اتفرج يا سيدي : المرور مش هايرخص الزجاج الملون الفابريكة

سبحانك يارب ......


ارسل اللواء محمد منصور مدير الإدارة العامة للمرور خطابا لمصلحة الجمارك معناه باختصار و بالبلدي كده

لأن الناس بتستهبل و انتوا عندكو موظفين مرتشين فالمرور مش هايقبل اي افراج جمركي لعربية مكتوب فيه "زجاج ملون" أو " دعامات جانبية"


يعني .......

لو حضرتك اشتريت عربية لاند كروزر فيها عتب و قزاز ملون مش هايتثبتوا في الرخصة ...

و طبعا كل يوم هاتبقى و جبة شهية لكلاب السكك

و كل كمين يتسلى عليك شوية



انا مش فاهم هو الموضوع بقى خلاص بالدراع للدرجة دي ؟؟؟

يعني لازم شركة أجنبية زي بي ام مثلا توريهم العين الحمرا زي نوكيا علشان كل واحد يتلم و يفوق و يعرف ان الله حق .....


البلد دي عاوزة بلف

انا قلت انا مليش عيش فيها بعد كده

ارض الله واسعة

اقتباس:

---

المشاركة الأصلية كتبت بواسطة Ahmed Samy

البلد دي عاوزة بلف

---

:biggrin::biggrin::biggrin::biggrin::biggrin::bigg rin::biggrin::biggrin::biggrin::biggrin:

ههههههههههههههههههههههههه ههههههههههههه

فعلاَ و الله .

طب يعني فيه عربيات كتير نازلة متفيمة .. الواحد يعمل إيه

منها الجالينا و الماتيريا .. الواحد يكسر الإزاز ولا يعمل إيه .

سيبك من الموضوع .. المهم البلف هيغطى ايه ولا ايه .

و يا ترى اولاد الزوات هيمشوا من زجاج ملون و عتب ؟؟؟ دى تبقي مزهلة !!

انا بقول ناخد اجازة فترة من الأخبار اللى تــفــــــــقــــــع دى لأنى تعبت

أجازة من ايه ........

ماهي البلاوي دي احنا عايشين فيها

يعنى ضرر مباشر

ياريت ينفع الواحد ما خدش باله

أهم حاجة يكون بلف ألمانى......عشان ميسربش تانى

الناس اللي شغالة في الحكومة دول مش عارف بيجيبوا الأفكار الجهنمية دي منين ؟؟؟؟

طيب رئيس المرور الفاضل بدل ما هو مزعل نفسه قوي كدا على موضوع الفاميه أيا يكن أصلي أو غير أصلي
ليه ما يشددش على استخراج الرخص اللي بتتطلع بالكوسة و عيني عينك كل يوم .
و يخرج الشارع ناس مش بتعرف تسوق نهائي و فيه ناس بتخرج الرخص من غير حتى ما تمتحن الامتحان الاهبل اللي هما حاطينه
هو أصلا أمتحان زي قلته ..
يعني اللي يمتحنه زي اللي ما يمتحنوش .
مش ده الأمتحان اللي يبين و يوضح أن كان المتقدم للأختبار بيعرف يتنيل يسوق ....... و لا لاء

سايب الموضوع ده ....... و ماسك في الفامية ؟؟؟؟؟
مع اني ضد الفاميه الغامق قوي ....
بس لازم يتم تطبيقه على الجميع ...
و أولهم ظباط الشرطة اللي بيبقوا ماشيين مفيمين العربية على أخرها ......... و النسر ملصوق على كل جزء من العربية ...

أنا مش عارف الناس اللي بتعمل كدا بتبقى عندها حالة نقص على فكرة ...
إن كان ظابط أو قاضي أو إنسان في أيده سلطة دنيوية

ربنا يهديهم و يهدينا .......


و متنسونيش بالعيش و الحلاوة يا رجالة ....
أخوكم الشهيد ......... توت :shuriken: :ph34r: :angel:

اقتباس:

---

المشاركة الأصلية كتبت بواسطة tutankhamoun

و أولهم ظباط الشرطة اللي بيبقوا ماشيين مفيمين العربية على أخرها ......... و النسر ملصوق على كل جزء من العربية ...

