.... خسائر فادحة لدى تويوتا... والمستقبل لا يبشر أبداً ....

صرحت شركة تويوتا اليابانية (أكبر صانع سيارات في العالم)، أنها سجلت خسائر سنوية فادحة، والأولى من نوعها خلال مسيرتها التي تعود لأكثر من سبعة عقود من الزمان.


وبلغت خسائر تويوتا 4.4 مليار دولار أمريكي عن السنة المالية 2008 المنتهية بنهاية شهر مارس 2009، في انقلاب حاد لأدائها مقارنة بالسنة المالية 2007 والتي حققت فيها أكبر ربح في تاريخها توّج بواقع 17.3 مليار دولار!


وعن الربع الأخير من العام المالي 2008 لأشهر الماضية، فقد سجلت تويوتا خسائر بلغت 6.9 مليار دولار، بعد هبوط مبيعاتها بمقدار 1.3 مليون سيارة إلى 7.57 مليون سيارة خلال العام المالي ككل.

وبالتالي كانت نظيرتها الأمريكية المهددة بالإفلاسGM والعائدة من تسجيل خسائر خلال فترة الثلاث أشهر نفسها بقيمة 6 مليارات دولار , والأخرى فورد بقيمة 1.4 مليار دولار خلال نفس المدة، أفضل حالاً من اليابانية التي تواجه حالياً منافسة حادة من العملاق الأوروبي "فولكس فاجن" الذى يقترب من اكتساح الجميع والتربع على عرش الصانعين بعد إقترابه الشديد من تويوتا


والمؤسف أن نظرة تويوتا للفترة القادمة لا تفائل أبداً، فقد صرح الرئيس التنفيذي لها السيد "كاتسواكي واتانابي" بأن الأشهر الـ 12 القادمة ستكون صعبة للغاية، ومن المنتظر انخفاض جديد في المبيعات بحوالي المليون وحدة، وتسجيل خسائر صافية للعام المالي 2009 بقيمة حوالي 8.6 مليار دولار!، بعد تراجع نشاطها البيعي في أوروبا وأمريكا، وفي ظل الارتفاع المستمر لعملة الين أمام نظرائها من اليورو والدولار، ما سيستدعيها لخفض الإنتاج وتسريح محتمل للعمال، وتأجيل طرح طرازات جديدة وتوقيف بحوث ودراسات تطويرية ذات تكاليف كبيرة.

ماحنا قولنا بقى ده زمن العربيات الصينى والهيدروجين والكهرباء
بس خساره والله الواحد كان نفسه العربيات القويه دى تفضل موجوده!!

الحمد للة اننا معندناش صناعة اصلا علشان نبكى عليها

لا حول ولا قوة الا بالله لما الناس دى بتخسر مين بيكسب؟؟؟؟؟

اقتباس:

---

المشاركة الأصلية كتبت بواسطة medhatamr

الحمد للة اننا معندناش صناعة اصلا علشان نبكى عليها

---

:biggrin: والله معاك حق هم يبكى وهم يضحك

طبيعي أن أكبر مُصنع للسيارات يكون من أكبر الخاسرين وطبيعي أيضاً أنه لم يعلن أفلاسة أو طلبه للمساعدات الحكومية حتى الآن ! أيضاً لأنه كبير ولكن المسألة متعلقة بالوقت ومدى تعمق الأزمة ومع أنهم يابانيين ألا أن الخوف يتملكهم من المستقبل ولا يستطيعون السيطرة عليه لكن عندنا هنا الوكلاء والتجار ماشاء الله تبارك الله حارسهم وصاينهم من الحسد يقدروا يتنبئوا بما سيحدث في المستقبل بشكل كامل وقاطع ولا يقبل التشكيك وهو أرتفاع الأسعار على الدوام .

برضه الموضوع مش بسيط زي ما التجار فاكره_الأزمة حقيقية والأسعار لازم حتنهار
مسألة وقت مش أكتر

يعنى فى امل نشوف الياريس ب 65 الف ولا ايه :) ؟

سبحان الله

يالي بيشوف اعداد الكورولا و الياريس اللي ماشيه بالشارع يقول انها اغني شركة في العالم و انها مستحيل تخسر في يوم.

بس عموما الازمة الاقتصادية هاي موجودة هلأ بالعالم كله.

