المشاركة الأصلية كتبت بواسطة abdelmessih67
أكشف على العفشة و على الموتور و شوف حالته تتناسب مع الكيلومتر و الا لأ لان من الممكن ان صاحب العربية مشيه مش كثير لكن مبهدل العربية و بعدين كله بثمنه .
أنا شاري تمبرا مستعملة منذ 3 أشهر و كان قصادي أكثر من واحدة زي ما بتقول كده تلاقي العربية بتكح أسمنت و الراجل يقولك دي فابريكة و عاملة 70 الف كيلو فقط و لكن لقيت أحسن حل هو الكشف على الموتور و العفشة و الشاسيه بالاضافة الى شخصية البائع نفسه لو تاجر سيارات يستحسن تبعد عنه الا لو كان معرفة و سمعته كويسة .
لو مواطن عادي يبقى نقي الشخص اللي هتشتري منه قبل العربية و شوف تعليمه ايه و مستواه ايه و بيتشغل ايه كأنك هتناسبه لان من شخصية البائع هتعرف حالة العربية .
لو راجل او سيدة محترمة و متعلم و لقيت العربية متصانة و مش متبهدة يبقى غالبا السيارة هي كمان متصانة و العداد مش ملعوب فيه .