أنا مش عارف الناس اللي بتعمل كدا بتبقى عندها حالة نقص على فكرة ...
إن كان ظابط أو قاضي أو إنسان في أيده سلطة دنيوية

ربنا يهديهم و يهدينا .......

---

مش لازم يكون نقص
هو صحيح الفاميه الغامق جدا مش حلو
بس لو الموضوع مش فيه مخالفات انا كنت اول واحد يفيم بالدرجه اللى على مزاجى
طيب هو ممكن يفيم ومحدش هيقوله حاجة يبقى ليه لأ؟؟؟

يا جماعة صدقوني
قلت لكم قبل كده من مدة مش فاكر في انهو موضوع
القصة و ما فيها
"أريّحك ليه طالما في إيدي أتعبك"
المشكلة بقى مشكلة في إللي مش واخد باله إن هو ده (المبدأ إللي هو مش مبدأ)
حد فهم حاجة
:biggrin:

بصوا يا جماعة
احنا نعمل حملة شاملة ضد المرور و نحث كل الناس انها تفيم اخر درجة و تركب عتب و دفندرات و نغرق العربيات استكرز و ممكن نلم تبرعات و نعين مندوبين تركب للناس اللي مش قادرة و بيقي كل مندوب مسئول عن شارع معين و تكون مهمته التاكد ان كل عربيات الشارع مخالفة لقوانين المرور و ممكن في مرحلة متقدمة من الحملة نقلب اتجاهات الطرق عشان الناس تبقي ماشية عكسي دايما

طبعا اي مقترحات اضافية مرحب بيها و يا احنا يا هما

ياجماعة مش اى حاجة ننقدها ماهو الزجاج الملون بيغمق بالليل ويبقى زى الفاميه محدش يقدر يشوف الى جوه العربية وانتو عارفين البلاوى الى بتحصل فى العربيات على الطريق الدائرى وفى الاماكن الرومانسية ولا ايه.....

اقتباس:

---

المشاركة الأصلية كتبت بواسطة hossamdoaaaa

ياجماعة مش اى حاجة ننقدها ماهو الزجاج الملون بيغمق بالليل ويبقى زى الفاميه محدش يقدر يشوف الى جوه العربية وانتو عارفين البلاوى الى بتحصل فى العربيات على الطريق الدائرى وفى الاماكن الرومانسية ولا ايه.....

---

و برضه القزاز الفامية هو اللي بيحمى بنتى الصغيرة من الشمس اللي بتاكل وشها و أنا على الطريق طول النهار و هيا في كرسيها ورا ....


لما يكون في اختراع ليه ميزة لمعظم الناس (و الهو الغرض اللي اتعمل علشانه) طبيعي يكون ليه عيب أو سوء استخدام من البعض

مش الحل أبدا أبدا اني امنع الفايدة للكل "لتقاعسي" عن ضبط القلة المنحرفة

و الا كنا منعنا السكاكين من المطابخ لأن في بتتعور منها



زي ما المرور الحكيم ...لاقى الناس بتكسر الإشارة ...يبقى بلاها اشارة و نطبق نظام البلاهة بتاع اليو تيرن اللي نيل الدنيا جدا

و ده لأنه متقاعس عن ضبط الإشارة المرورية و عقاب المخالفين

الكلام ده مش صحيح لاني لسه مقابل ناس مرخصين كيا كارينز و مكتوب زجاج ملون في الرخصة

اقتباس:

---

المشاركة الأصلية كتبت بواسطة ak1981

الكلام ده مش صحيح لاني لسه مقابل ناس مرخصين كيا كارينز و مكتوب زجاج ملون في الرخصة

---

+1111111111111111111

المساواة في الظلم عدل ياما يسمحوا للكل يركب فيميه يامنعوا الكل لاحسن خلاص الواحد ها يتنقط من التفرقة بين الناس وربنا يهدي الجميع :colsmil:

اقتباس:

---

المشاركة الأصلية كتبت بواسطة Ahmed Samy

سبحانك يارب ......


ارسل اللواء محمد منصور مدير الإدارة العامة للمرور خطابا لمصلحة الجمارك معناه باختصار و بالبلدي كده

لأن الناس بتستهبل و انتوا عندكو موظفين مرتشين فالمرور مش هايقبل اي افراج جمركي لعربية مكتوب فيه "زجاج ملون" أو " دعامات جانبية"


يعني .......