و تويوتا مش اول شركة تواجه هالازمة بالفترة الاخيرة

ميرسي لحضرتك استاذ احمد علي الخبر

هو انا ممكن اسألك سؤال؟
هو انتى لبنانيه؟ :Copy of majd(4):

اقتباس:

---

المشاركة الأصلية كتبت بواسطة AshTurbo

طبيعي أن أكبر مُصنع للسيارات يكون من أكبر الخاسرين وطبيعي أيضاً أنه لم يعلن أفلاسة أو طلبه للمساعدات الحكومية حتى الآن ! أيضاً لأنه كبير ولكن المسألة متعلقة بالوقت ومدى تعمق الأزمة ومع أنهم يابانيين ألا أن الخوف يتملكهم من المستقبل ولا يستطيعون السيطرة عليه لكن عندنا هنا الوكلاء والتجار ماشاء الله تبارك الله حارسهم وصاينهم من الحسد يقدروا يتنبئوا بما سيحدث في المستقبل بشكل كامل وقاطع ولا يقبل التشكيك وهو أرتفاع الأسعار على الدوام .

---

هو ده اللي عايز اقوله
انها لغاية دلوقتي ماطلبتش اي مساعدات حكوميه ولا غيرة وعايشة بالاكتفاء الذاتى رغم الخسارة البشعة
وتويوتا بتعرف تنتج عربية اقتصادية تواجه الازمة وقت ما تحب
وما ننساش ابدا ان اليايبان هيا اللي عملت العربية الاقتصادية في السبعينات وقت ازمة البترول الشهيرة
واللي مساعد فولكس واجن دلوقتي سعر اليورو

أعتقد ان الموضوع مش ازمة اقتصادية بس,
تويوتا لا تتطور بشكل يؤهلها للبقاء على قمة المبيعات, و اعتلائها كان سببه خليط من الشطارة التجارية و الدعاية و السياسة!
لكن تويوتا لم تستغل هذه الفقاعة التى حققتها لتطوير نفسها و سيارتها بشكل فعلى, و هو عيب الشعب اليابانى الذى لا يعرف ملكة الابتكار, لذا فانها بدأت فى الانهيار, و الامريكيون أصبحوا يفضلون فورد عليها, و أصبحت تويوتا بنظر الكثيرين هى سيارة مملة شكلا و موضوعا بتكنولوجيا قديمة, و لم تعد ميزة الاعتمادية التى تروج لها تويوتا(و التى تعود الى استخدامها لتكنولوجيا قديمة) تمثل اغراء للمستهلك, لأن فورد أيضا اصبحت تقدم الاعتمادية ذاتها و ربما افضل بفضل التقارير بل ان معظم الشركات تقدم سيارات اعتمادية بشكل جيد حتى من كان له سمعة سيئة سابقة فى هذا المجال.
أعتقد ان نهاية هذه الفقاعة السخيفة التى تسمى بتويوتا قد دنت, و أن عصر المقلدون و السخفاء قد انتهى, انه عصر الذى يتطلب من السيارة أن تثير اعجابك و ولعك بالقيادة و تجعل الادرينالين يتصاعد فى دمك,انه عصر السيارة الساحرة و التى تميزك عن غيرك, و ليس عصر السيارات المملة.

اقتباس:

---

المشاركة الأصلية كتبت بواسطة فادى

أعتقد ان الموضوع مش ازمة اقتصادية بس,
تويوتا لا تتطور بشكل يؤهلها للبقاء على قمة المبيعات, و اعتلائها كان سببه خليط من الشطارة التجارية و الدعاية و السياسة!
لكن تويوتا لم تستغل هذه الفقاعة التى حققتها لتطوير نفسها و سيارتها بشكل فعلى, و هو عيب الشعب اليابانى الذى لا يعرف ملكة الابتكار, لذا فانها بدأت فى الانهيار, و الامريكيون أصبحوا يفضلون فورد عليها, و أصبحت تويوتا بنظر الكثيرين هى سيارة مملة شكلا و موضوعا بتكنولوجيا قديمة, و لم تعد ميزة الاعتمادية التى تروج لها تويوتا(و التى تعود الى استخدامها لتكنولوجيا قديمة) تمثل اغراء للمستهلك, لأن فورد أيضا اصبحت تقدم الاعتمادية ذاتها و ربما افضل بفضل التقارير بل ان معظم الشركات تقدم سيارات اعتمادية بشكل جيد حتى من كان له سمعة سيئة سابقة فى هذا المجال.
أعتقد ان نهاية هذه الفقاعة السخيفة التى تسمى بتويوتا قد دنت, و أن عصر المقلدون و السخفاء قد انتهى, انه عصر الذى يتطلب من السيارة أن تثير اعجابك و ولعك بالقيادة و تجعل الادرينالين يتصاعد فى دمك,انه عصر السيارة الساحرة و التى تميزك عن غيرك, و ليس عصر السيارات المملة.

