الموضوع: تركيب باور في لانوس 2

بص حضرتك التكلفة كالاتى
1- اسكاترا 1600 جنيه
5-طرمبة 500 جنيه
3- مواسير حوالى 170 : 200 جينة
4- القربة مش عارف تمنها كام بالظبط
والأسعار دى بالنسبة للجديد هو فى الغلب الموضوع بيكلف من 2500 : 3000 جنيه

معلش انا عندي استفسار ...هو فيه لانوس من غير باور وتكييف !!!!!! انا اول مره ااسمع عنها ...ممكن اعرف حضرتك اشتريتها من مصر ولا استيراد ولا ايه ؟ وممكن شوية تفاصيل عنها ؟ وكام سي سي

ايه يا جماعه احبطوا الرجال بدل ما تساعدوه

هي فعلا دفعة نازلة للجيش ، و زي ما ا / محمد ممدوح قال هي موتورها 1500 و هي زي اللانوس العادية خالص بس الفرق ان مفيهاش باور و تكييف ، بس صاحبها الولاني ركب تكييف وبالنسبة للباور هي مش تقيلة اوي بس بحس بانها تقيلة لما باسوق مسافة اكبر من 200 كيلو متواصل بالاقي ايديا تعبت اوي وانا اشتريتها من حوالي شهرين و كان سعرها كويس وحسيت انها فرصة عشان سعرها كويس وعارف أصلها فتوكلت على الله واشتريتها

يا ريت لو حد يعرف سعر الحاجة بتاعت الباور استيراد عشان متهيألي الاسكاترا ارخص من كدة

وبالنسبة للعربية انا اشتريتها كان سعرها 41 ألف موديل 2002 فابريكة بالكامل خوارج ودواخل عاملة 77 ألف كيلومتر و كل حاجة فيها فابريكة و معاها المانوال بتاعها وكل حاجة ، متهيألي انها كدة مناسبة ولا انتوا ايه رأيكم؟