عايزين شوية معلومات عن العربيه دى و عن سعرها و امكانيتها و كده
عرض للطباعة
عايزين شوية معلومات عن العربيه دى و عن سعرها و امكانيتها و كده
دى ايه دى فيات؟؟
انا برضو اول مرة اسمع عنها
موتورها هو اللى فى 132 1600
قطع غيارها فيما عدا الموتور نادرة يعنى الصاج و خلافه
مالهاش سوق خالص
حجمها صغير على الموتور فطبعا بيعفرتها
اه نسيت اقول ان سعرها تحتانى اوى يعنى ما تزيدش عن 10 او 11 الف لو حلوة مثلا
فعلا الــ124ـ موجودة فى السوق و موديلاتها قديمة و التابلو بتعها مليان امبيرات كتيرة
ياة يا شباب فكرتوني بأيام ربنا ما يرجعها تاني ...بعتها من 11 سنة العربية دي قعدت معايا 4 سنين هي عربية شبابية جدا فعلا كنت بعشقها يمكن علشان اول بختي وكنت بصرف عليها كتير قوي.... المهم قطع غيار الموتور والات الجر كلها فيات 131 والعفشة والقنطرة فيات 124 ولادا مشكلتها في الشبكة و الفوانيس الخلفية والاكصدامات نادرة جداً ولو لاقيتها غالية قوي وبيعها صعب جداً وميشتريهاش غير غاوي وفنجري وصعب تلاقي واحدة اساسياتها كويسة متنساش احنا بنتكلم عن عربية أخر موديل ليها أتصنع سنة 1974 يعني من 35 سنة (: وعلشان موتورها 1600 و جر خلفي وكمان سبور بتغري قوي بالجري و خدت مطبات بالهبل تخيل في أربع سنين غيرت 6 قنطرة اللي بتشيل الموتور علي الشاسية !!!! كنت بروح أسكندرية ب 19 لتر وركبتلها علامة الbmw ورا وقدام وعلي الدركسيون وعلي الفتيس وكنت حاطط فيها كاسيت وسماعات بيونير جنوط سبور أنذار و تابلوة جديد كراسي امامي جديدة كان فاضل بس تكييف واير باج وتبقي موديل السنة (:
تخيل كنت شريها ب 8000 وصرفت عليها 10000 وبعتها ب 9000 بالعافية (:
معلش طولت عليكم تحياتي