---

:verygood:

اقتباس:

---

المشاركة الأصلية كتبت بواسطة فادى

أعتقد ان الموضوع مش ازمة اقتصادية بس,
تويوتا لا تتطور بشكل يؤهلها للبقاء على قمة المبيعات, و اعتلائها كان سببه خليط من الشطارة التجارية و الدعاية و السياسة!
لكن تويوتا لم تستغل هذه الفقاعة التى حققتها لتطوير نفسها و سيارتها بشكل فعلى, و هو عيب الشعب اليابانى الذى لا يعرف ملكة الابتكار, لذا فانها بدأت فى الانهيار, و الامريكيون أصبحوا يفضلون فورد عليها, و أصبحت تويوتا بنظر الكثيرين هى سيارة مملة شكلا و موضوعا بتكنولوجيا قديمة, و لم تعد ميزة الاعتمادية التى تروج لها تويوتا(و التى تعود الى استخدامها لتكنولوجيا قديمة) تمثل اغراء للمستهلك, لأن فورد أيضا اصبحت تقدم الاعتمادية ذاتها و ربما افضل بفضل التقارير بل ان معظم الشركات تقدم سيارات اعتمادية بشكل جيد حتى من كان له سمعة سيئة سابقة فى هذا المجال.
أعتقد ان نهاية هذه الفقاعة السخيفة التى تسمى بتويوتا قد دنت, و أن عصر المقلدون و السخفاء قد انتهى, انه عصر الذى يتطلب من السيارة أن تثير اعجابك و ولعك بالقيادة و تجعل الادرينالين يتصاعد فى دمك,انه عصر السيارة الساحرة و التى تميزك عن غيرك, و ليس عصر السيارات المملة.

---

ها ها
انت بتتكلم جد يا استاذ فادي
تويوتا المتربعة على عرش مبيعات السيارات في العالم وهيا ماركة واحدة وتحتها فرع للسيارت الفاخرة فقاعة وهاتنتهي !!!

وفولكس فاجن اللي تحتها 4 شركات كبار جدا لسه ماتفوقتش عليها في المبيعات

وجنرال موتورز بجلالة قدرها مش قادرة تقرب من الرقم بتاع مبيعات تويوتا نفسها اللي بتنافسها في عقر دارها فى الولايات المتحدة نفسها

وفورد اللي بتقول عليها اللي بتاخد تكنلوجيا مازدا تحطها في عربيتها عشان تتباع وتقولي تويوتا فقاعة

تويوتا اللي مالية الخليج كل (اكبر مستهلك للسيارات في العالم) واللي مفيش اي ماركة امريكي قدرت تقرب من نص الرقم اللي بتبيعه في الخليج تقول عليها فقاعة

وكل ده في ظل الازمة المرعبة اللي بيعدي بيها العالم

طيب ادينا مستنين وادينا بنشوف كل يوم حجم الفقاعة بيزيد ولا بيقل

اقتباس:

---

المشاركة الأصلية كتبت بواسطة karim_monir

وجنرال موتورز بجلالة قدرها مش قادرة تقرب من الرقم بتاع مبيعات تويوتا نفسها اللي بتنافسها في عقر دارها فى الولايات المتحدة نفسها

---

مش قادره تقترب؟؟
ليه هى تويوتا تفوقت على جينيرال كام سنه؟
بعد ما كانت جينيرال مكتسحه السوق لمده كام سنه؟

اقتباس:

---

المشاركة الأصلية كتبت بواسطة m.mokhtar

مش قادره تقترب؟؟
ليه هى تويوتا تفوقت على جينيرال كام سنه؟
بعد ما كانت جينيرال مكتسحه السوق لمده كام سنه؟

---

مالهاش لازمة الكلام على جنرال موتورز لأنها فلست خلاص

الموضوع مش مسالة كام سنه
المسألة دلوقتي ان هيا فلست وتركت العرش خلاص

احنا مش بنقول ان الشركة انتاجها مثلا وحش ولا كده لأ طبعا
ولكن المنافسة انك تتوافق مع السوق بما يريده
وده شئ طبيعي لجنرال لأنها كانت لا تهتم بالأقتصادية في التشغيل
وبما ان العالم كله من بداية 2000 والبنزين بيعلى والدنيا بتغلى
فطبيعي العربايت بتاعتها اللي كانت بتعتمد عليها وكانت عاوزه بنزينات تمشي وراها ايام التسعينات لأن الناس كانت واخده راحتها في البنزين ايامها في التسعينات والثمانينات
اما الأن فخلاص ده زمنه راح
الناس بتحسبها دلوقتي في كل حته في العالم بالملي
ولا تنسى ان تويوتا دلوقتي متربعه على عرش الهايبر كمان والبريوس بتتباع زي 128 في عصرها في العالم كله دلوقتي

اقتباس:

---

المشاركة الأصلية كتبت بواسطة karim_monir

ها ها
انت بتتكلم جد يا استاذ فادي
تويوتا المتربعة على عرش مبيعات السيارات في العالم وهيا ماركة واحدة وتحتها فرع للسيارت الفاخرة فقاعة وهاتنتهي !!!