لو حضرتك اشتريت عربية لاند كروزر فيها عتب و قزاز ملون مش هايتثبتوا في الرخصة ...

و طبعا كل يوم هاتبقى و جبة شهية لكلاب السكك

و كل كمين يتسلى عليك شوية



انا مش فاهم هو الموضوع بقى خلاص بالدراع للدرجة دي ؟؟؟

يعني لازم شركة أجنبية زي بي ام مثلا توريهم العين الحمرا زي نوكيا علشان كل واحد يتلم و يفوق و يعرف ان الله حق .....


البلد دي عاوزة بلف

---

ممكن مصدر الخبر؟

اقتباس:

---

المشاركة الأصلية كتبت بواسطة otefa

المساواة في الظلم عدل ياما يسمحوا للكل يركب فيميه يامنعوا الكل لاحسن خلاص الواحد ها يتنقط من التفرقة بين الناس وربنا يهدي الجميع :colsmil:

---

يعني سيادتك انا مطلوب مني اما استلم الكارينز اروح اكسر القزاز الخلفي + الاتنين بانيل + الاتنين باب الخلفيين عشان يبقى المساواة في الظلم عدل و لا ايه؟؟؟؟؟؟

و لا اغيرهم بقزاز اصلي ب 5000 جنيه

و لا بقزاز اي كلام و العربية جديدة

و لا ادفع المخالفة كل يومين

و لا امشي ارش عاللجان لجنة لجنة؟

لو زي ما بتقول المساواة في الظلم عدل يبقى الأصح انهم [overline]يمنعوا استيراد العربيات بقزاز ملون من الاول [/overline]

مش يستوردوها و يفرجوا عنها جمركيا و ندفع احنا الجلد و السقط في الجمرك و ضريبة المبيعات و ضريبة ام ترتر

و بعدها نتغرم في اللجان !

هما ماشيين على نهج النعامه اللى بدتفن راسها فى الرمل بدل ما تشوف حل للمشكله

والله بتوع المرور دول غلابه سلطات عليا تقولهم امنعوا الفاميه وسلطات عليا تانيه تقولهم لالا خلوه او طلعوه لينا بس اللى هى كوسه
حلال ليهم وحرام لينا وبتوع المرور فى الوسط مش عارفين ينفذوا كلام مين وبيقعدوا يخبطوا وخلاص
عربيات نقل الموتى بزجاج ملون
عربيات الاسعاف بزجاج ملون
عربيات الحراسات الخاصه بزجاج ملون
عربيات كبار رجال الاعمال والوزراء بزجاج ملون
بعض عربيات نقل الاموال بزجاج ملون
وحاجات تانيه مش فاكرها طبعا ده اللى عارفه اى ظابط فى المرور
اذن الزجاج الملون ليه لازمه وفايده ده غير فايدته لينا كعامه الشعب
غلاسه بتوع الميكروباص لو معاك بنات فى العربيه وتلامه البنى ادمين اللى تلاقيهم عايزين يجيبوا كرسى ويقعدوا يتفرجوا على التابلوه بتاعك مش عارف ليه؟ والشمس
المفروض يبقى فيه ضوابط وتشديدات وقوانين لتركيب الفاميه لكن منعه نهائيا ده بقى تخلف سورى فى اللفظ
وتلاقى البيه اللى منعه مركبه فى عربيته اصلا
انا عن نفسى هجيب ازاز ملون ومش فاميه اللى بيتلزق وراجل يوقفنى ويسألنى عنه
ده فى فرح واحد جارى رحنا نأجرله همر واحنا راجعين وقفنا كمين؟؟
طبعا قولنا كمين ايه ده اللى بيوقف همر العسكرى بيقول لصاحبى اللى سايق هات رخصك للباشا صاحبى قاله انت عبيط يلا دى همر هههههه العسكرى بيقوله يعنى ايه قاله هى الهمر بتمشى برخص انت عبيط ولا ايه راح منادى الظابط صاحبى قاله الحق ده موقف الهمر وبيقولى رخصك قاله خلاص خلاص اتفضل
شفتوا الجهل !!! والعربيه كانت بتاعه واحد روش بجد زينون واللمض اللى على السقف وجنوط 21 وفاميه وشاشاتdvd ومبهدل الدنيا
جهل بكل المقاييس

