عرض للطباعة
امبارح فى البيت بيتك كان فيه لقاء لمحمود سعد مع المهندس الذى قتل اسرته
بصراحة انا اتأثرت جدا بموقف الراجل ده
وأد ايه كان بيحب اسرته وبيفضلهم على نفسة فى كل حاجة
فى مقولة بتقول : "ومن الحب ما قتل "
معقول فيه حد يعمل كده ؟؟
معقولة تدمر حياة اسرة ومستقبل اسرة كاملة فى لحظة ؟؟
برغم ان كان باين اوي من كلامه انه كان انسان " حاد الذكاء "
وكل ده كان بسبب ان واحد خد منه فلوسه وقاله هشغلهالك فى البورصه وهرب
البناء يكلف الانسان وقت و جهد كبير و الهدم ليس اكثر من قرار
بالفعل موقف غريب جدا
اللهم اكفنا شر وسوسه الشيطان
ربنا يغفر لهم وله
بس انا استغربت تعاطف محمود سعد معاه
في الاول والاخر هو قاتل
ومش لاقي له مبرر
وفي نفس الوقت مش قادر أقتنع بإنه غير مصاب بمرض نفسي زي ماهو بيحاول يقنعنا
شخصية مش مظبوطة والشيطان بينجح مع الشخصيات دى
الله يلعن ابو البريزة لأبو الربع جنيه
ان المال نعمه من الله سبحانه وتعالى
فنرجو عدم سب نعمه من نعم الله علينا
اقتباس:
المشاركة الأصلية كتبت بواسطة أبو حمزة
انا عن نفسي متعاطف معاه جدا
وزى ماهو باين انه قتل ولاده من كتر حبه ليهم وده الغريب
وانه كان بيفضلهم ديما على نفسه لدرجة ان ابنه وبنته وزوجته كل جايب لكل واحد فيهم عربيه موديل السنه وهوا راكب عربيه موديل 85
معقولة فى لسه حد محب ومعطاء للدرجة دى ؟؟