبل تحياتي
على فكره انا سالت اثنين معايا فى الشغل واحد معاه فيرنا والثانى النترا والاثنين 1600 عن التوكيل والصيانه عامله ازاى مع غبور وكان ردهم انه واحد فيهم قاللى عاوز حد فى غبور فى ابو رواش علشان عاوز اعمل صيانه (يعنى لو معاك واسطه ممكن تخلص بدرى) والثانى قاللى هو توكيل كويس يعنى بتحجز بالتليفون وبتكون شايف العربيه من الاستراحه من فوق بس فى كل الاحوال واحسنها مش أقل من اربع ساعات علشان تخلص وتمشى لانه عنده ضغط جامد
وعلى فكره استهلاك الالنترا للبنزين زى ما قال صاحبها جوه البلد هو 200كم فى الصفيحه
معنى كده ان الجين2 عربيه محترمه جدا وتستحق المنافسه بقوه مع مثيلاتها فى مصر
تحياتى
الجين 2 افضل من النيو اكسنت
بعدم المقارنات الى عملتها ليهم وانا بشترى عربيتى البيرسونا الى هى جين 2 سيدان
وطبعاً انا بنيت مقارنتى على الامكانيات والاداء
وبصراحة ماشاء الله عربية حكاية ربنا يباركلنا فيها اجمعين
بس فعلا بعد مسالت الناس وشورتهم وعملت استخارة ربنا وفقنى لاختيارها وانا مرتاح البال بفضل الله :B4_048:
بس خد بالك انا العربية فيها عيوب تقفيل بسيطة بتتحل فى التوكيل مع صيانة الالف كيلو وممكن تجيلك من غير ولا مشكلة بس متقلقش خالص عيوب بسيطة فى التقفيل وتتحل علطول
انا حبيت افهمك النقطة الى فاتت كويس علشان تبقى عارف كويس مزايها وعيوبها
وليا اقتراح كمان : انك تدخل على منتدى هيونداى وجواه تسال اصحاب الاكسنت عن الاداء والعيوب واسعار قطع الغيار
وكمان تروح معرض بيبع العربيتين دول وتركب كل واحدة منهم ده هيفرق معاك كثييييييييييييييييييييييي ر جدا
وربنا يوفقك الى ما فيه الخير
أسامة شحاتة
التوكيل فى تطور ولضيق المكان ومبيعات العربية الكتيرة عليهم ....قريبا جداا المركز الجديد هيكون قادر على استيعاب اعداد اكتر لكن الضمان عندهم حقيقى بيغير اى حاجة فى الضمان بدون تكلفة ولا تكلفة مصنعية زى توكيلات اخرى تغير فى الضمان وتحسب مصنعية ...كمان غبور سىء وعن تجربة والكل عارف كدة :11:
ربنا يوفق