اقتباس:

---

المشاركة الأصلية كتبت بواسطة ak1981

لو زي ما بتقول المساواة في الظلم عدل يبقى الأصح انهم [overline]يمنعوا استيراد العربيات بقزاز ملون من الاول

---

+111111111111111

انت فهمتني غلط انا بالعكس بايد الفيميه يعني ليه فوائد للصبح ولو لاحظت فوق ها تلاقي في شكر انا حطه بالمعني ده
وبعدين المفروض يخلوه اشتراطات معينة زي انه مايزيدش عن 50% لاحتياطات امان في السواقة تبقي شايف العربيات الي جنبك وكده
اما حكاية الامن وبيتعمل حاجات غلط في العربيات المتفيمة فدي حجج واهية,وبس

اقتباس:

---

المشاركة الأصلية كتبت بواسطة otefa

+111111111111111

انت فهمتني غلط انا بالعكس بايد الفيميه يعني ليه فوائد للصبح ولو لاحظت فوق ها تلاقي في شكر انا حطه بالمعني ده
وبعدين المفروض يخلوه اشتراطات معينة زي انه مايزيدش عن 50% لاحتياطات امان في السواقة تبقي شايف العربيات الي جنبك وكده
اما حكاية الامن وبيتعمل حاجات غلط في العربيات المتفيمة فدي حجج واهية,وبس

---

+1

مش فاهمك غلط و لا زعلان و الله :)

اقتباس:

---

مش الحل أبدا أبدا اني امنع الفايدة للكل "لتقاعسي" عن ضبط القلة المنحرفة

---

بالظبط!
لكن هنا في بلد الــ7000 بتاع ... لازم نستسهل و نقرف الناس المحترمة

اقتباس:

---

المشاركة الأصلية كتبت بواسطة successcre8or

بالظبط!
لكن هنا في بلد الــ7000 بتاع ... لازم نستسهل و نقرف الناس المحترمة

---

هاهاهاهاها حلوة سبعتلاف بتاع ههههههههههههههه

مصدر الخبر يا شباب كان مقال خالد أباظة يوم السبت 9/5 تقريبا
و كان منزل صورة لخطاب السيد اللواء و كان عنوان الموضوع (مدير بي ام دابليو ووزير الداخلية)

و بعد اسبوع ...صدر (نفي) من وزارة الداخلية عن اي قرار لمنع ترخيص مثل هذه المواصفات ..شرط ان تكون من بلد الصنع ....

و انا السيد اللواء كان يرسل (خطابا) وليس قرارا هههههههههههه

اعتذر لعدم نشر نفي الداخلية

دي الفايدة الوحيدة اللي عملها أباظة ده من يوم ما عرفته ان شرد للخطاب بالشكل العارم ده و كان السبب في لم الدور

الناس دلوقتي بترخص الملون عادي

عقبال مايسمحو للفيميه والفي كول هههه

اقتباس:

---

المشاركة الأصلية كتبت بواسطة otefa

عقبال مايسمحو للفيميه والفي كول هههه

---

وليه لأ

حنا ممكن من المنتدى نعمل مطالبة لوزارة الداخلية ببحث الأمر

و خصوصا انا المناخ فعلا اتغير و اصبح في الصيف قريب من الدول شديدة الحرارة

و اللي احنا عايزينهم يسمحو بيه هايكون شفاف 70 في المية يعني مش حاجب للرؤية ابدا


قول يارب

ادعوا بس حد من الناس التقال يمسك توكيل الفامية فى مصر ساعتها حيبقى قانونى و ذى القشطة!!!!!!!
وتلاقى مدير المرور دة هو ذات نفسة بيشكر فى فوايد الفامية و حلاوة الفامية و شياكة الفامية
هههههههههه

اقتباس:

---

المشاركة الأصلية كتبت بواسطة ashouhdy

ادعوا بس حد من الناس التقال يمسك توكيل الفامية فى مصر ساعتها حيبقى قانونى و ذى القشطة!!!!!!!

---

و ساعتها هايبقى اجباري زي الطفاية و الحزام و الخوذة و المثلث و الشنطة

وتلاقي و انت بتفحص يقوللك روح الزق العازل في الكشك و تعالى :F_eyeb1[1]: