دي سماجة..ولا الناس بقت كده؟؟

السلام على الجميع
النهاردة وانا ماشي في امان الله بعربيتي ورا عربية لا نسر ماشية ببطء شديد قوي والدنيا ليل في طريق داخل المدينة حدث موقف غريب. انا شايفه سماجة بس ممكن يكون روشنة او تصرف كول أو شطارة من صاحب العربية او هي دي بقت اخلاق معظم الناس اليومين دول. الأخ لأنه ماشي ببط اديته كلاكس مرة واحدة مش اكتر. فوجئت انه هدا جدا ووشغل البخاخات بتاعة الزجاج الأمامي ورش العربية بتاعتي ميه. البخاخات كانت جايبة ورا عربيته حوالي تلاته متر. انا صراحة اتصدمت واستغربت. قلت ياواد تشتم ..تيت تيت تيت تييييت ولا ترعشله ولا تمشي وتستغرب بعدين؟ مش فاكر غير اني رعشتله واستغربت لأني مافهمتش ايه اللي حصل ده...لو حد فاهم يفهمني ولو مكاني وحصل كده تعمل ايه؟:beatdeadhorse5: الخوف لا يطلع بعد كده رش بحاجات تانية ولا زيت فرامل ولا مية نار...:O_stupid[1]:

ادعى له هو و امثاله ان ربنا يشفيهم من مرض انفلوانزا السفالة اللى انتشرت فى البلد ..

اه والله عندك حق؟ وانا شايف أن انفلونزا السفالة دي اخطر من انفلونزا الطيور والخنازير. موت اخلاق ...

هو تلاقيه بيغلس عليك علشان تكلكسله يقوم راشش عليك علشان يفرح الأمورة اللي راكبة جمبه و يوريها انه واد مش متربي


و طبعا هو مش محتاج اثبات ....

الهيافة كلت كل حاجة في عقول الشباب ده

فعلا...تقريبا كانت الأمورة راكبة جنبه. بس قولولي ياجماعة.. مش كان واجب ازنق عليه وانزل اديله قلمين يفوقوه..ولا الواحد يعمل ايه بس في ناس مش فايقة لنفسها؟؟

عيل هايف

وفي ناس بتغير اتجاه الرشاشات للجناب على فكرة لمزيد من الهيافة وقلة الأدب عشان يعاكس البنات اللى ماشية في الشارع

ههههههههههههههههههههههههه ههههههههههههههههههههههههه ههههههههههههههههههههه
و الله فكرتونى بموقف يموت من الضحك كنت ماشى على البحر انا و ابن خالى و كان فى شاب مستظرف نفسه و فرحان بالأمورة اللى راكبة جنبه و هى حاسه ان مفيش منه اتنين فى السواقة و هو شاكله مأجر العربية
المهم الواد نفسه يشد مع اى نملة
و طبعا انا و ابن خالى لما بنبقى مع بعض بعربياتنا بتطلب تهييس بس مش شد
و المعلم ده كل ما ييجى يسحب نروح انا و ابن خالى كاسرين عليه سنة صغيرة بحيس ميلبس و فجأة راح جى جنب عربية ابن خالى راح مزنق عليه عشان يدخل فى الجزيرة
رحت انا جاى ادامه و مهدى خالص و عديت ابن خالى
يوميها الواد ده اتروق بصراحة مننا.

كله بسبب الأمورة
إمبارح برضه فى شارع ماياخدش غير عربية واحدة, و الأفندى ماشى قدامى على الأول تقريبا و انا هاتجنن
فجأة لاحظت إن فيه واحدة جنبه مش سايباه يركز فى السواقة خالص :001_icon16:
طبعا فضلت منور العالى لغاية ما دخل فى شارع جانبى

حاجة تقرف

هو طبعا غلطان مفيش شك
بس حضرتك ملقتش غير انك تمشى وراه وتكلكس وتضرب نور

اقتباس:

---

المشاركة الأصلية كتبت بواسطة kingtefa

ههههههههههههههههههههههههه ههههههههههههههههههههههههه ههههههههههههههههههههه
و الله فكرتونى بموقف يموت من الضحك كنت ماشى على البحر انا و ابن خالى و كان فى شاب مستظرف نفسه و فرحان بالأمورة اللى راكبة جنبه و هى حاسه ان مفيش منه اتنين فى السواقة و هو شاكله مأجر العربية
المهم الواد نفسه يشد مع اى نملة
و طبعا انا و ابن خالى لما بنبقى مع بعض بعربياتنا بتطلب تهييس بس مش شد
و المعلم ده كل ما ييجى يسحب نروح انا و ابن خالى كاسرين عليه سنة صغيرة بحيس ميلبس و فجأة راح جى جنب عربية ابن خالى راح مزنق عليه عشان يدخل فى الجزيرة
رحت انا جاى ادامه و مهدى خالص و عديت ابن خالى
يوميها الواد ده اتروق بصراحة مننا.

---

شاطر فعلا

اللي تستغرب له بجد ان معادش فيه احترام للنفس قبل الغير في الشارع خاااااااااااااالص

اقتباس:

---

المشاركة الأصلية كتبت بواسطة aratux

كله بسبب الأمورة
إمبارح برضه فى شارع ماياخدش غير عربية واحدة, و الأفندى ماشى قدامى على الأول تقريبا و انا هاتجنن
فجأة لاحظت إن فيه واحدة جنبه مش سايباه يركز فى السواقة خالص :001_icon16:
طبعا فضلت منور العالى لغاية ما دخل فى شارع جانبى

حاجة تقرف

---

هيه بقت كدة
الغريب ان في المواقف دي البنت المفروض تكون خايفه اكتر من الواد لأنه لو حصل مشكله ووقفوا و لا اتنيلوا ممكن يحصل اي حاجة لا يحمد عقباها و حد يشوفها و لا حاجة
و المفروض البأف اللى معاها يكون اكثر حذرا لما يكون معاه الامورة
يلا كله يهون عشان خاطر الامورة
ربنا يسترنا:11:

هههه

انا لو منك كنت اطلع قدامه واخنق عليه علشان يحس بالي بيعمله في الناس

ربنا يهدي