وفولكس فاجن اللي تحتها 4 شركات كبار جدا لسه ماتفوقتش عليها في المبيعات

وجنرال موتورز بجلالة قدرها مش قادرة تقرب من الرقم بتاع مبيعات تويوتا نفسها اللي بتنافسها في عقر دارها فى الولايات المتحدة نفسها

وفورد اللي بتقول عليها اللي بتاخد تكنلوجيا مازدا تحطها في عربيتها عشان تتباع وتقولي تويوتا فقاعة

تويوتا اللي مالية الخليج كل (اكبر مستهلك للسيارات في العالم) واللي مفيش اي ماركة امريكي قدرت تقرب من نص الرقم اللي بتبيعه في الخليج تقول عليها فقاعة

وكل ده في ظل الازمة المرعبة اللي بيعدي بيها العالم

طيب ادينا مستنين وادينا بنشوف كل يوم حجم الفقاعة بيزيد ولا بيقل

---

للعلم فقط فورد مبتاخدش حاجة من مازدا,
مازدا هى التى اصبحت عربية فورد متنكرة, و عند المازدا 3 هى عبارة عن فوكس بشكل أخر , و تقوم على شاسيه فورد C1.
http://en.wikipedia.org/wiki/Ford_C1_platform
و بعدين هو مين اللى مشترى مين؟
فورد هى اللى اشترت مازدا التى كانت على حافة الافلاس لأنها تفتقد ابسط مقومات البقاء.
و فولكس فعلا سوف تتجاوز تويوتا هذا العام كما تقول معظم التقارير, ده مش كلام فى الهوا.
و عموما زى مانت قلت, هنشوف.

اقتباس:

---

المشاركة الأصلية كتبت بواسطة m.mokhtar

مش قادره تقترب؟؟
ليه هى تويوتا تفوقت على جينيرال كام سنه؟
بعد ما كانت جينيرال مكتسحه السوق لمده كام سنه؟

---

انت واخد بالك جنرال موتورز دي كام شركة في بعض
وتويوتا دي شركة واحدة مع فرع للسيارات الفاخرة والتانية عربيات صغيرة

جنرال موتورز بتبيع في قارة بحالة
وتويوتا تدخل تنافسها في عقر دارها وتسحب البساط منها
بل وتجعلها تتراجع عن القمة
وجنرال موتورز مقدرتش تقرب جنب اسواق اليابان اصلا

في عالم الصناعة
البقاء للاقوى والافضل

اقتباس:

---

المشاركة الأصلية كتبت بواسطة فادى

للعلم فقط فورد مبتاخدش حاجة من مازدا,
مازدا هى التى اصبحت عربية فورد متنكرة, و عند المازدا 3 هى عبارة عن فوكس بشكل أخر , و تقوم على شاسيه فورد c1.
http://en.wikipedia.org/wiki/ford_c1_platform
و بعدين هو مين اللى مشترى مين؟
فورد هى اللى اشترت مازدا التى كانت على حافة الافلاس لأنها تفتقد ابسط مقومات البقاء.
و فولكس فعلا سوف تتجاوز تويوتا هذا العام كما تقول معظم التقارير, ده مش كلام فى الهوا.
و عموما زى مانت قلت, هنشوف.

---

مفيش مانع ان عربية تشترك مع التانية في شاسية وعفشة عشان توفير النفقات ودي سياسة معروف من اول فيات لغاية العربيات الصيني
لكن مازدا صاحبة ابتكارت مرعبة في عالم السيارت ومش هاقولك غير ان ماذدا يعني روترى انجين من 1300 سي سي
ومحدش يقولي غيرها سبقا
المهم اللي استمر يطور كل يوم
ولو فولكس تجاوزت تويوتا مايعبش تويوتا لان فولكس 4 من اكبر شركات وموديلات كتير جدا سواء من فولكس ولا سيات ولا اودى
لكن تويوتا لوحدها برضه
وادينا قاعدين بنتفرج على صراع الكبار
اللي البقاء فيه للاقوى والافضل فقط

