بقيت معاكم بالنوبيرا بتاعتي

**محمد فريد** · 12-05-2009 06:27 PM

المشاركة الأصلية كتبت بواسطة aboomarahmad

ألف مبروك وربنايكفيك شرها ويعطيك خيرها
بالمناسبة يا جماعة..انا معايا نيوبيرا اوتوماتيك 2001عاملة 60,000كم.والحمد لله ايدي فيها على طول زي الكتالوج ما بيقول..اللي مضايقني ان الكل بيخوفني من الفتيس الاوتوماتك بتاعها ويقولوا فيه مشكلة بتظهر فيه ...الموضوع ده خلاني افكر ابيعها...يا ريت تقولوا لي حقيقة الموضوع ده ايه....والف شكر

اى عربية اوتوماتيك حضرتك ممكن بسهولة تعطل لو صاحبها مش بيهتم بيها صيانة وكده
لو كل اللى معاهم نوبيرا اتوماتيك خافوا وباعوها مش هتلاقى حد راكب عربيات
واخيرا اصلاح فتيس النوبيرا الاوتوماتيك ارخص بكتير من عربيات تانية زى ال c4 و الميجان (مع احترامى للسيارتين)

**ashraf_5971** · 12-05-2009 06:50 PM

اخوانى نفسى اشترى نوبيرا ومعايا 42 الف....انتظر منكم النصيحه يا غالييييين...وجزاكم الله كل خير

**samirayad** · 12-05-2009 07:21 PM

مبروك لأخونا المهندس : محمد

**Mohamed-Saoud** · 13-05-2009 12:35 PM

ربنا يخليكو جمعيا ... كلنا فعلا أسرة واحده في نايل موتورز

موقف ظريف حصل مع النوبيرا:::
بعد يوم من أستخدامها حسيت اني اتغشيت و زعلت كتير و ده كله ليه؟ علشان لاحظت ان مؤشر البنزين ما بينزلش بعد ما أطفي الموتور

بس أعدت ألاحظ كام عربية نوبيرا لقتيهم زي حالاتي و لما بصيت على الكتالوج لقيته بيقول كده

**marawanshahin** · 13-05-2009 02:06 PM

ربنا يعطيك خيرها و يكفيك شرها ويباركلك فيها بس ياريت تعملها الصيانة الشاملة بتاعتها علشان تبقى ماشى بيها مطمن

**marawanshahin** · 13-05-2009 02:09 PM

معظم العربيات الكورى واليابانى مؤشر البنزين ما بينزلش لما تطفى العربية

**merosss** · 13-05-2009 08:04 PM

المشاركة الأصلية كتبت بواسطة Mohamed-Saoud

ربنا يخليكو جمعيا ... كلنا فعلا أسرة واحده في نايل موتورز

موقف ظريف حصل مع النوبيرا:::
بعد يوم من أستخدامها حسيت اني اتغشيت و زعلت كتير و ده كله ليه؟ علشان لاحظت ان مؤشر البنزين ما بينزلش بعد ما أطفي الموتور

بس أعدت ألاحظ كام عربية نوبيرا لقتيهم زي حالاتي و لما بصيت على الكتالوج لقيته بيقول كده

انا عملت زيك كدة بردة و اعت اخبط فى العداد يمكن يكون معلق ولا حاجة و فى الاخر عرفت

**amegoo75** · 13-05-2009 08:18 PM

mabrooooooooooooooooooook rabna ybarklak fehaaaa???

**samirayad** · 13-05-2009 08:26 PM

_ هو موضوع عداد البنزين عندنا ببساطه شديده ........ليه هو كده ......مالوش تفسير غير الآتى................

_ نظرا لأن وحدة التحكم بيكون واصل لها كهرباء بأستمرار من البطاريه سواء العربيه مجرشه أو شغاله............

_ وحدة التحكم بيكون عندها المقدره على مراقبة كل الأحوال ( سواء دايرة أنذار أو دايرة قياس مستوى البنزين .....وهكذا )

_ ونظرا لأن حساس قياس مستوى الوقود الموجود على طلمبة البنزين .....بيكون واقع تحت نطاق تحكم وحدة التحكم ........فى كل الأحوال ( علشان الوحده واصلها كهرباء على طول )......................

_ فهو ده السبب أن مؤشر البنزين .....بيبين مستوى البنزين فى التنك فى كل الأوقات ........وبالطبع ده كويس جدا ......وتعتبر ميزه كويسه جدا ...................

_ لأن تواجد الحاله دى عندنا بيخلينا بأستمرار مطمنين وأحنا بنفتح الكونتاكت ......لبدأ الدواره ........

_ لأن لو دى مش موجوده ......ممكن تكون خلاص حدور ( بعد توقف معين ....ويكون التنك فاضى أو شبه فاضى لأى سبب بعد رحله قياده معينه )...........

_ وهنا بقه ممكن يحصل سدد فى مصفة طلمبة البنزين أو الفلتر أو دايرة البنزين عامة .....لأن الطلمبه حتسحب من رواسب تنك البنزين.......

_ فده بيعتبر فضل من الله .....علينا.....

_ وأعتقد الموضوع ده موجود فى كل أنظمة التحكم الألكترونى .............

.

**MMamdouh** · 13-05-2009 09:29 PM

العداد بتاع البنزين علية زى فرملة بتوقفة مكانة اول ما تطفى الكونتاكت... لو فصلت فيش العداد و خلعتة برة العربية حيفضل المؤشر فى النفس المكان برضة

MMamdouh