كيفية الابلاغ عن تاجر مخدرات

**kingtefa** · 11-05-2009 09:18 AM

المشاركة الأصلية كتبت بواسطة A.Saad

طبعا انا مش عارف ميعاد صفقة ومستحيل اعرفه
بس انا متاكد انه تاجر
تاجر مش موزع

ايه اللى اكدلك ممكن تحكيلنا و احنا ممكن نساعدك

**الطنطاوي** · 11-05-2009 09:24 AM

انت ممكن تبعت أكتر من جواب لمديرية الأمن اللي انت ساكن فيها

وياريت يكون موقع على الجواب أكثر من شخص

الطريقة مجربة

لكن المديرية مش القسم

وربنا يحفظك ويعينك ويوفقك

**hesham_tawfiq** · 11-05-2009 09:58 AM

فيه رقم مختصر للحالات دى بس للاسف مش عارفه
عموما ابسط حاجه ممكن تعرف من الدليل نمرة الاداره العامه لمكافحة المخدرات وهما يقولوهالك
انا مش مؤيد ان حضرتك تسكت زى ما معظم الاخوه هنا قالوا

**A.Lotfy** · 11-05-2009 10:52 AM

المشاركة الأصلية كتبت بواسطة amir

اظن و الله اعلم انك تروح لقسم الشرطه اللي انت تابع ليه في محل اقامتك و تطلب تقابل المأمور و لما الظباط يسألوك ليه قولهم عايزه في موضوع معين مش هينفع اتكلم فيه الا معاه
و لما تقابله هتلاقيه غالبا راجل وقور و متفهم و ذو خبره واسعه في الامور دي
اقعد معاه عرفه بنفسك و احكيله الحكايه و ايه اللي خلاك تشك في الراجل اللي بتتكلم عليه
و انت بس وضحلو انك مش عايز اسمك او اي حاجه عنك تتجاب في الموضوع و هو طبعا راجل كبير و فاهم كويس
بجد و الله ربنا يكتر من امثالك و يجازيك خير عن اللي بتعمله ده و تأكد ان ربنا لا يضيع اجر من احسن عملا

و كمان اقولك حاجه
هو هيفرح بيك اكيد زيي كده و اكتر لأنك لو كلامك و شكوكك في محلها يبقي جبتله ضبطيه مخدرات لحد الباب
اتكل علي الله و تبقي طمنا

أنا كمان معاك في الكلام ده
انت بلغهم بشكوكك وهما هيكملو لو عايزين يعملو تحريات ويراقبوه

**wesam_salom** · 11-05-2009 02:26 PM

انسى

الناس دى معروفه بالاسم

وانت مش اشطر من المباحث وتحرياتها

بس السؤال اللى المفروض نجاوب عليه

ليه سايبينهم

لو عرفت الاجابه هتعرف ليه بقولك انسى

**ezzatfox** · 11-05-2009 02:42 PM

لو انت متأكد فعلا
ممكن تكتب جواب و تبعتة للادارة العامة للمكافحة و واحد تانى للمديرية و حاول تشرح فية كل حاجة و كل الوقائع و المعلومات اللى عندك و لو مش عايز تذكر اسمك مش مهم بس المهم ان الجواب يبقى فية معلومات ترجح صحة الاتهام عشان يعملوا التحريات اللازمة و يتأكدوا انة مش بلاغ كيدى .
و يا ريت متسكتش احسن هزعل اوى .

**zocor742** · 11-05-2009 03:13 PM

الناس دى معروفه بالاسم

وانت مش اشطر من المباحث وتحرياتها

بس السؤال اللى المفروض نجاوب عليه

ليه سايبينهم

بالظبت كدة زى ما قال ابو مريم الناس دى معروفة بالاسم وهما لما بيكونوا عيزين حد ولا حد منهم قصر معاة بيروحو يسحبوا من بيتة زى الخروف