خلونا نتكلم ببعض المنطقيه وبدون تعصب أعمي

هل فعلا تويوتا تفتقر للابتكار وبتعتمد على تكنولوجيا قديمة

الحقيقة المقولة ده عاريه تماما من الصحة

والدليل لكزس الفرع الفاخر من تويوتا (والله الصور اللى بنشوفها ده ولا حاجة)

انا ركبت عربيات لكزس بجد حاجة تانية خالص كانها عربيات من كوكب تانى

لكن دعونا نتكلم بمنظور تانى / صناعة السيارات فى اليابان

صناعه ناجحة بكل المقاييس والتربع على القمة ومواصلة النجاح عمره

ما هيجى الا بالابتكار والجهد

اقتباس:

---

المشاركة الأصلية كتبت بواسطة karim_monir

م
لكن مازدا صاحبة ابتكارت مرعبة في عالم السيارت ومش هاقولك غير ان ماذدا يعني روترى انجين من 1300 سي سي
ومحدش يقولي غيرها سبقا
ا

---

الروتارى مش ابتكار مازدا,
الروتارى من ابتكار عالم المانى اسمه فينكل, بدعم من شركة المانية اسمها NSU, و كانت اول سيارة تزود بهذا المحرك هى NSU Spider سنة 1964, و NSU هى احدى الشركات التى اتحدت بعد ذلك فى المجموعة الألمانية الأربعة لتصبح جزءا من أودى,
و عندما اتحدت مع فولكس, قتلت فولكس هذا المحرك قتلا, لأن مشاكله اكبر من منافعه, فله عيوب كثيرة, و صحيح انه 1300 سى سى لكن الروتارى يستهلك وقودا مثل محرك تقليدى اكبر منه بكثير, كما أنه يحرق الزيت.
لذا فان الروتارى كما ترى ليس ابتكارا مرعبا, و لا يابانيا أصلا.
http://en.wikipedia.org/wiki/NSU_Spider
http://en.wikipedia.org/wiki/Wankel_engine
و مازدا خدت التصميم من NSU بالمللى, و استمرت فى تصنيعه حتى بعد ان تخلت عنه شركته الاساسية.
خليك متأكد من حاجة, اليابانيين لم يبتكروا البتة فى عالم السيارات, و هذه هى مشكلتهم الحقيقية, هم يفتقدون للابتكارية, و يركزون على المبيعات أكثر من تطوير سياراتهم, و هذا هو خطأهم الفادح الذى سيظهر أثره عما قريب.

يا استاذ فادى مانا كتبتلك (محدش يقولي غيرها سبقها)
يعني عارف انه اختراع الماني
لكن التطوير بعد كدة من مازدا والاستمرار عليه
وبعدين كل محرك له مميزاته وله عيوبه
واما نعتبر المحركات الامريكي ال 9000 سي سي محركات مليانة عيوب

اما عن كونك بتقول ان اليابانيين ماخترعوش حاجة في عالم السيارات فا مش لاقي حاجة اقولهالك لاني سبق وقولتلك في مناقشتنا السابقة لما انت مقتنع ان الشاهين افضل من الكرولا
اقنعك ازاي ان اليابنين مبتكرين وليس مقلدين ؟!!!

على فكرة انا مش ضدر الصناعة الاروبية والامريكية
انا من عشاق الفا روميو واودى وبورشه وجاكوار وبنتلى وبونتياك

لكن ماقدرش ابدا انكر دور اليابانيين في صناعة السيارت وخاصة في النص التاني من القرن العشرين
المثل بيقول اللي مابيشوفش من الغربال ...

اقتباس:

---

المشاركة الأصلية كتبت بواسطة karim_monir

المثل بيقول اللي مابيشوفش من الغربال ...

---

يجيب غربال اوسع


اى حد بيدخل مجال لازم يبقى ليه لامساته الخاصه وابتكاراته وابحاثه
خصوصا لو داخل فى مجال واسع زى ده والمنافسه فيه مش بترحم

عامل الخبره اكيد ليه دور كبير
والابحاث والدراسات ليها دور
وطبعا الميزانيه هى اللى بتلعب الدور الرئيسى

وكل واحد بيفكر بطريقه مختلفه
واحد بيلعب على احتياجات السوق
وواحد مش عايز ينزل بالبراند بتاعه لمستوى معين
وواحد عايز يحتل مراكز متقدمه فى سوق السيارات على حساب حاجات تانيه

مفيش حد مش بيبتكر وبيطور
بس كل واحد وليه اتجاهاته وتفكيره