عاوز اعرف يا شباب كل حاجه عن سوبر تشارجر
وبيركب على 1400 سى سى
ولا ليه حد ادنى
وكل مميزاته وعيوبه وتكلفه
ولو فى انواع منه واحسن نوع
وشكرا ليكم جميعا
:b4_611:
عرض للطباعة
عاوز اعرف يا شباب كل حاجه عن سوبر تشارجر
وبيركب على 1400 سى سى
ولا ليه حد ادنى
وكل مميزاته وعيوبه وتكلفه
ولو فى انواع منه واحسن نوع
وشكرا ليكم جميعا
:b4_611:
هو اة السوبر تشارجر دة؟؟؟
حرررررررررررررررام عليك سوبر تشارجر مرة واحدة دة يدغدلك الماتور
انت ركب تربو تشارجر لكن مش سوبر تشارجر
وتكلفتة حوالى خمس الالف جنية حسب القدرة الى انت عاوز توصلها
بس طبعا لو هتركب تربو تشاجر
هيلزمك شوية تعديلات على السينا منها
1-تعديل نظام الفرامل باكملة دون نسيان شى
2-تركيب شدادات شاسية
3-تسقيط العربية يعنى توطيها علشان تبقى ثابتة
4-تركيب جنوط اكبر
؟؟؟؟؟؟؟؟؟؟؟؟؟؟؟؟؟
هو حضرتك تعرف الفرق بين ال supercharger and turbocharger يعنى فى واحد منهم بيدغدغ المكنة و التانى بيحافظ عليها؟؟؟؟؟؟؟
على فكرة الاتنين تأثيرهم متشابه على المحرك.. (عن دراسة)
و التعديلات اللى ذكرتها دى ملهاش اى علاقة بالتيربو تشارجر او سوبر تشارجر.
التعديلات بتتم على المحرك نفسه زى:
تعديل نظام التبريد (زيادة حجم الردياتير) علشان يستوعب الحرارة العالية الناتجة من ارتفاع درجات الحرارة و زيادة الضغط مع التشحين. لان بالتشحين بترتفع كل ضغوط الدورة..
تغيير توقيت اعطاء الشرارة..
الاهتمام بصمام العادم لانه معرض لدرجات حرارة مرتفعة ممكن تؤدى لتلفه مثل حدوث انبعاج.. بالتالى تغيير توقيت الصمامات Valve Timing علشان يدخل هواء بارد لتبريد صمام العادم..
طبعا الافضل ان نسبة الانضغاط للمحرك تكون منخفضة علشان يتم تشحينه لان نسبة الانضغاط العالية هتتسبب فى انخفاض الكفاءة الحجمية اللى هى همنا الوحيد لزيادة القدرة و العزم.........
و لسه...
لكن الفرق بين الاتنين كالاتى:
فى التيربو تشارجر فى تربينة بتدور من غازات العادم المحمله بطاقة حرارية عاليه enthalpy و طاقة حركة يعنى الطاقة الكلية عاليه total energy و التربينة متصلة مع ضاغط (كومبريسور) على نفس العامود و بالتالى الضاغط بيلف معاها و بيدخل كمية هواء اكبر (كتلة) نتيجة زيادة كثافة الهواء و ضغطه (لان وظيفة الكومبريسور رفع الضغط).
فى السوبر تشارجر الكومبريسور بيستمد حركته من المحرك نفسه عن طريق سير و بالتالى خرج المحرك (القدرة) بتقل و فى الحالة دى التيربو افضل لان العادم هو اللى بيدور التربينة بدلا من تصريفه محمل بالطاقة الحرارية.
نسيت اقول ان اهم حاجه تعرفها قبل ما تفكر تركب تيربو:
هل المواد المصنع منها رأس الاسطوانة.......
هتتحمل الضغوط العالية و لا لأ
و طبعا التيربو هيقلل من العمر الافتراضى للمحرك بدون نقاش
على فكرة انا عارف كل الكلام الى انت قولتة انا
الكلام الى انا قلتة هيتعمل على العربية مش على الماتور
لان العربية مش هتستحمل القوة والعزم الجديد
ولا انت اية رايك
التعديل كمان ممكن يكون فى الرشاشات لزيادة معدل سريان الوقود نتيجة زيادة كتلة الهواء بالتشحين.
تمااااااااااام بس المفروض تعديل المحرك هو الاصعب و الاكتر تعقيدا
و من ناحية عدم التحمل عندك حق لان لو واحد ركب تيربو اعتقد هيغير كبالن كل شهرين و 4-5 فرد كاوتش فى الشهر و......... حاجات كتييييييييييييييير
و طبعا المحرك نفسه مش هيتحمل و عمره الافتراضى هيقل زى ما قلت من شويه.
thnx ya shbab 3la elmror
الموضوع يعتمد على الضغط اللى بيولدة التربو او السوبر شارجر... مش اى تربو حيفرتك الموتور والا مكنش حد ركب تربوهات
انت ممكن تبداء ب 6 او 7 PSI و دة مش ضغط عالى خالص و نسبة الامان فيه عالية
MMamdouh