حتعمل اية لو جاتلك مكالمة موبايل و انت سائق

**roky** · 14-05-2009 01:43 PM

الحقيقة انا من ساعة ما كنت بتعلم جديد
أخدت عهد علي نفسي اني ماطلعش الموبيل من جيبي اساسا حتي لو فضل يرن طول الطريق
لاني لو رديت مرة علي مكالمة ظنيت انها مهمة ... هاتبقي عادة و ارد علي طول بعد كده

و بعدين هايجري ايه لو سبت اللي بيرن يرن ... ماهو زمان مكانش فيه موبايل و كنا عايشين ... لما أوصل ابقي أشوف النمرة و اكلمه ... حتي لو كان مشواري طويل الدنيا مش هاطيير يعني لو أستني لحد ماوصل و اكلمه ...

و حدش يقولي انه احيانا بتكون حاجة مهمة و كونك ترد علي التليفون ممكن تنقذ مصيبة .. هاقولك ان أنا لو رديت و انا سايق ممكن فعلا اتسبب في مصيبة.

و ربنا يسترها علينا

**aif** · 15-05-2009 09:09 PM

المشاركة الأصلية كتبت بواسطة karim_monir

ال DVD عندي فيه بلوتوث وسايبه مفتوح على طول واول ما بركب العربية لو المشوار هايخد اكتر من 5 دقايق بفتح البلوتوث وبيعمل ارتباط اتوماتيك
وبيذيع على سماعات العربية لو في حد معايا بحول المكالمة على الاسبيكر الداخلي لان ابسط حقوق المتكلم انك تعرفة ان في حد غيرك بيسمع المكالمة
ولو الدنيا لبش والمكالمة هاتطول بشغل السماعة اللي سايبها في العربية وبتعمل ارتباط اتوماتيك برضه على التليفون مباشرة وباكمل المكالمة عادي

ايه ياعم كريم ...
هو كله توماتيكي توماتيكي كدة
هههههههههههههه
انا حسب المكامة من مين .... لو ح اطول باركن علطول واتكلم براحتي خالص ... ماهو محدش بيجري ورايا ..
لكن لو مكالمة ظهورات ..... يبقى اتكلم من السبيكر .... العادي مش ال توماتيكي ... واخلص ع السريع او اقوله ح اكلمك لما اوصل
....
وساعات بابقى عارف ان المكالمة من حد بيرغى و خلاص ... بأطنش لغاية ما أوصل واكلمه انا ..... توماتيكي
...
لو المكالمة من المدام بقى .....
بارد بسرعة حتى لو كنت واقف في لجنة ... وبأرد من غير سبيكر ولا توماتيكي .....
إحنا جدعان أوي
وحمشين أوي أوي

**abdelaziz-waleed** · 15-05-2009 11:43 PM

لو المكالمة مهمة هاركن على جنب وارد
انما لو حد اعرفه ممكن ماردش واطنش لغاية ما اوصل واتصل بيه

**abdelaziz-waleed** · 16-05-2009 12:14 AM

Good Drivers..... Just Drive
اتفضل ياباشا
http://www.youtube.com/watch?v=ZM-X1Nt4Jc0
http://www.youtube.com/watch?v=J0fLm...eature=related
http://www.youtube.com/watch?v=3iqCc...eature=related

**lancerevolution** · 16-05-2009 12:32 AM

غالبا مبعبروش و سعات بيبقى سايلنت
إنما أحيانا بكنسل لما بكون ناوى أكلم الى بيتصل و لما بروح بكلم الى كان بيتصل

**A. Ibrahim** · 16-05-2009 01:33 AM

بصراحة بحكم شغلي (مهندس safety في شركة بترول ) بحاول اتجنب الموضوع ده جدا و عشان كده انا عندي اختيار من اتنين يا اما بستخدم البلو توث يا اما باستخدم الكار كت و معنديش option C

و بحكم شغلي فا انا عندي دراسات و احصائيات في الموضوع ده لانو فعلا مهم بمعني
السواقة بتحتاج مجهود عضلي و عصبي و ذهني بمعني تاني لو حضرتك سايق و مروح من الشغل عل البيت و مش حنقول انك بتتكلم في التليفون حنقول انك بتسمع اغنية في الراديو او حتي بتفكر في موضوع و في اليوم ده انت مش مروح البيت و رايح مشوار تاني حتلاقي حضرتك بدون ما تحس في نص الطريق للبيت ما بالك لو انت في موقف حرج و بتتكلم في الموبيل و بتحكي موضوع او بتحل مشكلة و ماسكو بايدك اثبتت الدراسات العلمية و الاحصائيات من الحوادث ان زمن رد الفعل بتاع البني ادم في المواقف دي بيكون اطول بكتير من و انك تحت تاثير مخدر او سكر او ارهاق ما بالك و انت ماشي في مشوار نص ساعة بتشوف كام واحد جانبك بيتكلم في الموبيل ده الي جانب تاخر رد الفعل بسبب الامساك بالموبيل .

القانون المصري بيمنع استخدام المحمول يدويا ولا يمنع استخدام السماعة خلينا نقول نص العمي ولا العمي كله يا ريت نحافظ علي عدم التحدث في المحمول اثناء القيادة استخدم سماعة او السبيكر او وصلة لاين ان علي الكاسيت

**wisambasha** · 16-05-2009 09:36 AM

انا عادة بافتح السماعة البلوتوث اول ما ادخل العربية لو المشوار هايطول اما لو المشوار بسيط ومافيش حد معايا في العربية باوصل التليفون علي الكاسيت وباسمع من سماعات العربية عن طريق الوصلة aux
وما بارودش علي التليفون غير كده

**Dr.SherifMansy** · 16-05-2009 02:24 PM

طبيعة شغلى تحتم على انى ارد
ممكن يكون مريض ، او استدعاء عاجل من المستشفى ، او حالة طوارئ
علشان كده انا شارى سماعة بلوتوث و دايما لابسها فى العربية ، و لو حصل و فصلت شحن او نسيتها ، باستعمل السبيكر (الهاندز فرى) و لو الطريق دوشة قوى ، باركن فى اقرب مكان ممكن اقف فيه و اتكلم
و لكن لا يمكن امسك الموبايل فى ايدى و اتكلم و انا سايق
ده مبدأ مرفوض تماما سواء القانون بيمنعه او لأ ، لأنى باحس ان التحكم فى العربية مش كامل و ان كده خطر
و تحياتى

-

-

مشاهدة نتائج الإستطلاع: حتعمل ايه لو جاتلك مكالمة موبايل مهمة وانت سائق

الموضوع: حتعمل اية لو جاتلك مكالمة موبايل و انت سائق

LinkBack

أدوات الموضوع

عرض

-

-

-

-

-

-

-

المواضيع المتشابهه

لو رجع الزمن بيك 10 أو 15 سنة ... كنت حتعمل أيه ؟؟

لو جاتلك فرصة الحديث مع الرئيس اوباما هتقوله ايه

لو جاتلك فرصه تعيش بره مصر تروح؟؟؟؟؟؟؟؟؟؟؟؟؟

لو انت فى الموقف ده حتعمل اه؟

لخبراء المنتدي من الرجال p: >>> ايه احلى هدية جاتلك ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة